ڈینگی سے نمٹنے کے لیے مؤثر اقدامات کیے جائیں، مصطفی کمال
اشاعت کی تاریخ: 4th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد (آن لائن) وفاقی وزیر صحت مصطفی کمال نے کہا ہے کہ ڈینگی وائرس سے نمٹنے کے لیے مؤثر اقدامات جاری ہیں ،اس بات کو یقینی بنایا جائے گا کہ عوامی سطح پر فوری اور ٹھوس اقدامات کیے جائیں تاکہ اس بیماری کے پھیلاؤ کو روکا جا سکے۔ وفاقی وزیر صحت کی زیر صدارت ڈینگی وائرس کی موجودہ صورتحال پر ایک اہم اجلاس منعقد ہوا۔ اجلاس میں ڈینگی کی روک تھام کے لیے ایک مربوط حکمت عملی تشکیل دینے پر زور دیا گیا۔ وفاقی وزیر صحت مصطفی کمال نے اس موقع پر کہا کہ ڈینگی وائرس سے نمٹنے کے لیے مؤثر اقدامات جاری ہیں اور اس بات کو یقینی بنایا جائے گا کہ عوامی سطح پر فوری اور ٹھوس اقدامات کیے جائیں تاکہ اس بیماری کے پھیلاؤ کو روکا جا سکے۔ انہوں نے مزید کہا کہ تمام ہسپتالوں میں بخار کے مریضوں کے لیے الگ کاؤنٹرز قائم کیے جائیں گے تاکہ ڈینگی کے مشتبہ مریضوں کی فوری تشخیص اور علاج ممکن بنایا جا سکے۔
ذریعہ: Jasarat News
پڑھیں:
کراچی دودھ دینے والی گائے ،سندھ میں بھی صوبہ بنے گا،مصطفیٰ کمال
کراچی (نیوزڈیسک) مصطفیٰ کمال نے کہا کہ پیپلز پارٹی نے بلدیاتی نظام سے متعلق بل پر بات نہ کی تو 18ویں ترمیم بھی ختم ہوگی اور سندھ میں صوبہ بھی بنے گا۔
انہوں نے پیشگوئی کی کہ آنے والے مہینوں میں بلدیاتی نظام سے متعلق ترمیم بھی آئے گی اور منظور بھی ہوگی۔
مصطفیٰ کمال نے پیپلز پارٹی کو معاملے پر آن کیمرہ بات چیت کی دعوت بھی دی اور کہا کہ جس طرح آپ 18ویں ترمیم کا کریڈٹ لیتے ہیں، بلدیاتی نظام سے متعلق ترمیم کا بھی کریڈٹ لیں۔
اُن کا کہنا تھا کہ پیپلز پارٹی 27ویں ترمیم میں اس بل کو شامل کرنے کےلیے تیار نہیں تھی، حکومت نے کہا کہ اس بل کو آئندہ ترمیم میں لازمی دیکھیں گے۔
وفاقی وزیر صحت نے مزید کہا کہ کراچی دودھ دینے والی گائے ہے، اسے چارہ نہیں دو گے تو کیسے چلے گا، آپ این ایف سی ایوارڈ لیتے ہیں لیکن پی ایف سی تو ہے ہی نہیں۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟