شرجیل میمن سندھ میں الیکٹرک اور پنک ٹیکسی سروس منصوبوں کی جلد تکمیل کیلیے متحرک
اشاعت کی تاریخ: 8th, October 2025 GMT
سندھ کے سینئر وزیر شرجیل انعام میمن الیکٹرک ٹیکسی سروس اور پنک ٹیکسی سروس منصوبوں پر تیزی سے پیش رفت کے لیے مسلسل متحرک ہیں جب کہ صوبے میں جدید اور ماحول دوست ٹرانسپورٹ نظام کے لیے انہوں نے اپنی کاوشیں مزید تیز کردی ہیں۔معروف ملٹی نیشنل برقی گاڑیاں تیار کرنے والی کمپنی کے وفد نے سینئر وزیر شرجیل انعام میمن سے ملاقات کی، ملاقات میں کمپنی کے نمائندوں نے اپنی برقی گاڑیوں کے ماڈلز، خصوصیات اور ٹیکنالوجی سے متعلق تفصیلی بریفنگ دی۔ملاقات میں سیکریٹری ٹرانسپورٹ اسد ضامن، سندھ ماس ٹرانزٹ اتھارٹی کی ایم ڈی کنول نظام بھٹو اور سی ای او ٹرانس کراچی فواد غفار سومرو بھی شریک تھے۔شرجیل انعام میمن نے کہا کہ حکومتِ سندھ پبلک پرائیوٹ پارٹنرشپ کے ذریعے ٹرانسپورٹ کے شعبے میں جدت لانا چاہتی ہے، سندھ میں برقی گاڑیوں کے استعمال کو فروغ دینا وقت کی اہم ضرورت ہے تاکہ شہریوں کو صاف، محفوظ اور پائیدار سفری سہولیات میسر آسکیں۔ان کا کہنا تھا کہ ہم چاہتے ہیں کہ سندھ میں برقی ٹرانسپورٹ کا مضبوط نظام قائم ہو، الیکٹرک گاڑیوں کے ساتھ ساتھ ان کے چارجنگ اسٹیشنز، مینٹیننس سینٹرز اور دیگر بنیادی انفرااسٹرکچر کی تعمیر میں بھی سرمایہ کاری کے وسیع مواقع موجود ہیں۔ سینئر صوبائی وزیر نے کہا کہ حکومت سندھ نجی شعبے کے ساتھ مل کر ایک ایسا فریم ورک تشکیل دے رہی ہے جس سے سرمایہ کاروں کو مکمل تعاون اور تحفظ فراہم کیا جائے گا، حکومت سندھ نے سرمایہ کاروں کے لیے سازگار ماحول پیدا کیا ہے۔ان کا مزید کہنا تھا کہ دھابیجی اسپیشل اکنامک زون سرمایہ کاروں کے لیے ایک بہترین موقع ہے، دھابیجی اسپیشل اکنامک زون میں سرمایہ کاروں کو دس سالہ ٹیکس استثنا سمیت متعدد مراعات دی جا رہی ہیں۔انہوں نے کہا کہ ہم چاہتے ہیں کہ زیادہ سے زیادہ بین الاقوامی کمپنیاں سندھ آئیں اور یہاں سرمایہ کاری کریں، سندھ میں ٹرانسپورٹ کے شعبے میں بین الاقوامی معیار کی سروسز متعارف کروانے کے لیے حکومت ہر ممکن تعاون فراہم کرے گی۔شرجیل انعام میمن نے کہا کہ ہمارا ہدف ہے کہ کراچی سمیت سندھ کے تمام بڑے شہروں میں الیکٹرک ٹیکسی سروس جلد از جلد شروع کی جائے، تاکہ عوام کو جدید اور ماحول دوست سفری سہولیات میسر آئیں۔
.ذریعہ: Nawaiwaqt
کلیدی لفظ: شرجیل انعام میمن سرمایہ کاروں ٹیکسی سروس کے لیے کہا کہ
پڑھیں:
سندھ حکومت کا فیصلہ: خواتین کی سہولت کے لیے مزید پنک بسیں چلانے کی تیاری
کراچی: صوبائی وزیر اطلاعات و ٹرانسپورٹ شرجیل انعام میمن نے کہا ہے کہ سندھ حکومت صوبے کے ٹرانسپورٹ نظام کو جدید اور مؤثر بنانے کے لیے مسلسل کام کر رہی ہے، اور اس سلسلے میں خواتین کے لیے مزید پنک بسوں کا آغاز کیا جا رہا ہے جو بی آر ٹی کے مختلف روٹس پر جلد نظر آئیں گی۔
گرین لائن منصوبے کے مقام پر پریس کانفرنس کرتے ہوئے شرجیل میمن کا کہنا تھا کہ پاکستان کی پہلی بی آر ٹی میں خواتین کے لیے مخصوص پنک بسیں پہلے ہی چل رہی ہیں، جبکہ بی آر ٹی گرین لائن میں بھی خواتین کے لیے علیحدہ اسپیس مختص کی جائے گی تاکہ انہیں محفوظ اور باوقار سفری سہولت فراہم کی جا سکے۔
سینیئر وزیر کے مطابق نمائش سے سرجانی تک پنک بی آر ٹی سروس شروع ہو چکی ہے، جب کہ ایدھی اورنج لائن بی آر ٹی پر بھی جلد پنک بسیں چلائی جائیں گی۔ انہوں نے مزید بتایا کہ ڈبل ڈیکر بسوں کی ایک نئی کھیپ اگلے ہفتے کراچی پہنچنے والی ہے۔ اس کے ساتھ ساتھ محکمہ ٹرانسپورٹ خصوصی ضروریات کے حامل بچوں کے لیے خصوصی بائیکس تیار کر رہا ہے، جو انہیں مفت فراہم کی جائیں گی۔
شرجیل انعام میمن نے کہا کہ سندھ حکومت خواتین کو بااختیار بنانے کے لیے اہم اقدامات اٹھا رہی ہے اور ٹرانسپورٹ سیکٹر میں مزید مثبت اعلانات جلد سامنے آئیں گے۔
انہوں نے بتایا کہ صوبہ بھر کے 21 لاکھ سیلاب متاثرہ خاندانوں کے گھروں کے مالکانہ حقوق خواتین کے نام کرنے کا فیصلہ انہی کوششوں کا تسلسل ہے، جب کہ بینظیر انکم سپورٹ پروگرام کا آغاز بھی سابق صدر آصف علی زرداری نے خواتین کی معاشی خودمختاری کے لیے ہی کیا تھا۔
وزیر اطلاعات نے یہ بھی بتایا کہ سندھ حکومت کسانوں کو مفت کھاد فراہم کر رہی ہے، جس سے گندم کی پیداوار میں نمایاں اضافہ متوقع ہے، ساتھ ہی انہوں نے کہا کہ ایشیائی ترقیاتی بینک کے ساتھ بعض تکنیکی معاملات حل طلب ہیں، جنہیں جلد نمٹایا جا رہا ہے۔
انہوں نے کراچی کے تمام اسٹیک ہولڈرز اور سیاسی جماعتوں کے لیے اوپن بریفنگ جاری رکھنے کا اعلان کیا اور کہا کہ معاشرے کے ہر طبقے اور فرد کو اپنی ذمہ داری نبھانا ہوگی۔
پریس کانفرنس کے اختتام پر انہوں نے وزیراعظم اور صوبہ پنجاب و خیبر پختونخوا کے وزرائے اعلیٰ سے درخواست کی کہ اپنے اپنے صوبوں میں بھی خواتین کے لیے پنک بس سروس شروع کریں، کیونکہ یہ اقدام خواتین کے محفوظ سفر اور بااختیار بنانے کے لیے انتہائی اہم ہے۔
قابض صہیونی رژیم خطے پر تسلط قائم رکھنے کیلئے امریکہ کا آلہ ہے، حزب اللہ لبنان