پی ٹی آئی کے پشاور جلسے میں بدنظمی، بد انتظامی کا ذمہ دار علی امین کا خود ساختہ ترجمان قرار
اشاعت کی تاریخ: 6th, October 2025 GMT
پاکستان تحریک انصاف (پی ٹی آئی) کے 27 ستمبر کے جلسے کی ناکامی سے متعلق پارٹی کی فیکٹ فائنڈنگ کمیٹی نے جلسے کی ناقص منصوبہ بندی، بدانتظامی اور متعدد غیر مجاز اقدامات کی نشاندہی کرکے وزیراعلیٰ علی امین گنڈاپور کے خودساختہ ترجمان کو ذمہ دار قرار دیا ہے۔
پی ٹی آئی ضلع پشاور نے 27 سمتبر کے جلسے میں بدنظمی، ناقص منصوبہ بندی اور بد انتظامی پر 3 رکنی فیکٹ فائنڈنگ کمیٹی تشکیل دی تھی۔ جسے اس حوالے تفصیلی رپورٹ جمع کرنے کی ہدایت کی گئی تھی۔
یہ بھی پڑھیں: پی ٹی آئی میں اختلافات، وزیراعلیٰ کے خودساختہ ترجمان اور صوبائی صدر آمنے سامنے
پی ٹی آئی ضلع پشاور کے صدر عرفان سلیم نے ایک نوٹیفکیشن کے ذریعے فیکٹ فائنڈنگ کمیٹی میں خورشید عالم، رفیع اللہ اور انجینیئر قادر نواز کو شامل کیا تھا۔
کمیٹی نے آج 3 صفحات پر مشتمل رپورٹ جمع کرادی ہے، جس میں کوتاہیوں کی نشاندہی کے ساتھ ذمہ داروں کا تعین اور آئندہ کے لیے تجویز بھی دی گئی ہے۔
وزیراعلیٰ کا خودساختہ ترجمان ذمہ دار قراررپورٹ کے مطابق جلسے کی ناکامی کی بڑی وجہ وزیراعلیٰ خیبرپختونخوا کے خودساختہ ترجمان فراز مغل کو قرار دیا گیا ہے۔
کمیٹی نے انکشاف کیاکہ فراز مغل نے خود کو وزیراعلیٰ کا ترجمان ظاہر کرتے ہوئے غیر مجاز طور پر قریباً 100 ریڈ پاسز جاری کیے، اور اس دوران کئی سینیئر پارٹی عہدیداروں سے بدتمیزی بھی کی۔
رپورٹ میں کہا گیا ہے کہ پشاور ضلعی تنظیم کو میزبان ضلع ہونے کے باوجود کوئی واضح کردار یا ذمہ داری نہیں دی گئی، جس سے مجموعی انتظامی کنٹرول متاثر ہوا، جبکہ جلسے کی تمام تر ذمے داری فرار مغل کے پاس تھی۔
فیکٹ فائنڈنگ کمیٹی نے جلسہ گاہ میں صفائی کے ناقص انتظامات، ملبے و گردوغبار کی موجودگی اور آلودہ ماحول کو شرکا کے لیے مشکلات کا باعث قرار دیا۔
رپورٹ میں یہ انکشاف بھی کیا گیا ہے کہ جلسہ گاہ میں آوارہ کتوں کی موجودگی شرکا کے لیے پریشانی کا باعث بنی۔
رپورٹ میں بعض پارٹی عہدیداروں اور پولیس اہلکاروں کے غیر ذمہ دارانہ رویوں کی بھی نشاندہی کی گئی ہے۔ کمیٹی کے مطابق کچھ پولیس اہلکاروں نے صحافیوں اور خواتین شرکا کے ساتھ نامناسب سلوک کیا۔
مزید یہ کہ متعدد گروپس نے اسٹیج مینجمنٹ بغیر کسی رابطے کے انجام دی، جس سے بدنظمی پیدا ہوئی، جب کہ ناقص لاجسٹک انتظامات اور ناکافی سہولیات نے شرکا کو مایوس کیا۔
کمیٹی نے اپنی سفارشات میں کہا ہے کہ آئندہ تمام جلسوں میں ضلع تنظیم کو واضح ذمہ داریاں دی جائیں، کمانڈ کا نظام وضع کیا جائے، صفائی کے انتظامات قبل از وقت مکمل کیے جائیں اور غیر مجاز افراد کی مداخلت پر سخت تادیبی کارروائی کی جائے۔
یہ بھی پڑھیں: علی امین گنڈاپور کل تک ترجمان فراز مغل کو عہدے سے فارغ کریں، جنید اکبر کا وزیراعلیٰ کو الٹی میٹم
رپورٹ میں یہ بھی سفارش کی گئی ہے کہ آئندہ جلسوں میں صحافیوں اور خواتین کے احترام کو یقینی بنایا جائے۔ فیکٹ فائنڈنگ کمیٹی نے نتیجہ اخذ کیا کہ 27 ستمبر کا اجتماع عوامی حمایت کا مظہر ضرور تھا، تاہم تنظیمی اور انتظامی خامیوں سے سبق سیکھنا ناگزیر ہے۔ کمیٹی نے ضلعی تنظیم کو رپورٹ جمع کرا دی ہے، جس پر پارٹی کی جانب سے کارروائی کی جائےگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بدنظمی پشاور جلسہ خود ساختہ ترجمان علی امین گنڈاپور فراز مغل وزیراعلیٰ خیبرپختونخوا وی نیوز.ذریعہ: WE News
کلیدی لفظ: پشاور جلسہ خود ساختہ ترجمان علی امین گنڈاپور وزیراعلی خیبرپختونخوا وی نیوز فیکٹ فائنڈنگ کمیٹی خودساختہ ترجمان رپورٹ میں پی ٹی آئی کمیٹی نے علی امین جلسے کی کے لیے
پڑھیں:
کراچی کو بدترین انتظامی بحران میں دھکیلنے کی ذمہ دار پیپلز پارٹی ہے، فوزیہ صدیقی
رہنما تحریک انصاف نے کہا کہ اسٹریٹ کرائم کے ہاتھوں کراچی کے شہریوں کی جان و مال غیر محفوظ ہوچکی ہے، روزانہ کی بنیاد پر ڈکیتی، رہزنی اور قتل کی وارداتیں معمول بن چکی ہیں، مگر پولیس اور انتظامیہ مسلسل ناکام اور مجرمانہ غفلت کی تصویر بنی ہوئی ہیں۔ اسلام ٹائمز۔ پاکستان تحریکِ انصاف کراچی کی ترجمان و سیکریٹری اطلاعات فوزیہ صدیقی نے کہا ہے کہ کراچی اس وقت شدید ترین شہری و انتظامی بحران کا شکار ہے اور اس بدحالی کی واحد ذمہ دار پیپلز پاٹی ہے جس کے پاس موجودہ صوبائی اور شہری حکومتیں ہیں۔ انہوں نے کہا کہ اربوں روپے کے فنڈز کرپشن کی نذر ہوچکے ہیں جبکہ شہر بنیادی سہولیات سے محروم ہو کر تباہی کے دہانے پر کھڑا ہے۔ فوزیہ صدیقی نے کہا کہ پیپلز پارٹی نے ایک مرتبہ پھر کراچی کے شہریوں کے بے وقوف بنانے کے لئے کراچی پیکیج کے نام پر ایک افسانہ سنایا ہے، میئر کراچی نے کراچی کے انفرا اسٹریچکر کی بحالی کے لئے کوئی خاطر خواہ انتظامات نہیں کئے ہیں سب فنڈز ہڑپ کرنے کی سازشیں ہیں۔ فوزیہ صدیقی نے کہا کہ پانی کا مسئلہ شہر کی سب سے بڑی ناکامی بن چکا ہے، عوام صاف پانی کے لیے روزانہ اذیت سہتے ہیں جبکہ ٹینکر مافیا حکومتی سرپرستی میں لوٹ مار میں مصروف ہے۔
انہوں نے کہا کہ اسٹریٹ کرائم کے ہاتھوں کراچی کے شہریوں کی جان و مال غیر محفوظ ہوچکی ہے، روزانہ کی بنیاد پر ڈکیتی، رہزنی اور قتل کی وارداتیں معمول بن چکی ہیں، مگر پولیس اور انتظامیہ مسلسل ناکام اور مجرمانہ غفلت کی تصویر بنی ہوئی ہیں۔ فوزیہ صدیقی نے کہا کہ کراچی پاکستان کی معاشی شہ رگ ہے مگر جان بوجھ کر اسے پسماندہ، غیر محفوظ اور مسائل زدہ رکھا جا رہا ہے۔ انہوں نے کہا کہ یہ مجرمانہ غفلت نہیں بلکہ ایک منظم منصوبہ بندی کے تحت شہر کو محرومیوں کا شکار بنایا جا رہا ہے تاکہ سیاسی فائدہ حاصل کیا جا سکے۔ انہوں نے کہا کہ پاکستان تحریکِ انصاف کراچی عوام کی واحد حقیقی آواز ہے اور ہر فورم پر کراچی کے مسائل اٹھاتی رہے گی۔ انہوں نے واضح کیا کہ کراچی کے عوام تبدیلی چاہتے ہیں اور وہ صرف شفاف، اہل اور دیانت دار قیادت ہی کے ذریعے ممکن ہیاور پی ٹی آئی ہی وہ جماعت ہے جو کراچی کے مسائل کا عملی اور حقیقت پسندانہ حل رکھتی ہے۔
اسلام آباد، خودکش دھماکے کے بعد فیڈرل جوڈیشل کمپلیکس کھول دیا گیا