پاکستان سے پی اینڈ جی کے انخلا کے بعد گلٹ (Gillette)کے آپریشنز بند کرنے کا اعلان
اشاعت کی تاریخ: 2nd, October 2025 GMT
کراچی (ڈیلی پاکستان آن لائن)معروف کمپنی گِلٹ (Gillette)پاکستان کی پیرنٹ کمپنی پروکٹر اینڈ گیمبل (P&G) نے پاکستان سے انخلا کا فیصلہ کر لیا ہے، جس کے بعد گِلٹ کے آپریشنز بھی بند کر دیے جائیں گے۔ یہ اقدام کمپنی کی عالمی ری اسٹرکچرنگ حکمتِ عملی کا حصہ ہے، تاہم اس فیصلے نے ملک کے بزنس ماحول اور مستقبل کی سرمایہ کاری کے امکانات پر سوالات کھڑے کر دیے ہیں۔
گِلٹ پاکستان لمیٹڈ نے پاکستان اسٹاک ایکسچینج (PSX) کو آگاہ کیا کہ کمپنی کے بورڈ کو پی اینڈ جی نے اپنے فیصلے سے مطلع کر دیا ہے، جس کا مقصد پورٹ فولیو، سپلائی چین اور آرگنائزیشنل ماڈل کو از سرِ نو ترتیب دینا ہے تاکہ زیادہ تیزی سے ترقی اور بہتر منافع حاصل کیا جا سکے۔
رہنما پی ٹی آئی علی محمدخان کا قومی اسمبلی میں اسرائیل کے سمود فلوٹیلا پر حملےاور آزاد جموں و کشمیر کی صورتحال پر بحث کا مطالبہ
اس سلسلے میں بورڈ آف ڈائریکٹرز کا اجلاس جلد طلب کیا جائے گا تاکہ کاروبار ختم کرنے کے لیے درکار اقدامات کا جائزہ لیا جا سکے۔ اس میں گِلٹ پاکستان لمیٹڈ کو اسٹاک ایکسچینج سے ڈی لسٹ کرنے کا امکان بھی شامل ہے، جو قانونی اور ریگولیٹری تقاضوں کے مطابق ہوگا۔
1837 میں قائم ہونے والی پی اینڈ جی پیمپرز، ٹائیڈ، گِلٹ اور ہیڈ اینڈ شولڈرز جیسے عالمی برانڈز کی وجہ سے جانی جاتی ہے۔ کمپنی نے اعلان کیا ہے کہ پاکستان میں مقامی مینوفیکچرنگ اور کمرشل آپریشنز بند کیے جائیں گے اور ایک تھرڈ پارٹی ڈسٹری بیوٹر ماڈل کے تحت صارفین کو مصنوعات فراہم کی جائیں گی۔
افسران فلاحی منصوبوں پر کڑی نظر رکھیں روزانہ رپورٹس بھی فراہم کریں: سہیل شوکت بٹ
کمپنی کے مطابق ٹرانزیشن مکمل ہونے تک آپریشنز معمول کے مطابق جاری رہیں گے، جس میں کئی مہینے لگ سکتے ہیں۔ اس دوران متاثرہ ملازمین کو بیرونِ ملک مواقع دیے جائیں گے یا علیحدگی کے پیکجز فراہم کیے جائیں گے جو مقامی قوانین اور کمپنی پالیسیز کے مطابق ہوں گے۔
یاد رہے کہ پاکستان سے ملٹی نیشنل کمپنیوں کے انخلا کا رجحان بڑھ رہا ہے۔ گزشتہ ماہ آن لائن ٹیکسی سروس کریم نے سخت مسابقت اور معاشی مشکلات کے باعث اپنی رائیڈ ہیلنگ سروس بند کر دی تھی۔ اس سے قبل مائیکروسافٹ نے بھی ملک میں آپریشنز مکمل طور پر بند کرنے کا اعلان کیا، جبکہ پچاس سے زائد اسٹارٹ اپس یا تو بند ہو گئے یا اپنے بزنس ماڈل تبدیل کرنے پر مجبور ہوئے۔
آج پاکستان کو ایک معاملہ فہم قیادت اور دانشمندانہ حکمت عملی کی شدید ضرورت ہے، چوہدری محمد سرور
مزید :.ذریعہ: Daily Pakistan
پڑھیں:
پاکستان و امریکی نجی کمپنیز کے مابین ریئر ارتھ منرلز اور قیمتی دھاتوں پر بڑا معاہدہ ہوگیا
کراچی(نیوز ڈیسک)پاکستانی معیشت کے لیے ایک اور اچھی خبر سامنے آگئی، پاکستان کی پہلی نجی کمپنی ہیمالین ارتھ ایکسپلوریشن نے امریکی کمپنی نووا منرلز کے ساتھ ریئر ارتھ منرلز اور قیمتی دھاتوں پر معاہدہ کرلیا ہے۔
معاہدے کے تحت پاکستانی نوجوانوں کو امریکا میں بھیج کر معدنیات کے شعبے میں تربیت بھی دی جائے گی۔
ہیمالین ارتھ ایکسپلوریشن کے چئیرمین حنیف گوہر نے بتایا کہ امریکی کمپنی پاکستان معدنی شعبے میں 500 ملین ڈالر کی سرمایہ کاری کرے گی۔
انہوں نے بتایا کہ امریکی کمپنی نووا منرلز کے ساتھ مقامی منرلز کمپنی نے پلیسر گولڈ، قیمتی دھاتیں، اسٹوڈنٹ ایکس چینج پروگرام اور ٹیکنالوجی کی منتقلی کا معاہدہ کیا ہے جبکہ پاکستان میں دستیاب قیمتی دھاتوں کے ذخائر جلد امریکا کو برآمد کیا جائے گا۔
ہیمالین ارتھ ایکسپلوریشن کے سی ای او لیاقت سلطان کے مطابق امریکی کمپنی کے ساتھ پاکستان کی نجی شعبے کے ساتھ معدنیات سیکٹر میں یہ پہلا معاہدہ طے پایا ہے۔ اس معاہدے کے نتیجے میں پاکستان میں غیر ملکی سرمایہ کاری کی راہ ہموار ہوسکے گی۔
امریکی کمپنی نووا منرلز کے سی ای او کرسٹوفر گیرسٹین نے بتایا کہ انکا ادارہ گزشتہ 30سال سے معدنیات کے شعبے میں متحرک ہے اور پاکستانی کمپنی کے ساتھ طے ہونے والے معاہدے پر وہ بہت پرجوش ہیں۔
دہشتگردی کے واقعات کے پیش نظر افغانستان میں کارروائی کا عندیہ