بلاول بطور وزیر خارجہ حکومت اور وزیراعظم کی جڑیں کھوکھلی کرتے رہے، عظمیٰ بخاری کی پھر تنقید
اشاعت کی تاریخ: 5th, October 2025 GMT
وزیر اطلاعات پنجاب عظمیٰ بخاری نے چیئرمین پیپلزپارٹی بلاول بھٹو پر تنقید کرتے ہوئے کہا ہے کہ وہ وزیر خارجہ کے طور پر وفاقی حکومت اور وزیراعظم کی جڑیں کھوکھلی کر رہے تھے۔
یہ بھی پڑھیں: پنجاب حکومت پیپلزپارٹی کو نشانہ بنا کر دراصل وزیراعظم کو ہدف بنارہی ہے، شرجیل میمن
وزیر اطلاعات سندھ شرجیل میمن کی پریس کانفرنس کے ردعمل میں عظمیٰ بخاری نے ایک بیان میں کہا کہ پیپلزپارٹی پنجاب کے سیلاب متاثرین پر گندی سیاست کررہی ہے مگر ان کا بیانیہ ناکام ہوچکا ہے۔
انہوں نے شرجیل میمن کا بحث کا چیلنج قبول کرتے ہوئے کہا کہ آپ خود سامنے آئیے، کسی پراکسی کے پیچھے نہ چھپیں۔
عظمیٰ بخاری کا کہنا تھا کہ جن کے اپنے گھر میں باپ اور بیٹے کی نہیں بنتی، وہ دوسروں کو طعنے دے کر اپنے گناہوں پر پردہ ڈالنے کی کوشش کر رہے ہیں۔
یہ بھی پڑھیں: سیلاب کے نام پر سیاسی دکانیں بند کردی جائیں، عظمیٰ بخاری
انہوں نے کہا کہ آپ خود وفاق اور پنجاب کے خلاف سازش کر رہے ہیں اور جب پنجاب کی ترقی سے جلنے لگتے ہیں تو سازشیں شروع کر دیتے ہیں۔
وزیر اطلاعات پنجاب نے مزید کہا کہ جب پیپلزپارٹی سے کارکردگی پوچھی جاتی ہے تو وہ صوبائیت کا کارڈ کھیلنا شروع کر دیتی ہے، لیکن عوام جانتے ہیں کہ اصل حقائق کیا ہیں۔
یاد رہے کہ اس سے قبل وزیراطلاعات سندھ شرجیل میمن نے اپنی پریس کانفرنس میں پنجاب حکومت پر الزام عائد کیا تھا کہ پنجاب حکومت پیپلز پارٹی پر تنقید کرکے دراصل وزیراعظم شہباز شریف کو ہدف بنا رہی ہے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بلاول پیپلز پارٹی سازش شہباز شریف عظمیٰ بخاری مسلم لیگ ن وزیراعظم وزیرخارجہ.
ذریعہ
ذریعہ: WE News
کلیدی لفظ: بلاول پیپلز پارٹی شہباز شریف مسلم لیگ ن شرجیل میمن کہا کہ
پڑھیں:
مصر کے وزیرِ خارجہ کا اسحاق ڈار کو ٹیلیفون، خطے کی تازہ ترین صورتحال پر تبادلہ خیال
سٹی 42 : نائب وزیرِ اعظم و وزیرِ خارجہ اسحاق ڈار سے مصر کے وزیرِ خارجہ بدر عبدالعاطی کا ٹیلیفونک رابطہ ہوا ۔
ترجمان دفتر خارجہ کے مطابق دونوں رہنماؤں نے خطے کی تازہ ترین صورتحال پر تبادلہ خیال کیا ۔ اسحاق ڈار اور مصر کے وزیرِ خارجہ بدر عبدالعاطی کی جانب سے امن اور استحکام کے فروغ کے لیے مسلسل سفارتی روابط کی ضرورت پر زور دیا گیا ۔
ترجمان دفتر خارجہ کا کہنا ہے کہ دونوں فریقین نے قریبی رابطے میں رہنے پر اتفاق کیا ۔
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ