عالمی برادری غزہ میں ظلم کے فوری خاتمے کے لیے مؤثر کردار ادا کرے، پی ٹی آئی
اشاعت کی تاریخ: 5th, October 2025 GMT
پاکستان تحریک انصاف (پی ٹی آئی ) نے غزہ میں معصوم شہریوں پر اسرائیلی جارحیت کی شدید مذمت کرتے ہوئے عالمی برادری سے مطالبہ کیا ہے کہ وہ اس ظلم کے فوری خاتمے کے لیے مؤثر کردار ادا کرے۔
یہ بھی پڑھیں: اسرائیل، غزہ سے جزوی انخلا اور حملوں میں کمی پر رضامند، جنگ کے خاتمے کی راہ ہموار ہوگئی، صدر ٹرمپ
ترجمان پی ٹی آئی کا کہنا ہے کہ غزہ میں حالیہ امن منصوبے کے بعد مشرقِ وسطیٰ میں امن اور استحکام کی امیدیں پیدا ہوئی تھیں، لیکن اسرائیلی فوج کے اندھا دھند حملوں نے ایک بار پھر ان امیدوں کو چکنا چور کردیا اور انسانی بحران کو مزید گہرا کردیا ہے۔
پی ٹی آئی نے غزہ پیس پلان کے ذریعے جنگ بندی کی کوششوں کو سراہا تاہم بعض نکات پر اپنے تحفظات کا بھی اظہار کیا۔ ترجمان کے مطابق عینی شاہدین، آزاد صحافیوں، مقامی افراد اور سوشل میڈیا پر آنے والی ویڈیوز سے واضح ہے کہ جنگ بندی کے اعلان کے باوجود اسرائیلی افواج نے بمباری جاری رکھی۔
یہ بھی پڑھیں: ’غزہ میں نسل کشی بند کرو‘، یورپ کے مختلف شہروں میں ہزاروں افراد کا احتجاج، لندن میں گرفتاریاں
گزشتہ 24 گھنٹوں میں 70 سے زائد فلسطینی شہری شہید ہوچکے ہیں، جن میں خواتین اور بچے بھی شامل ہیں، پی ٹی آئی نے کہا کہ یہ کارروائیاں نہ صرف بین الاقوامی قوانین اور انسانی اقدار کی کھلی خلاف ورزی ہیں بلکہ امن عمل کی روح کے بھی منافی ہیں۔
پاکستان تحریک انصاف نے اقوام متحدہ، او آئی سی اور تمام مسلم ممالک سمیت امن پسند ریاستوں پر زور دیا کہ وہ فوری، اجتماعی اور فیصلہ کن سفارتی اقدامات کریں تاکہ معصوم جانوں کو بچایا جا سکے اور ان جنگی جرائم کے مرتکب افراد کو کٹہرے میں لایا جا سکے۔
یہ بھی پڑھیں: اٹلی: غزہ کے حق میں لاکھوں افراد کا مظاہرہ، پولیس سے جھڑپیں
پی ٹی آئی نے مزید کہا کہ عالمی برادری اس نسل کشی پر خاموش نہ رہے۔ انصاف، امن اور فلسطینی عوام کی عزت نفس ایسے اصول ہیں جو کسی صورت نظر انداز نہیں کیے جا سکتے اور دنیا کو ان کے دفاع کے لیے کھڑا ہونا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیلی جارحیت پی ٹی آئی عالمی برادری غزہ فلسطین.ذریعہ: WE News
کلیدی لفظ: اسرائیلی جارحیت پی ٹی ا ئی عالمی برادری فلسطین عالمی برادری پی ٹی آئی کے لیے
پڑھیں:
اسرائیل نے جنگ بندی معاہدےکی دھجیاں اڑادیں، آج پھر لبنان پر حملہ کردیا، 13 افراد جاں بحق
data-id="863a0a8" data-element_type="widget" data-widget_type="theme-post-content.default">
جنگی جارحیت میں ڈوبا اسرائیل ایک بار پھر اپنے رویے سے باز نہ آیا اور جنگ بندی معاہدے کی خلاف ورزی کرتے ہوئے آج لبنان پر تازہ حملہ کر دیا، جس میں 13 افراد جاں بحق ہوگئے۔
لبنانی وزارتِ صحت کے مطابق اسرائیلی فضائیہ نے جنوبی شہر صیدون میں بمباری کی۔ حملہ اس اوپن اسپورٹس گراؤنڈ پر کیا گیا جو مقامی پناہ گزینوں کے زیر استعمال تھا، جہاں متعدد افراد کے زخمی ہونے کی بھی اطلاع ہے۔
اسرائیلی فوج نے الزام لگایا کہ نشانہ بنایا جانے والا مقام حماس کے کارکنوں کی سرگرمیوں کا مرکز تھا اور وہاں سے اسرائیل کے خلاف کارروائی کی تیاری ہو رہی تھی، لیکن اس دعوے کے حق میں کوئی ثبوت فراہم نہیں کیا گیا۔
ادھر حماس نے اسرائیلی مؤقف کو سختی سے مسترد کرتے ہوئے کہا کہ حملہ مکمل طور پر شہری آبادی پر کیا گیا اور اس کا حماس سے کوئی تعلق نہیں تھا۔
خیال رہے کہ گزشتہ سال اسرائیل اور لبنان کے درمیان جنگ بندی کا معاہدہ ہوا تھا، لیکن اس کے باوجود اسرائیلی فوج وقفے وقفے سے حملے جاری رکھے ہوئے ہے۔ رواں ماہ کے آغاز میں بھی جنوبی لبنان میں ایک کار پر ڈرون حملے میں 4 افراد ہلاک ہوگئے تھے۔
احتجاج پر مقدمات؛ عدالت نے بشریٰ بی بی سمیت تمام ملزمان کی گرفتاری سے روک دیا