سرینگر، کولگام میں احتجاجی مظاہرے
اشاعت کی تاریخ: 5th, October 2025 GMT
مظاہرین نے کہا کہ وہ بارہ برس سے انصاف کا مطالبہ کر رہے ہیں، یہ ایک سنگین ناانصافی ہے۔ انہوں نے کہا کہ بھرتی کا عمل ہیرا پھیری اور بے ضابطگیوں سے متاثر ہوا۔ اسلام ٹائمز۔ بھارت کے غیر قانونی زیر قبضہ جموں و کشمیر کے گرمائی دارالحکومت سرینگر میں ملازمت کے خواہشمند افراد کی ایک بڑی تعداد نے محکمہ فائر اینڈ ایمرجنسی سروسز کے خلاف ایک زبردست احتجاجی مظاہرہ کیا اور بھرتی کے عمل میں دھوکہ دہی کے خلاف شدید نعرے لگائے۔ ذرائع کے مطابق مظاہرین کا کہنا تھا کہ دھوکہ دہی کا یہ معاملہ 12 برس سے زیر التوا ہے اور حکام تاحال انصاف کی فراہمی میں ناکام ہیں۔ انہوں نے معاملے کی شفاف تحقیقات اور بھرتی کے عمل میں ہونے والی دھوکہ دہی میں ملوث افراد کو سخت سزا دینے کا مطالبہ کیا۔ مظاہرین نے کہا کہ وہ بارہ برس سے انصاف کا مطالبہ کر رہے ہیں، یہ ایک سنگین ناانصافی ہے۔ انہوں نے کہا کہ بھرتی کا عمل ہیرا پھیری اور بے ضابطگیوں سے متاثر ہوا، غیر مستحق امیدواروں کو جگہ دی گئی جبکہ حقیقی امیدواروں کو باہر کر دیا گیا۔ انہوں نے خبردار کیا کہ جب تک قصورواروں کو سزا نہیں ملتی، نظام پر عوام کا اعتماد بحال نہیں ہو گا۔ دریں اثنا ضلع کولگام کے علاقے لارکی پورہ کے رہائشیوں نے پانی کی شدید قلت کے خلاف احتجاجی مظاہرہ کیا۔ انہوں نے علاقے کی مرکزی شاہراہ بند کر دی جس کی وجہ سے ٹریفک کی آمد و رفت کافی دیر تک متاثر رہی۔ مظاہرین نے کہا اگر پانی کی فراہمی فوری طور پر بحال نہ کی گئی تو وہ اپنے احتجاج میں شدت لائیں گے۔
.ذریعہ: Islam Times
پڑھیں:
دنیا بھر میں انٹرنیٹ سروس متاثر، گڑبڑ کے پیچھے کلاؤڈ فلیئر، یہ ہے کیا؟
منگل کی شام اچانک پیش آنے والی عالمی انٹرنیٹ خرابی نے دنیا بھر کے کروڑوں صارفین کو حیران کر دیا جب ایکس، اسپوٹی فائی، کینوا، اوپن اے آئی کا چیٹ جی پی ٹی، ایمازون ویب سروسز اور کئی دیگر بڑے پلیٹ فارمز ایک ساتھ بند ہو گئے۔
اس بڑے تعطل کی وجہ بنی کلاؤڈ فلیئر نامی کمپنی جو دنیا بھر کی اہم ویب سروسز کے پس پردہ کام کرتی ہے۔
اچانک آنے والی بڑی انٹرنیٹ خرابی کے نتیجے میں سوشل میڈیا، موسیقی کی ایپس، ڈیزائن پلیٹ فارمز اور اے آئی سروسز سمیت متعدد معروف ویب سائٹس اور ایپلی کیشنز تک صارفین کی رسائی بند ہوگئی۔
ابتدائی رپورٹس کے مطابق یہ تکنیکی مسئلہ کلاؤڈ فلیئر میں آنے والی بڑی خرابی کے باعث پیدا ہوا۔
کلاؤڈ فلیئرکلاؤڈ فلیئر دنیا کی معروف انٹرنیٹ انفراسٹرکچر کمپنیوں میں شمار ہوتی ہے اور اپنے پلیٹ فارم کے ذریعے دنیا بھر کی لاکھوں ویب سائٹس کو سیکیورٹی، رفتار اور استحکام فراہم کرتی ہے۔
کمپنی کے مطابق وہ نیٹ ورکنگ، سیکیورٹی اور ڈویلپر سروسز کو ایک متحد پلیٹ فارم پر پیش کرتی ہے جس کا مقصد ویب سائٹس کو تیز، محفوظ اور قابلِ اعتماد بنانا ہے۔
کلاؤڈ فلیئر کی خدمات انفرادی صارفین سے لے کر بڑی کمپنیوں تک کو اپنے ملازمین، ڈیوائسز، ایپس، ڈیٹا اور نیٹ ورکس کو محفوظ طریقے سے آپس میں جوڑنے میں مدد دیتی ہیں۔
اسی وجہ سے اسپوٹی فائی، ایکس، کینوا اور اوپن اے آئی سمیت متعدد عالمی کمپنیوں کی آن لائن موجودگی اس سروس پر انحصار کرتی ہے۔
’ہم تو ڈوبے ہیں صنم۔۔۔‘منگل کو ہونے کی خرابی نے اس حقیقت کو اجاگر کیا کہ جدید ڈیجیٹل دنیا کلاؤڈ فلیئر جیسے بڑے انفراسٹرکچر فراہم کنندگان پر کس قدر انحصار کرتی ہے۔ چونکہ یہ کمپنی عالمی سطح پر انٹرنیٹ ٹریفک کو منظم کرنے میں کلیدی کردار ادا کرتی ہے اس لیے اس کی سروس میں کسی بھی قسم کا تعطل دنیا بھر کے صارفین پر فوری اور وسیع اثرات مرتب کرتا ہے۔
ٹیکنالوجی ماہرین کا کہنا ہے کہ اس نوعیت کی خرابی انٹرنیٹ کے بنیادی ڈھانچے کی نازکیت کو ظاہر کرتی ہے کیونکہ ایک ہی سروس پروائیڈر میں مسئلہ پیدا ہونے سے لاکھوں نہیں بلکہ کروڑوں صارفین متاثر ہوتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیٹ بند انٹرنیٹ شدید متاثر انٹرنیٹ متاثر کلاؤڈ فلیئر
شاہ لطیف میں ملزم سے 30کلو کی اعلیٰ کوالٹی کی منشیات برآمد