طوفان ’شکتی: کراچی سمیت سندھ میں بارش کا امکان
اشاعت کی تاریخ: 4th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(نمائندہ جسارت) محکمہ موسمیات (پی ایم ڈی) کے مطابق سمندری طوفان ’شکتی‘ کے اثرات کے تحت کراچی ڈویژن اور سندھ کے مختلف علاقوں میں جمعہ اور ہفتہ کو بارش کا امکان ہے۔محکمہ موسمیات نے جمعہ کے روز بتایا ہے کہ ’شکتی‘ آئندہ 24 گھنٹوں کے دوران شدید سمندری طوفان کی شکل اختیار کر سکتا ہے، جس کے نتیجے میں ہلکی سے معتدل بارش متوقع ہے۔شمال مشرقی بحیرہ عرب میں موجود ہوا کا کم دباو¿ گزشتہ 6 گھنٹوں کے دوران شمال مغرب کی جانب
بڑھا، جس نے شدت اختیار کرتے ہوئے سمندری طوفان ’شکتی‘ کی شکل اختیار کر لی اور کراچی کے جنوب میں 360 کلومیٹر کی دوری پر موجود ہے۔ محکمہ موسمیات کے مطابق طوفان ابتدائی طور پر مغرب، شمال مغرب کی سمت میں حرکت کرے گا اور آئندہ 24 گھنٹوں کے دوران مزید شدت اختیار کر کے شدید سمندری طوفان میں تبدیل ہوسکتا ہے۔ بعد ازاں اس کے مغرب، جنوب مغرب کی سمت میں مڑنے اور وسطی شمالی بحیرہ عرب کی جانب بڑھنے کا امکان ہے۔محکمہ موسمیات کے مطابق سمندری طوفان ’شکتی‘ کے اثرات کے تحت آج اور کل تھرپارکر، عمرکوٹ، بدین، ٹھٹھہ، سجاول، ٹنڈو محمد خان، حیدرآباد، مٹیاری، شہید بے نظیر آباد، سانگھڑ، جامشورو، حب، لسبیلہ، آواران، کیچ اور کراچی ڈویژن کے چند مقامات پر ہلکی سے معتدل شدت کی آندھی، گرج چمک اور بارش کا امکان ہے۔محکمہ موسمیات نے ماہی گیروں کو 5 اکتوبر تک گہرے سمندر میں نہ جانے کی ہدایت کی ہے۔
ذریعہ
ذریعہ: Jasarat News
کلیدی لفظ: محکمہ موسمیات سمندری طوفان کا امکان
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار