شرم نہیں آتی؟ سنی دیول کیمرا مین پر بھڑک اٹھے
اشاعت کی تاریخ: 13th, November 2025 GMT
ممبئی (ویب ڈیسک)بولی وڈ اداکار سنی دیول کی جانب سے کیمرامینوں اور میڈیا نمائندوں پر غصہ کرنے کی ویڈیو وائرل ہوگئی۔
بھارتی سوشل میڈیا پر وائرل ہونے والی مختصر ویڈیو میں سنی دیول کو کیمرامینوں اور میڈیا ورکرز پر غصہ کرتے دیکھا دیکھا جا سکتا ہے۔
بھارتی میڈیا کے مطابق سنی دیول 13 نومبر کو جیسے ہی والد دھرمیندر کی تیمارداری کرکے گھر سے نکل رہے تھے تو میڈیا نمائندوں نے ان کی ویڈیوز بنانا شروع کردیں۔
میڈیا نمائندوں کی جانب سے ویڈیوز اور تصاویر بنانے پر سنی دیول نے اظہار برہمی کرتے ہوئے انہیں کھری کھری سنادیں۔
وائرل ویڈیوز میں سنی دیول کو میڈیا نمائندوں کے لیے سخت الفاظ کا استعمال کرتے ہوئے سنا جا سکتا ہے۔
سنی دیول نے میڈیا نمائندوں پر غصہ نکالتے ہوئے انہیں کہا کہ انہیں شرم آنی چاہیے، ان کے اپنے گھر میں بھی ماں باپ، بچے اور بہنیں ہیں۔
اداکار نے میڈیا نمائندوں اور کیمرانوں کو غصہ سے بولا کہ نہیں انہیں اس طرح کی حرکتیں کرتے ہوئے شرم نہیں آتی؟
ساتھ ہی سنی دیول نے ہندو رسومات کے تحت میڈیا نمائندوں اور کیمرامینوں کو ہاتھ جوڑتے ہوئے انہیں سلام بھی کیا۔
خیال رہے کہ سنی دیول کے والد دھرمیندر کے حوالے سے بھارتی میڈیا نے 11 نومبر کو خبر دی تھی کہ وہ دوران علاج چل بسے۔
.
ذریعہ
ذریعہ: Daily Mumtaz
کلیدی لفظ: میڈیا نمائندوں سنی دیول
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار