فلسطین تنازع کے حل کیلئے دو ریاستی فارمولہ قبول نہیں، حافظ نعیم الرحمان
اشاعت کی تاریخ: 4th, October 2025 GMT
لاہور:
جماعت اسلامی پاکستان کے امیر حافظ نعیم الرحمان نے مشتاق احمد سمیت غزہ جانے والے فلوٹیلا سے گرفتار افراد کی اسرائیل کی قید سے رہائی کے لیے کوششیں کرنے کا مطالبہ کرتے ہوئے کہا ہے کہ دو ریاستی فارمولا قبول نہیں ہے۔
لاہور میں غزہ ملین مارچ سے خطاب کرتے ہوئے امیر جماعت اسلامی پاکستان حافظ نعیم الرحمان نے کہا کہ اسرائیل کو امریکا کی پشت پناہی حاصل ہے، حماس قانونی تحریک ہے، حماس پوری دنیا میں امید کی شمع روشن کر رہی ہے، حماس مزاحمت کی تحریک ہے۔
انہوں نے کہا کہ امریکا کا وجود کروڑوں انسانوں کی لاشوں پر قائم ہوا، ٹونی بلئیر عراق میں جنگی جنون میں ملوث ہیں، عراق میں جھوٹ کی بنیاد پر محاصرہ کیا جہاں امریکا اور برطانیہ نے قتل عام کیا، امریکا نے ہیروشیما پر بم گرایا لاکھوں جانیں نگل گیا۔
ان کا کہنا تھا کہ نسل کشی کی تاریخ رکھنے والے امریکا مزاحمی تحریک کو دہشت گرد کہنے والے کون ہوتا ہے، اسرائیل نے قتل عام کیا، اسرائیل دہشت گردی کا تسلسل ہے اور اسرائیل کے خلاف کھڑے ہونے والے حق اور سچ پر ہیں۔
حافظ نعیم الرحمان نے کہا کہ فلسطین میں بم باری ہورہی ہیں، ہمارے بچے اور جوان اسرائیلی بم باری کا مسلسل شکار ہیں، خواتین بچے ہر وقت بم باری کا شکار ہیں اور پورا غزہ ملبہ بن گیا ہے، جب غزہ کے لوگ کھانے کے لیے قطار میں کھڑے ہوتے ہیں تو ہمارے سر شرم سے جھک جاتے ہیں۔
انہوں نے کہا کہ مسلم دنیا حماس کے دفاتر اپنے ملکوں میں قائم کریں، غزہ میں کھانا پینا بند کردیا گیا۔
ان کا کہنا تھا کہ اسرائیلی قیدی چھوڑنے کے لیے ٹائم فریم ہے فلسطینی قیدیوں کی رہائی کا ٹائم فریم نہیں، حماس کو سلام پیش کرتا ہوں انہوں نے بہتے خون اور لاشوں کو دیکھا، حالات کے تناظر میں کڑوے گھونٹ پیے ہیں اور حماس نے برابری کی سطح پر بات کی۔
انہوں نے کہا کہ ٹرمپ نے بم باری بند کرنے کا کہا تھا لیکن اسرائیل نے آج بھی بم باری کرکے فلسطینیوں کو شہید کیا۔
امیر جماعت اسلامی نے کہا کہ مسلم ملکوں پر قابضین براجمان ہیں ان سے قبضہ چھڑوانا ہے، پاکستان میں سیاست آزاد نہیں اور تجارت یرغمال ہے۔
ان کا کہنا تھا کہ دو ریاستی فارمولہ قبول نہیں، دو ریاستی فارمولہ ریاست پاکستان کا نہیں ہے، ابراہیمی معاہدہ نہیں کرنے دیا جائے گا، اگر کسی ابراہیمی معاہدے کی طرف جانے کی قدم اٹھایا تو قوم راستہ روکے گی اور عوام کی طاقت آپ کو خاک میں ملا دے گی۔
انہوں نے کہا کہ اسرائیل یا امریکا کی غلامی کا نہیں سوچیں اور حماس کی پشت پر کھڑے ہوں، امریکا نے پاکستان کو کچھ نہیں دیا اس نے صرف مہنگائی دی، ہماری معیشت امریکا کی وجہ سے خراب ہوئی ہے، امریکا زوال پذیر قوت ہے۔
حافظ نعیم الرحمان نے کہا کہ دنیا میں طاقت کے مراکز تبدیل ہو رہے ہیں، آپ ٹرمپ کو نوبل انعام کے لیے سفارش کررہے ہیں آپ غلط کر رہے ہیں۔
انہوں نے کہا کہ فلسطینی بھوک سے مررہے ہیں مگر مزاحمت کررہے ہیں، فلوٹیلا باطل امریکا اور اسرائیل کو بے نقاب کرتے ہیں، مشتاق احمد خان اسرائیل میں قید ہیں آپ ان کی رہائی کے لیے اسرائیل سے بات نہ کریں مگر ٹرمپ سے بات تو کرسکتے ہیں۔
ان کا کہنا تھا کہ اسرائیل نے فلوٹیلا سے تمام افراد کو قید کیا اور ان تمام افراد کو رہا کروایا جائے۔
.
ذریعہ
ذریعہ: Express News
کلیدی لفظ: حافظ نعیم الرحمان نے ان کا کہنا تھا کہ انہوں نے کہا کہ کہ اسرائیل دو ریاستی کے لیے
پڑھیں:
امریکا کی 250 ویں سالگرہ 5 روزہ نمائش، آزادی کے تصور پر پاکستانی آرٹسٹس کے فن پارے توجہ کا مرکز
امریکی سفارت خانے نے امریکا کی آزادی کے 250 سال مکمل ہونے کی تقریبات کے سلسلے میں جمعرات کو اسلام آباد میں ’لیٹ فریڈم رنگ‘ کے عنوان سے ’لبرٹی بیل‘ نمائش کا افتتاح کر دیا۔
نمائش میں ملک بھر سے تعلق رکھنے والے 16 پاکستانی فنکاروں کے تیار کردہ منفرد فن پارے پیش کیے گئے ہیں، جن میں ہر فنکار نے اپنے انداز میں ‘آزادی’ کے تصور کو اجاگر کیا ہے۔
یہ بھی پڑھیں:گورنر خیبرپختونخوا سے امریکی ناظم الامور کی ملاقات، سرمایہ کاری اور ترقیاتی تعاون بڑھانے پر اتفاق
نمائش کا افتتاح لوک ورثہ میوزیم میں منعقدہ تقریب میں امریکی ناظم الامور اینڈی ہیلس اور وفاقی وزیر برائے قومی ورثہ و ثقافت اورنگزیب خان کچھی نے مشترکہ طور پر کیا۔
پاکستانی فنکاروں نے ‘آزادی’ کی نئی تعبیر پیش کیامریکی سفارت خانے کے مطابق یہ منصوبہ پاکستان میں امریکی مشن کے پبلک ڈپلومیسی سیکشن نے اپنے ‘لنکن کارنرز’ نیٹ ورک کے ذریعے ترتیب دیا، جس میں ملک کے مختلف حصوں سے تعلق رکھنے والے 16 فنکاروں کو شریک کیا گیا۔
Federal Minister for NH&C Aurangzeb Khan Khichi and U.S. Chargé d’Affaires Andy Halus on Thursday jointly inaugurated the “Let Freedom Ring” American Liberty Bell display at Lok Virsa Heritage Museum, celebrating the enduring cultural partnership between Pakistan & United States pic.twitter.com/3uqKCelXK9
— National Heritage and Culture Division (@DivisionCulture) July 23, 2026
ہر فنکار سے ایک ہی سوال پوچھا گیا کہ ’میرے لیے آزادی کیا معنی رکھتی ہے؟ ’اس سوال کے جواب میں فنکاروں نے ’لبرٹی بیل‘ کے منفرد ڈیزائن تخلیق کیے، جو پاکستانی نقطۂ نظر سے آزادی کے تصور کی عکاسی کرتے ہیں۔
نمائش 5 روز تک جاری رہے گی‘لیٹ فریڈم رنگ’ نمائش 23 سے 27 جولائی تک اسلام آباد کے 2 نمایاں ثقافتی مراکز، لوک ورثہ میوزیم اور پاکستان مونومنٹ میوزیم میں جاری رہے گی۔
امریکی سفارت خانے نے شہریوں کو دعوت دی ہے کہ وہ اس 5 روزہ نمائش کے دوران دونوں مقامات کا دورہ کریں اور فن پاروں کا مشاہدہ کریں۔
امریکا اور پاکستان کے مشترکہ اقدار پر زورتقریب سے خطاب کرتے ہوئے امریکی ناظم الامور اینڈی ہیلس نے کہا کہ ‘لبرٹی بیل’ آزادی، اظہارِ رائے اور بہتر مستقبل کی امید کی علامت ہے۔
أعلنت السفارة الأمريكية في إسلام آباد عن افتتاح معرض ليت فريدوم رينغ في متحف لوك ورثه ومتحف النصب التذكاري الباكستاني، وذلك ضمن الاحتفالات العالمية بمرور ٢٥٠ عامًا على إعلان الاستقلال الأمريكي.
شارك في الافتتاح القائم بالأعمال الأمريكي آندي هيلز ووزير التراث الوطني والثقافة… pic.twitter.com/EcPOSXchyu
— WE News | بالعربية (@WENewsArabic) July 23, 2026
ان کا کہنا تھا کہ پاکستان اور امریکا دونوں معاشروں میں فن، تخلیقی اظہار اور بہتر دنیا کے تصور کو اہمیت دی جاتی ہے۔
لوک ورثہ کئی دہائیوں سے پاکستان کی ثقافتی شناخت کو محفوظ رکھنے میں اہم کردار ادا کر رہا ہے۔ انہوں نے کہا کہ آج اس تاریخی مقام پر امریکا کی آزادی کی داستان کو بھی پیش کرنا باعثِ فخر ہے۔
ثقافتی تبادلوں سے تعلقات مضبوط بنانے پر زوروفاقی وزیر برائے قومی ورثہ و ثقافت اورنگزیب خان کچھی نے اس اقدام کا خیرمقدم کرتے ہوئے کہا کہ پاکستان اور امریکا کے درمیان ثقافتی تبادلے دونوں ممالک کے تعلقات کو مزید مستحکم بنانے میں اہم کردار ادا کرتے ہیں۔
مزید پڑھیں:نائب وزیراعظم اسحاق ڈار سے قائم مقام امریکی ناظم الامور کی ملاقات، خطے کی صورتحال پر تبادلہ خیال
انہوں نے اس نمائش کو دونوں ممالک کے درمیان دیرینہ تعلقات اور باہمی تعاون کی ایک مثبت مثال قرار دیا۔
امریکا 2026 میں اپنے اعلانِ آزادی کی 250 ویں سالگرہ منا رہا ہے۔ اسی مناسبت سے دنیا بھر میں امریکی سفارت خانے اور سفارتی مشنز کے زیرِ اہتمام ‘فریڈم 250’ کے عنوان سے مختلف تقریبات، نمائشوں اور ثقافتی پروگراموں کا انعقاد کیا جا رہا ہے۔
اسلام آباد میں منعقد کی جانے والی ‘لیٹ فریڈم رنگ’ مہم بھی اسی عالمی پروگرام کا حصہ ہے، جس کا مقصد آزادی، اختراع، تخلیقی اظہار اور ثقافتی روابط کو فروغ دینا ہے۔
اس نمائش کے ذریعے پاکستانی فنکاروں کو اپنے فن کے ذریعے آزادی کے تصور کو پیش کرنے کا موقع فراہم کیا گیا، جسے پاکستان اور امریکا کے درمیان ثقافتی تعاون کی ایک اہم پیش رفت قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزادی افتتاح لوک ورثہ میوزیم امریکا امریکی سفارتخانہ امریکی ناظم الامور اینڈی ہیلس پاکستان ثقافتی تبادلہ فنکاروں لبرٹی بیل لیٹ فریڈم رنگ مونومنٹ میوزم
ٹی20 ورلڈ کپ 2026: پاکستان نے سپر 8 کے لیے جگہ پکی کر لی