کراچی: عمارت سے بزرگ شخص کی لاش اور خاتون بے ہوشی کی حالت میں برآمد
اشاعت کی تاریخ: 4th, October 2025 GMT
گلشن اقبال میں واقعے رہائشی عمارت عثمان پلازہ سے بزرگ شخص کی لاش اور ایک خاتون بے ہوشی کی حالت میں ملی ہے۔
ایدھی حکام کے مطابق خاتون کی حالت تشویشناک ہے جسے فوری طبی امداد کے لیے جناح اسپتال منتقل کردیا گیا۔
ایدھی حکام کا کہنا ہے کہ متوفی ضعیف شخص اور بے ہوش خاتون کی شناخت تاحال نہیں ہوسکی، اسپتال ذرائع کے مطابق ابتدائی معائنے میں بزرگ کی موت کی وجہ طبعی معلوم ہوتی ہے تاہم حتمی رائے پوسٹ مارٹم رپورٹ کے بعد سامنے آئے گی۔
ایس ایچ او تھانہ گلشن اقبال کے مطابق ضعیف شخص کی لاش اور بے ہوش خاتون رہائشی عمارت کے تیسرے فلور پر فلیٹ سے ملے ہیں۔ ابتدائی تفتیش کے مطابق متوفی اور بے ہوش خاتون بھائی بہن بتائے جارہے ہیں۔ تاہم واقعے کی مزید تفتیش جاری ہے اور جاں بحق شخص و خاتون کی شناخت کے لیے کوششیں کی جا رہی ہیں۔
گلشن اقبال تھانہ کے تفتیشی افسر نے بتایا کہ ابتدائی اطلاع کے مطابق جاں بحق ہونے والے شخص کی شناخت 76 سالہ اقبال الدین اور بے ہوش خاتون کی امینہ کے ناموں سے ہوئی۔
دونوں بھائی بہن ہیں، بھائی کی بیرون ملک روانگی تھی تاہم طعبیت خرابی کے باعث ان کی حالت خراب ہوگئی اور وہ جاں بحق ہوگئے۔بھائی کی خراب حالت کو دیکھ کر بہن بے ہوش ہوگئی۔تاہم طبعی امداد کی فراہمی کے بعد خاتون ہوش میں آگئی یے، پولیس واقعہ کی مذید تفتیش کررہی ہے۔
.ذریعہ: Express News
کلیدی لفظ: اور بے ہوش خاتون کے مطابق خاتون کی کی حالت شخص کی
پڑھیں:
کراچی میں ٹریفک حادثات، خاتون رائیڈر سمیت 2 افراد جاں بحق، دو زخمی
کراچی (نیوزڈیسک) کراچی میں ہیوی ٹریفک سے ہونے والے حادثات رک نہ سکے، خواتین رائیڈرز بھی ٹریفک حادثات سے محفوظ نہیں۔
سپر ہائی وے پر دو ٹریفک حادثات میں خاتون سمیت دو افراد جاں بحق جبکہ دو زخمی ہو گئے، دنبہ گوٹھ کے قریب سکوٹی پر سوار دو خواتین کو مبینہ طور پر تیز رفتار کار نے ٹکر مار دی، دونوں خواتین پل سے نیچے جا گریں،ایک خاتون جاں بحق جبکہ دوسری زخمی ہوگئی، کار ڈرائیور کاشف عزیز کو گرفتار کر لیا گیا۔
سہراب گوٹھ پنجاب بس اڈے کے قریب تیز رفتار واٹر ٹینکر کی ٹکر سے موٹر سائیکل سوار جاں بحق جبکہ دوسرا شدید زخمی ہوگیا، ڈرائیور موقع سے فرار ہونے میں کامیاب ہوگیا، پولیس نے واٹر ٹینکر کو تحویل میں لے لیا۔
واضح رہے کہ کراچی میں رواں سال ٹریفک حادثات میں اب تک 761 افراد جان کی بازی ہار چکے ہیں۔
راولپنڈی؛ شادی شدہ خاتون سے زیادتی کرنے والا شخص گرفتار