ٹنڈوجام میں تالہ بندی کے بعد تمام اسکولز کھول دیے گئے
اشاعت کی تاریخ: 7th, October 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈوجام (نمائندہ جسارت)تالابند ی کے بعد اسکول کھول گئے اور اساتذہ کے عالمی دن کے موقع پر گورنمنٹ بوائز پرائمری اسکول حاجی محمد اسماعیل لاکھو میں ایک پُر وقار تقریب کا انعقاد کیا گیا۔تفصیلات کے مطابق طویل تالابندی کے بعد اسکول ایک بار کھول گئے ہیں بچوں اور والدین دونوں نے خوشی کا اظہار کیا اور اساتذہ کے عالمی دن کے موقع پر اساتذہ کو خراجِ تحسین پیش کرنے کے لیے گورنمنٹ بوائز پرائمری اسکول حاجی محمد اسماعیل میں ایک تقریب منعقد ہوئی جس میں طلبا، اساتذہ اور مقامی معززین کی بڑی تعداد نے شرکت کی۔ اس موقع پر اسکول کے طلبا فرمان لاکھومزمل حسین زین العابدین میمن ریحان علی لغاری اور عقیل احمد نے اپنے تاثرات بیان کرتے ہوئے کہا کہ ہم اپنے اساتذہ کو خراجِ عقیدت پیش کرتے ہیں جو ہمیں محنت و لگن سے تعلیم فراہم کر رہے ہیںطلبا نے کہا کہ تعلیم ہی ترقی کی کنجی ہے اور ہمارے اساتذہ کی رہنمائی کی بدولت ہم بہتر مستقبل کی جانب گامزن ہیں۔ طلبا کا کہنا تھا کہ گورنمنٹ بوائز پرائمری اسکول حاجی محمد اسماعیل لاکھو کے درجنوں فارغ التحصیل طلبہ آج مختلف سرکاری و نجی اداروں میں اعلیٰ عہدوں پر فائز ہیں، جو اساتذہ کی شب و روز محنت کا نتیجہ ہے اس موقع پر اسکول کے ہیڈ ماسٹر محمد اختر آرائیں اور اساتذہ جان محمد لاکھو، امجد علی تھیم اور جازب حسین نے خطاب کرتے ہوئے کہا کہ طالب علم کی ترقی میں والدین کے ساتھ ساتھ اساتذہ کا کردار بنیادی اہمیت رکھتا ہے۔ انہوں نے کہا کہ یہ اساتذہ ہی ہیں جو اپنی محنت، لگن اور خلوص کے ذریعے طلبہ کو کامیابی کی راہ دکھاتے ہیں۔ ہیڈ ماسٹر محمد اختر آرائیں نے مزید کہا کہ اس اسکول کے اساتذہ نے ماضی سے لے کر آج تک مسلسل محنت سے طلبہ کی تربیت کی ہے، جس کے باعث یہ ادارہ علاقے میں نمایاں مقام رکھتا ہے۔ انہوں نے کہا کہ ہمیں فخر ہے کہ ہمارے سابق طلبہ مختلف محکموں میں خدمات انجام دے کر اس اسکول اور علاقے کا نام روشن کر رہے ہیں۔ تقریب کے اختتام پر اساتذہ کو خراجِ تحسین پیش کیا گیا جبکہ طلبہ کی جانب سے ٹیچرز ڈے کا کیک بھی کاٹا گیا۔
ذریعہ
ذریعہ: Jasarat News
کلیدی لفظ: کہا کہ
پڑھیں:
کراچی: ہل پارک سے متصل متنازع پلاٹ پر تعمیرات کے معاملے پر میئر کراچی نے وفاقی حکومت کو خط لکھ دیا
کراچی میں ہل پارک سے متصل متنازع پلاٹ پر تعمیرات کے معاملے پر میئر کراچی مرتضیٰ وہاب نے وفاقی حکومت کو خط لکھ دیا۔
میئر کراچی نے وفاقی وزارت ہاؤسنگ اینڈ ورکس سے پلاٹ نمبر 39-G-4 کا مکمل ریکارڈ طلب کرتے ہوئے کہا ہے کہ 1959 کے اصل منظور شدہ پی ای سی ایچ ایس ماسٹر پلان میں پلاٹ نمبر 39-G-4 موجود نہیں تھا۔
مرتضیٰ وہاب کے مطابق ابتدائی جانچ میں متنازع مقام پر پانچ سو گز کا پلاٹ اصل منظور شدہ لے آؤٹ میں ظاہر نہیں ہوتا، جبکہ اصل ماسٹر پلان کے مطابق مذکورہ مقام پر صرف تقریباً دو سو گز بقایا اراضی بنتی ہے۔
یئر کراچی نے سوال اٹھایا کہ پانچ سو گز کا پلاٹ کس قانونی بنیاد پر ظاہر کیا گیا، متعلقہ حکام اس کی وضاحت فراہم کریں۔
خط میں مطالبہ کیا گیا ہے کہ پلاٹ کے تمام ٹائٹل دستاویزات، الاٹمنٹ آرڈرز، لیز، میوٹیشن ریکارڈ، اصل اور نظرثانی شدہ لے آؤٹ پلانز سمیت تمام تبدیلیوں کی تفصیلات فراہم کی جائیں۔
میئر کراچی نے پلاٹ کی ملکیت، الاٹمنٹ ہسٹری، سروے تفصیلات، حدبندی کارروائی، ریگولرائزیشن، تبادلے، انضمام، سب ڈویژن یا ریکنسٹیٹیوشن سے متعلق تمام ریکارڈ بھی طلب کیا ہے۔
مرتضیٰ وہاب نے کہا کہ ہل پارک سے متصل اراضی عوامی زمین میں شامل تھی یا نہیں، اس کی وضاحت بھی کی جائے، جبکہ ہل پارک، اوپن اسپیس، امنیٹی یا سرکاری زمین پر تجاوزات سے متعلق تفصیلات بھی فراہم کی جائیں۔
میئر کراچی کا کہنا ہے کہ عوامی مفاد اور بلدیاتی اثاثوں کے تحفظ کے لیے متنازع پلاٹ کی جامع تحقیقات ضروری ہیں اور ہل پارک سے متصل زمین کے تمام قانونی اور ملکیتی ریکارڈ کی فوری تصدیق کی جانی چاہیے۔
مرتضیٰ وہاب نے مطالبہ کیا کہ متنازع پلاٹ سے متعلق تمام حقائق اور دستاویزی شواہد فوری فراہم کیے جائیں، جبکہ کے ایم سی بلدیاتی اثاثوں اور عوامی سہولتوں کے تحفظ کے لیے قانون کے مطابق کارروائی کا حق محفوظ رکھتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ