اسرائیل سے ڈی پورٹ کیے گئے مزید کارکنوں کی جانب سے حراست میں بدسلوکی کے انکشافات
اشاعت کی تاریخ: 6th, October 2025 GMT
اسرائیل کی جانب سے غزہ کے لیے امدادی کشتیوں کے بیڑے گلوبل صمود فلوٹیلا کو روکنے اور سینکڑوں کارکنوں کو گرفتار کرنے کے بعد رہائی پانے والے مزید کارکنان نے اپنی حراست کے دوران اسرائیلی فورسز اور جیل حکام کی جانب سے سخت اور غیرانسانی سلوک کے مزید انکشافات کیے ہیں۔
روم پہنچنے پر اطالوی کارکن چیزرے توفانی نے بتایا کہ ہمیں بہت برا سلوک برداشت کرنا پڑا۔ فوج کے بعد پولیس کے حوالے کیا گیا، جہاں ہمیں ہراساں کیا گیا۔ اسی طرح اٹلی کی اسلامی کمیونٹیز یونین کے صدر یاسین لفرام نے کہا کہ انہیں ہتھیاروں کے زور پر دھمکایا گیا اور یہ کسی جمہوری ملک کے شایانِ شان رویہ نہیں۔
یہ بھی پڑھیے: اسرائیل کے ہاتھوں گرفتار ’گلوبل صمود فلوٹیلا‘ کے اطالوی رکن نے اسلام قبول کرلیا
اطالوی صحافی ساویریو توماسی کے مطابق دوائیں روک لی گئیں اور کارکنوں کو بندر کی طرح سلوک کا نشانہ بنایا گیا۔ انہوں نے کہا کہ گرتا تھنبرگ، نیلسن منڈیلا کے پوتے منڈلا منڈیلا اور یورپی ارکان پارلیمنٹ سمیت متعدد افراد کو تحقیر اور مذاق کا نشانہ بنایا گیا۔
ایک اور صحافی لورینزو ڈی آگوسٹینو نے بتایا کہ ان کی رقم اور سامان چھین لیا گیا، کتے چھوڑ کر ڈرایا گیا اور فوجیوں نے ہتھیاروں کے لیزر پوائنٹر قیدیوں پر ڈالے تاکہ انہیں خوفزدہ کیا جا سکے۔
اطالوی کارکن پاؤلو دے مونتیس نے کہا کہ انہیں گھنٹوں قیدیوں کی وین میں باندھے رکھا گیا، زانو کے بل بٹھائے رکھا اور چہرہ اوپر اٹھانے پر سر پر مارا گیا۔
ملائیشیا کی معروف گلوکار بہنیں ہیلیزا حلمی اور حضوانی حلمی نے بھی اپنے تلخ تجربات بیان کرتے ہوئے کہا کہ قیدیوں کو بیت الخلا کے پانی پینے پر مجبور کیا گیا، کئی لوگ بیمار پڑ گئے لیکن اسرائیلی حکام نے کہا کہ جب تک مرے نہیں، یہ ہمارا مسئلہ نہیں۔
ہیلیزا نے کہا کہ انہیں تین دن تک کھانے کو کچھ نہیں دیا گیا اور صرف ٹوائلٹ کا پانی پینے پر اکتفا کرنا پڑا۔
یہ بھی پڑھیے: صمود فلوٹیلا کے گرفتار پاکستانی کارکنوں کی واپسی کے لیے کوششیں کررہے ہیں، دفتر خارجہ
کارکنوں نے مزید دعویٰ کیا کہ گریٹا تھنبرگ کو زمین پر گھسیٹا گیا، اسرائیلی جھنڈے کو زبردستی چومنے پر مجبور کیا گیا اور اسے پروپیگنڈے کے طور پر استعمال کیا گیا۔
اسرائیلی وزارتِ خارجہ نے ان بیانات کو بے بنیاد جھوٹ قرار دیا جبکہ انتہاپسند وزیرِ قومی سلامتی ایتمار بن گویر نے اعتراف کرتے ہوئے کہا کہ وہ کارکنوں کے ساتھ سخت سلوک پر فخر کرتے ہیں۔ انہوں نے کارکنوں پر دہشتگردوں کے سہولتکار ہونے کا بھی الزام عائد کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل صمود فلوٹیلا غزہ فلسطین.
ذریعہ
ذریعہ: WE News
کلیدی لفظ: اسرائیل صمود فلوٹیلا فلسطین صمود فلوٹیلا نے کہا کہ کہ انہیں گیا اور کیا گیا
پڑھیں:
دوسرا ون ڈے: آسٹریلیا نے پاکستان کو 41 رنز سے شکست دے دی
لاہور(نیوز ڈیسک)تین ایک روزہ میچوں کی سیریز کے دوسرے میچ میں آسٹریلیا نے پاکستان کو 42 رنز سے شکست دے کر سیریز 1-1 سے برابر کردی۔
لاہور کے قذافی اسٹیڈیم میں کھیلے گئے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔
مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔
آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔
پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔
232 رنز کے ہدف کے تعاقب میں پاکستان کی پوری ٹیم 44 اوور میں 190 رنز بنا کر آؤٹ ہوگئی۔
پاکستان کی جانب سے شاداب خان نے ناٹ آؤٹ 71 رنز کی اننگ کھیلی۔ ان کے علاوہ غازی غوری نے 37 اور عرفات منہاس نے 33 رنز بنائے۔
آسٹریلیا کی جانب سے ناتھن ایلس نے 4 اور میتھیو شارٹ نے 3 کھلاڑیوں کو آؤٹ کیا۔
خیال رہےکہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
مزید پڑھیں۔سونے کی قیمت میں پھر ہوشربا اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ