اساتذہ بچوں میں خودی، غیرت‘ دین سے وابستگی پیدا کریں‘ حمیرا طارق
اشاعت کی تاریخ: 7th, October 2025 GMT
data-id="863a0a8" data-element_type="widget" data-widget_type="theme-post-content.default">
مانسہرہ (پ ر) سیکرٹری جنرل حلقہ خواتین جماعت اسلامی پاکستان ڈاکٹر حمیرا طارق نے کہا کہ اساتذہ اپنا مرتبہ و کردار کو پہچانیں، اپنی تعلیم کے ذریعے میں نئی نسل کو باعمل مسلمان اور محب وطن شہری بنائیں۔اگر ہم نے اپنے حصے کا کام کر لیا تو ان شاء اللہ وہی نسل تیار ہوگی جس کی تیاری کے شاعر مشرق علامہ اقبال خواہش مند تھے۔ مانسہرہ میں اساتذہ کنونشن سے خطاب کرتے ہوئے انہوں نے کہا کہ پاکستان کا تعلیمی نظام طبقات میں تقسیم ہے، ایلیٹ ادارے افسر بناتے ہیں جبکہ غریب کے بچے اپنی قابلیت کے باوجود کلرک یا مزدور بننے پر مجبور ہیں۔ نظام تعلیم نظریے کی بنیاد پر قائم ہوتا ہے۔جس کے نتیجے میں نئی نسل ترقی کا سفر طے کرتی ہے۔ہمارا نظام تعلیم ایسی چراگاہ ہے جسے ہر ایک بغیر سوچ اور نظریے کے چلا رہا ہے۔عقیدے کی بنیاد پر بننے والے ملک پاکستان کو طبقاتی نظام تعلیم نے کھوکھلا کر دیا ہے۔امیر امیر تر اور غریب کا بچہ کلرک ہی بنے گا۔آج قدروقیمت ذہانت کی نہیں بلکہ پیسے کی ہے ڈگریاں خریدی اور بیچی جاتی ہیں۔ این جی اوز کے تعلیمی اداروں میں سرگرمیاں ہیں۔بندشوں سے آزاد مغربی ایجنڈے کے یہ بیوپاری ہمارے بچوں کو وہ سب سکھاتے ہیں جو ہماری معاشرتی اقدار اور مذہبی تعلیمات کے سراسر خلاف ہیں۔ڈپٹی سیکرٹری اور ڈائریکٹر میڈیا سیل ثمینہ سعید نے کہاکہ معلمہ کا کردار صرف نصاب پڑھانا نہیں بلکہ بچوں کے دلوں میں خودی، غیرت، حب الوطنی اور دین سے وابستگی پیدا کرنا ہے۔ تعلیم کے ذریعے نوجوان نسل کو مغربی فکر کا غلام نہ بننے دیں۔ اساتذہ ہی وہ قوت ہیں جو کسی بھی نصاب کو اپنی فکر اور انداز سے حکمت و بصیرت کا ذریعہ بنا سکتے ہیں۔ کنونشن سے خطاب کرتے ہوئے ڈپٹی سیکرٹری اور اور نگران شعبہ تعلیم عفت سجاد نے کہا کہ والدین اور استاد مل کر بچے کی تربیت کرتے ہیں ہمیں اپنے بدلتے لائف اسٹائل کو کنٹرول کرنا ہوگا۔تعلیمی اداروں میں بچے کے کچے ذہن میں جو چیزیں ڈالی جا رہی ہیں ان پر نظر رکھنا آج کا چیلنج ہے۔عقیدے سے متصادم نظریات ہمارے بچوں کو نہ دین کا رہنے دیتے ہیں نہ دنیا کا۔۔ ڈپٹی سیکرٹری عائشہ سید نے کہا کہ طبقاتی نظام تعلیم ختم کیا جائے۔نصاب تعلیم کو جدید تقاضوں سے ہم آہنگ کیا جائے۔اساتذہ کی ٹریننگ کا اہتمام نظام تعلیم کا لازمی حصہ ہو خواتین اساتذہ کے لیے سہولیات اور تحفظ فراہم کرنا حکومت کی ذمے داری ہے۔ اس موقع پر ڈاکٹر رفعت ناظمہ حلقہ ہزارہ نے گورنمنٹ اور پرائیویٹ اساتذہ کی محرومیوں کے ازالے کی ضرورت پر زور دیتے ہوئے کہاکہ اساتذہ قوم کا وقار اور طلبہ کے لیے مشعل راہ ہیں ، جس قوم نے استاد کو عزت اور جائز مقام نہیں دیا ، اس قوم نے ترقی اور عروج کی راہ کھو دی، ٹیچرز کنونشن میں گورنمنٹ اور نجی تعلیمی اداروں کی اساتذہ کی کثیر تعداد نے شرکت کی ۔
ذریعہ
ذریعہ: Jasarat News
کلیدی لفظ: نظام تعلیم نے کہا کہ
پڑھیں:
وفاقی کابینہ، ادویات ٹریک اینڈ ٹریس سسٹم نفاذ کی باقاعدہ منظوری دے دی
اسلام آباد،وفاقی وزیرِ صحت مصطفیٰ کمال (mustafa kamal)نے کہا ہے کہ وفاقی کابینہ نے ملک بھر میں ادویات پر ٹریک اینڈ ٹریس سسٹم کے نفاذ کی باضابطہ منظوری دے دی ہے۔
اس سلسلے میں ڈرگ لیبلنگ اینڈ پیکنگ رولز 1978 میں ضروری ترامیم کی بھی منظوری دے دی گئی ہے۔منگل کو جاری بیان کے مطابق وفاقی وزیرِ صحت نے کہا کہ یہ فیصلہ پاکستان میں جعلی ادویات کے خاتمے کی جانب ایک بڑا اور تاریخی قدم ہے۔
پہلی بار ملک میں ہر دوا کو ڈیجیٹل طریقے سے ٹریک اور ویریفائی کیا جا سکے گا، جس سے جعلی، غیر معیاری اور نقلی ادویات کی مؤثر نشاندہی اور ان کے خاتمے میں مدد ملے گی۔
انہوں نے کہا کہ نئے نظام کے نفاذ کے بعد عام صارفین باآسانی دوا کی میعادِ استعمال، قیمت اور دیگر اہم معلومات کی مستند تصدیق کر سکیں گے، جس سے عوام کا ادویات کے نظام پر اعتماد مزید مضبوط ہوگا۔
مصطفیٰ کمال نے بتایا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی۔ نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں۔
وفاقی وزیرِ صحت نے کہا کہ یہ اہم اقدام پاکستان میں ادویات کی سپلائی چین کو محفوظ، شفاف اور معیاری بنانے کے لیے کیا گیا ہے۔
حکومت ادویات کے شعبے کو جدید خطوط پر استوار کرنے کے لیے عملی اقدامات کر رہی ہے اور ٹریک اینڈ ٹریس سسٹم کے نفاذ سے جعلی ادویات کے خلاف ایک مضبوط اور مؤثر دیوار قائم ہوگی۔
انہوں نے مزید کہا کہ پاکستان جدید ٹیکنالوجی کے استعمال میں خطے کے نمایاں ممالک میں شامل ہوگا۔ اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گاجس سے عوام کی صحت، زندگی اور اعتماد کا مکمل تحفظ یقینی بنایا جا سکے گا۔
مزید پڑھیں:میئر لندن، 16 سال سے کم عمر بچوں کیلئے سوشل میڈیا پر پابندی کی حمایت
وفاقی وزیرِ صحت کے مطابق ڈریپ کی جانب سے صنعت کو سہولت فراہم کرنے کے لیے جلد تکنیکی رہنما اصول جاری کیے جائیں گے، جبکہ متعلقہ فریقین کے ساتھ مشاورتی اجلاس بھی منعقد کیے جا چکے ہیں تاکہ نظام کے مؤثر اور مرحلہ وار نفاذ کو یقینی بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ