پاکستانی عوام کسی صورت اسرائیل کو تسلیم نہیں کریں گے ،اسد قیصر
اشاعت کی تاریخ: 4th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد، (آن لائن) سابق اسپیکر اسد قیصر نے غزہ پر ڈپٹی وزیر اعظم کی جانب سے کیے گئے حالیہ فیصلوں پر شدید تنقید کرتے ہوئے کہا ہے کہ وہ خود بھی کنفیوژ نظر آئے، فیصلوں میں پارلیمنٹ سے مشاورت کا فقدان تھا، جب اتنے بڑے فیصلے کیے جا رہے ہوں تو پارلیمنٹ سے تجاویز لینا ضروری تھا لیکن افسوس کی بات ہے کہ ایسا نہیں کیا گیا۔قومی اسمبلی کے اجلاس میں اقومی اسمبلی کے اجلاس میں اظہار خیال کرتے ہوئے انہوں نے کہا شمع جونیجو والے معاملے پر خواجہ آصف کے بیان اور وزارت خارجہ کے موقف کو متضاد قرار دیتے ہوئے کہا کہ خواجہ آصف کو اس معاملے پر ٹی وی انٹرویو میں شرمندگی کا سامنا کرنا پڑا۔ اس خاتون کو کس نے وزیر اعظم کے اسپیچ رائٹر کے طور پر منتخب کیا، اس کی انکوائری کی جانی چاہیے۔پاکستان کے فلسطین کے حوالے سے مؤقف پر بات کرتے ہوئے اسد قیصر نے کہا کہ کسی بھی معاہدے میں فلسطینی عوام کی رائے کو نظر انداز کرنا قابل قبول نہیں ہے اور پاکستانی عوام کبھی بھی اسرائیل کو تسلیم نہیں کریں گے۔ انہوں نے ٹرمپ کے 20 نکات کے حوالے سے کہا کہ ان پر کسی مشاورت کے بغیر ٹویٹ کر دی گئی تھی اور وزیر اعظم کو قوم سے معافی مانگنی چاہیے کیونکہ ان کی اس حرکت سے قوم کے جذبات مجروح ہوئے ہیں۔اسد قیصر نے حکومت کی کارکردگی پر تنقید کرتے ہوئے کہا کہ گزشتہ اڑھائی سال میں 26 انٹرنیشنل کمپنیاں پاکستان چھوڑ چکی ہیں، اور ضرورت اس بات کی ہے کہ اس نااہل اور ناجائز حکومت سے جان چھڑائی جائے۔ قومی اسمبلی کا اجلاس پیر تک ملتوی کر دیا گیا۔
ذریعہ: Jasarat News
پڑھیں:
وزیراعظم شہباز شریف کیجانب سے قاتل ٹرمپ کے غزہ پلان کی حمایت مسترد کرتے ہیں، غلام حسین جعفری
اپنے مذمتی بیان میں اصغریہ آرگنائزیشن کے مرکزی صدر نے کہا کہ ہم واضح کرتے ہیں کہ پاکستان کی عوام اسرائیل کے ناجائز وجود کو تسلیم نہیں کرتی اور ہر حال میں فلسطین کی آزادی اور بیت المقدس کو اس کا دارالحکومت مانتی ہے۔ اسلام ٹائمز۔ اصغریہ آرگنائزیشن پاکستان کے مرکزی صدر غلام حسین جعفری کا کہنا ہے کہ پاکستانی عوام امریکی صدر ڈونلڈ ٹرمپ کے نام نہاد غزہ پلان اور وزیراعظم شہباز شریف کی جانب سے قاتل ٹرمپ کے غزہ پلان کی حمایت کو مسترد کرتی ہے، یہ حمایت فلسطینی عوام کے خون سے غداری اور پاکستانی عوام کے جذبات کی خلاف ورزی ہے۔ اپنے مذمتی بیان میں غلام حسین جعفری نے کہا کہ ہم واضح کرتے ہیں کہ پاکستان کی عوام اسرائیل کے ناجائز وجود کو تسلیم نہیں کرتی اور ہر حال میں فلسطین کی آزادی اور بیت المقدس کو اس کا دارالحکومت مانتی ہے، کسی حکومت کو عوامی جذبات کے برعکس کوئی فیصلہ کرنے کا حق نہیں۔ غلام حسین جعفری نے کہا کہ اصغریہ آرگنائزیشن پاکستان ہر حال میں مظلوم فلسطینی عوام کے ساتھ کھڑی ہے اور اسرائیل نواز کسی بھی سازش کو کامیاب نہیں ہونے دے گی۔
اٹلی کی ضد اور فلسطین