شعیب ملک سے طلاق کے بعد کن مشکلات سے گزرنا پڑا؟ ثانیہ مرزا نے اپنے شو میں سب کچھ بتادیا
اشاعت کی تاریخ: 13th, November 2025 GMT
ٹینس کی معروف کھلاڑی ثانیہ مرزا نے حال ہی میں اپنے بیٹے اذہان کی پرورش کے دوران سنگل ماں ہونے کے چیلنجز کے بارے میں کھل کر بات کرتے ہوئے کہا کہ ماں ہونے اور پیشہ ورانہ ذمہ داریوں کو ساتھ نبھانا آسان نہیں رہا۔
انہوں نے یہ گفتگو قریبی دوست اور فلمساز فرح خان کے ساتھ یوٹیوب شو میں کی۔ بات چیت کے دوران فرح خان نے ثانیہ مرزا کی تعریف کرتے ہوئے کہا کہ آپ اب ایک سنگل ماں ہیں۔ سنگل ماں ہونا سب سے مشکل کام ہے۔ ہم سب کی اپنی زندگی کے سفر ہیں، اور ہمیں یہ فیصلہ کرنا ہوتا ہے کہ ہمارے لیے بہترین کیا ہے۔
View this post on Instagram
A post shared by IVM Podcasts (@ivmpodcasts)
اس پر ثانیہ مرزا نے اعتراف کیا کہ ماں ہونے اور پیشہ ورانہ ذمہ داریوں کو ساتھ نبھانا آسان نہیں رہا۔ انہوں نے ایک مشکل لمحے کو یاد کرتے ہوئے کہا کہ ’میں اس کا ذکر کیمرے پر نہیں کرنا چاہتی، لیکن ایک ایسا لمحہ تھا جو میرے زندگی کے سب سے کمزور لمحات میں سے ایک تھا۔ فرح آپ میرے سیٹ پر آئیں، اور مجھے اس کے بعد ایک لائیو شو کرنا تھا۔ اگر آپ وہاں نہ آتیں تو میں وہ شو نہیں کر پاتی۔ آپ نے کہا، چاہے کچھ بھی ہو، آپ یہ شو کریں گی‘۔
یہ بھی پڑھیں: ’طاقت سکھانے کا مؤثر طریقہ عمل سے دکھانا ہے‘، ثانیہ مرزا کا پیغام
فرح خان نے بھی اس واقعے کو یاد کرتے ہوئے کہا کہ ’مجھے بہت خوف آیا۔ میں نے کبھی آپ کو پینک اٹیک میں نہیں دیکھا۔ مجھے اس دن شو کرنا تھا، لیکن میں فوراً وہاں پہنچی، پجامے اور چپل میں‘۔
واضح رہے کہ ثانیہ مرزا نے اپریل 2010 میں پاکستانی کرکٹر شعیب ملک سے شادی کی تھی۔ ان کے بیٹے اذہان مرزا کی پیدائش اکتوبر 2018 میں ہوئی اور جنوری 2024 میں ثانیہ کے خاندان نے ان کی شعیب ملک سے طلاق کی تصدیق کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اذہان مرزا بالی ووڈ ثانیہ مرزا ٹینس اسٹار شعیب ملک فرح خان.
ذریعہ
ذریعہ: WE News
کلیدی لفظ: اذہان مرزا بالی ووڈ ثانیہ مرزا ٹینس اسٹار شعیب ملک کرتے ہوئے کہا کہ ثانیہ مرزا نے شعیب ملک
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
پاکستان نے ورلڈ کپ 2028 کیلیے براہ راست کوالیفائی کر لیا