جوا بازی کے شہر مکاؤ میں 15 ہزار اسکوائر فٹ پر دنیا کا پہلا ریزورٹ اسپتال قائم
اشاعت کی تاریخ: 8th, October 2025 GMT
دنیا کے سب سے بڑے جوئے کے مرکز مکاؤ نے اب صحت کے شعبے میں بھی تاریخ رقم کر دی ہے، جہاں دنیا کا پہلا ریزورٹ اسپتال قائم کیا گیا ہے، اس اقدام کا مقصد مکاؤ کو میڈیکل ٹورزم یعنی طبی سیاحت کا مرکز بنانا ہے۔
بین الاقوامی خبر رساں ادارے ساؤتھ چائنا مارننگ پوسٹ کے مطابق لارنس ہو کی کمپنی بلیک اسپَیڈ کیپیٹل نے چین کے خصوصی انتظامی علاقے مکاؤ میں اسٹوڈیو سٹی کے اندر 15 ہزار مربع فٹ پر محیط اسپتال ریزورٹ قائم کیا ہے۔
یہ بھی پڑھیں: جوئے کی تشہیر کا معاملہ، پاکستان کے بعد بھارت میں بھی کارروائی، بڑے کرکٹرز کو نوٹس جاری
اس اسپتال میں اعلیٰ معیار کی طبی سہولیات دستیاب ہوں گی جن میں ہیلتھ چیک اپس، جدید اسکین، ایم آر آئی، اور کاسمیٹک ٹریٹمنٹس شامل ہیں۔
افتتاحی تقریب کے دوران میلکو ریزورٹس کے چیئرمین اور سی ای او لارنس ہو نے کہا کہ دنیا کے پہلے اور مکاؤ کے واحد ریزورٹ اسپتال کے قیام سے ہم خطے میں میڈیکل ٹورزم کے فروغ میں اپنا کردار ادا کرنا چاہتے ہیں۔
لارنس ہو نے کہا کہ یہ منصوبہ مکاؤ کی “1+4” معاشی تنوع کی پالیسی کے مطابق ہے، جس کے تحت حکومت شہر کو صرف جوا بازی نہیں بلکہ سیاحت، تفریح اور صحت کے نئے مراکز میں تبدیل کرنا چاہتی ہے۔
یہ بھی پڑھیں: غزہ کا سب سے بڑا اسپتال قبرستان بن گیا ہے، عالمی ادارہ صحت
اعداد و شمار کے مطابق 2024 میں مکاؤ کی کیسینو آمدنی 28.
اسپتال کے پیچھے موجود ہیلتھ کیئر گروپ آئی ریڈ اسپتال کو توقع ہے کہ سالانہ 40 ملین سیاح علاج اور چیک اپ کے لیے مکاؤ آئیں گے، جس سے شہر کی معیشت میں مزید بہتری آئے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news جوا چین ریزورٹ اسپتال مکاؤ
ذریعہ
ذریعہ: WE News
کلیدی لفظ: جوا چین ریزورٹ اسپتال مکاؤ ریزورٹ اسپتال
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار