انہیں صرف ایک شخص کا ڈر ہے جو جیل میں بیٹھا ہوا ہے: بیرسٹر علی ظفر
اشاعت کی تاریخ: 13th, November 2025 GMT
---فائل فوٹو
پاکستان تحریک انصاف کے سینیٹر بیرسٹر علی ظفر نے کہا ہے یہ آئینی عدالت بنانا چاہتے ہیں، انہیں صرف ایک شخص کا ڈر ہے جو جیل میں بیٹھا ہوا ہے، یہ ایک شخص باہر نکلے گا تو آپ کی ساری عمارت گر جائے گی۔
سینیٹ کے ایوان میں اظہارِ خیال کرتے ہوئے سینیٹر بیرسٹر علی ظفر نے کہا کہ حکومت آئینی ترمیم دوبارہ لائی جس کے لیے انہیں 64 ارکان درکار ہیں، ترمیم میں پی ٹی آئی اور جے یو ائی کے سینیٹرز نے پارٹی ہدایت کے خلاف ووٹ دیا۔
انہوں نے مزید کہا کہ اس پر آئین کا آرٹیکل 63 اے لاگو ہو جاتا ہے، ہمیں اس تمام کارروائی کو چیلنج کرنا پڑے گا، سب جَلد بازی میں ہو رہا ہے۔
دوسری جانب سینیٹر کامران مرتضیٰ نے ایوان میں اظہار خیال کرتے ہوئے کہا مولانا فضل الرحمان کا پیغام ن لیگ کو پہنچا رہے ہیں، ہم نے ’ن‘ کے ساتھ عزت کا وقت گزارا لیکن ہم پر بھی نقب لگائی گئی، ن لیگ کو پیغام ہے جو آپ نے کیا یہ اچھا نہیں کیا۔
ان کا کہنا تھا کہ معاملات بعد میں بھی چلیں گے، یہ بات ہم دل میں یاد رکھیں گے، جس رکن نے ووٹ ڈالا، اس پر ہم نے 63 اے میں جا رہے ہیں، اب نہیں ہو سکتا کہ وہ آج پارٹی کی پالیسی کے خلاف ووٹ دے۔
.ذریعہ: Jang News
پڑھیں:
بالی ووڈ اسٹار گووندا گھر پر بے ہوش، اسپتال منتقل
معروف بالی ووڈ اداکار گووندا منگل کی رات گھر میں اچانک بے ہوش ہونے کے بعد اسپتال منتقل کر دیے گئے۔ ان کے وکیل اور قریبی دوست للت بندل کے مطابق اداکار کی حالت اب مستحکم ہے اور تمام ضروری طبی معائنے مکمل کر لیے گئے ہیں۔
اطلاعات کے مطابق، گووندا اپنے جوہو میں واقع گھر میں موجود تھے جب انہیں اچانک چکر محسوس ہوئے اور وہ بے ہوش ہو گئے۔ اہلِ خانہ نے فوری طور پر انہیں قریبی اسپتال منتقل کیا، جہاں ڈاکٹروں نے انہیں ایمرجنسی وارڈ میں داخل کیا۔
یہ بھی پڑھیں: اداکار گووندا مشکل میں، بیوی سنیتا آہوجا کا بے وفائی اور ظلم کرنے کا الزام
گووندا کے وکیل للت بندل نے میڈیا سے گفتگو کرتے ہوئے بتایا کہ ’اداکار کچھ دنوں سے بہتر محسوس نہیں کر رہے تھے۔ تمام ٹیسٹ کر لیے گئے ہیں، اور اب ہم نیورو اسپیشلسٹ کی رپورٹ اور مشورے کے منتظر ہیں‘۔
اسپتال ذرائع کے مطابق، اداکار کی ابتدائی رپورٹس اطمینان بخش ہیں اور انہیں ڈاکٹروں کی نگرانی میں رکھا گیا ہے۔ تاحال کسی پیچیدگی کی اطلاع نہیں ملی۔
یہ بھی پڑھیں: گووندا اور سنیتا آہوجا کے مابین طلاق کی خبریں، وکیل بھی بول پڑا
واضح رہے کہ اداکار کو گزشتہ سال اکتوبر میں ایک حادثے کا سامنا کرنا پڑا تھا، جب وہ اپنی لائسنس یافتہ ریوالور سنبھال رہے تھے اور غلطی سے گولی چل گئی تھی۔ اس واقعے میں گووندا کی ٹانگ کے نچلے حصے میں زخم آیا تھا اور انہیں فوری طور پر اسپتال منتقل کیا گیا تھا، جہاں ایک گھنٹے کے آپریشن کے بعد گولی نکال لی گئی تھی۔
حادثے سے صحتیاب ہونے کے بعد گووندا نے اپنی فنی سرگرمیاں دوبارہ شروع کر دی تھیں۔ تاہم، تازہ واقعے کے بعد ان کے مداحوں اور شوبز حلقوں میں تشویش کی لہر دوڑ گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ گووندا گووندا اسپتال میں گووندا اہلیہ
جماعت اسلامی کامینار پاکستان پرہونے والاعظیم الشان اجتماع عام ملکی تاریخ کا بڑا اجتماع عام ہو گا، ڈاکٹر طارق سلیم