انسٹی ٹیوٹ آف کمپیوٹر سائنس کی نشستوں میں اضافے کا خیر مقدم
اشاعت کی تاریخ: 6th, October 2025 GMT
data-id="863a0a8" data-element_type="widget" data-widget_type="theme-post-content.default">
251006-2-19
حیدرآباد(اسٹاف رپورٹر) حیدرآباد چیمبر آف اسمال ٹریڈرز اینڈ اسمال انڈسٹری کے صدر محمد سلیم میمن نے ایم کیو ایم پاکستان کے کنونیئر اور وفاقی وزیر تعلیم ڈاکٹر خالد مقبول صدیقی کی جانب سے حیدرآباد انسٹیٹیوٹ میں کمپیوٹر سائنس کے شعبے میں مزید 100 نشستوں کے اضافے کے اِقدام کو زبردست الفاظ میں سراہا ہے۔ اُنہوں نے کہا کہ آج کے دور میں کمپیوٹر سائنس، انفارمیشن ٹیکنالوجی اور ڈیجیٹل تعلیم ہی وہ ہتھیار ہیں جن کے ذریعے ہماری نوجوان نسل دنیا کے مقابلے میں کھڑی ہو سکتی ہے۔ اِس فیصلے سے نہ صرف حیدرآباد کے طلبہ کو جدید تعلیم کے مواقع میسر آئیں گے بلکہ یہ اِقدام سندھ اور پاکستان کے لیے بھی آئی ٹی اور سافٹ ویئر انڈسٹری میں اَفرادی قوت تیار کرنے کا ذریعہ بنے گا۔ اُنہوں نے مزید کہا کہ حیدرآباد میں ٹیلنٹ کی کمی نہیں ہے، ضرورت صرف مواقع فراہم کرنے کی ہے۔ ایسے اِقدامات سے حیدرآباد کے نوجوان پاکستان کے ڈیجیٹل ویژن 2030 میں اہم کردار ادا کر سکیں گے۔ ساتھ ہی یہ قدم روزگار کے نئے مواقع پیدا کرنے اور معیشت کو مضبوط بنانے میں بھی معاون ہوگا۔ صدر چیمبر سلیم میمن نے کہا کہ حیدرآباد چیمبر نے ہمیشہ حکومت کو اِس بات پر زور دیا ہے کہ اندرونِ سندھ کے نوجوانوں کو جدید تعلیم، آئی ٹی انسٹیٹیوٹ اور فنی تربیت کے مراکز فراہم کئے جائیں۔ اُنہوں نے اِس اُمید کا اِظہار کیا کہ حکومتِ پاکستان اور صوبائی حکومت مزید شعبوں جیسے انجینئرنگ، بزنس ایڈمنسٹریشن اور ای کامرس کی نشستوں میں بھی اضافہ کرے گی تاکہ نوجوان عالمی منڈی میں مسابقت کے قابل بن سکیں۔ آخر میں اُنہوں نے ڈاکٹر خالد مقبول صدیقی کا شکریہ ادا کرتے ہوئے کہا کہ اُن کی یہ کاوش حیدرآباد کے نوجوانوں کے دلوں میں نئی اُمید پیدا کرے گی اور یہ ایک تاریخی فیصلہ ہے جو آنے والی نسلوں کو علم اور مہارت کے نئے دروازے فراہم کرے گا۔
ذریعہ
ذریعہ: Jasarat News
کلیدی لفظ: ا نہوں نے
پڑھیں:
عالمی منڈی میں سونے کی قیمت میں کمی
عالمی منڈی میں سونے کی قیمت(Gold Rates) مسلسل دوسرے روز بھی دباؤ کا شکار رہی، کیونکہ امریکی فیڈرل ریزرو کی جانب سے آئندہ مہینوں میں شرح سود بڑھانے کے امکانات نے سرمایہ کاروں کو محتاط کر دیا ہے۔
برطانوی خبر رساں ادارے رائٹرز کے مطابق اسپاٹ گولڈ کی قیمت 0.4 فیصد کمی کے بعد 4,030.09 ڈالر فی اونس رہ گئی، جبکہ امریکی گولڈ فیوچرز بھی 0.4 فیصد کم ہو کر 4,033.20 ڈالر فی اونس پر آ گئے۔
مارکیٹ تجزیہ کاروں کے مطابق اگرچہ سونا ہفتہ وار بنیاد پر معمولی اضافے کی جانب گامزن ہے، تاہم بلند شرح سود کے خدشات کے باعث اس کی قیمتوں پر دباؤ برقرار ہے۔
مزیدپڑھیں:پاکستانی سفیر کی جانب سے پاکستان اور میانمار کی ممتاز کاروباری شخصیات کے اعزاز میں عشائیہ
ماہرین کا کہنا ہے کہ جب شرح سود میں اضافے کی توقع ہوتی ہے تو سونے جیسی ایسی سرمایہ کاری، جس پر منافع یا سود نہیں ملتا، نسبتاً کم پرکشش ہو جاتی ہے۔
سرمایہ کاروں کی نظریں اب آئندہ ہفتے ہونے والے امریکی فیڈرل ریزرو کے پالیسی اجلاس پر مرکوز ہیں۔ مارکیٹ کی توقع ہے کہ اس اجلاس میں شرح سود برقرار رکھی جائے گی، تاہم ستمبر میں شرح سود میں اضافے کے امکانات بدستور مضبوط سمجھے جا رہے ہیں
ٹی20 ورلڈ کپ 2026: پاکستان نے سپر 8 کے لیے جگہ پکی کر لی