آئمہ بیگ سے شادی کے 2 ماہ بعد علیحدگی؟ زین احمد نے خاموشی توڑ دی؛ وجہ جان کر سب حیران
اشاعت کی تاریخ: 8th, October 2025 GMT
معروف گلوکارہ آئمہ بیگ کی شادی دسمبر 2024 میں اُن کے دوست اور مشہور فیشن ڈیزائنر زین احمد کے ساتھ ہوئی تھی اور ابھی ایک سال بھی مکمل نہیں ہوا کہ علیحدگی افواہیں زور پکڑنے لگیں۔
شوبز کی دنیا میں ایک بار پھر ایک خبر نے ہلچل مچا دی ہے جب آئمہ بیگ کے مداحوں نے نوٹ کیا کہ اُن کے شوہر زین احمد نے انسٹاگرام پر اچانک اپنی اہلیہ کو ان فالو کردیا۔
زین احمد نے اپنے انسٹاگرام اکاؤنٹس سے شادی کی تصاویر بھی حذف کردیں اور اس کی کوئی معقول وجہ بھی نہیں بتائی۔
جس پر سوشل میڈیا میں یہ افواہیں گردش کرنے لگیں کہ جوڑے کے درمیان علیحدگی ہوگئی ہے۔ یہ خبر جنگل میں آگ کی طرح تیزی سے پھیلنے لگیں۔
اس تمام عرصے میں آئمہ بیگ نے بھی پُراسرار خاموشی اختیار کیے رکھی جس سے ان افواہوں کو اور تقویت ملنے لگی۔
تاہم اب زین احمد نے وضاحت دی ہے کہ یہ سب انسٹاگرام کے بگز اور ٹیکنیکل خرابی کی وجہ سے ہوا ہے۔
زین احمد نے ہنسنے والی ایموجیز کے ساتھ انسٹاگرام اسٹوری میں لکھا کہ آئمہ بیگ کے ساتھ شادی کی تصویریں ڈیلیٹ نہیں ہوئیں بلکہ آرکائیو فولڈر میں منتقل ہوگئی تھیں۔
مداحوں نے تاہم اس وضاحت پر بھی شکوک کا اظہار کیا اور سوشل میڈیا پر میمز اور تبصروں کا طوفان برپا ہے۔
کچھ مداح کہہ رہے ہیں کہ "یہ بس ایک بہانہ ہے"، جبکہ دوسرے ابھی بھی دعا کر رہے ہیں کہ دونوں کا رشتہ سلامت رہے۔
یاد رہے کہ گزشتہ برس کے آخر میں زین احمد اور آئمہ بیگ کی شادی لاہور میں دھوم دھام سے ہوئی تھی اور شوبز کی یہ جوڑی اپنی شادی کے بعد سے مداحوں کی توجہ کا مرکز رہی ہے۔
دونوں کی جوڑی کو میڈیا اور سوشل میڈیا پر بے حد پسند بھی کیا گیا اور مداح اکثر ان کی تصاویر اور ویڈیوز شیئر کرتے نظر آتے تھے۔
اب ’ان فالو‘ واقعے کے بعد مداحوں کے دلوں میں خدشات پیدا ہوگئے ہیں کہ کہیں یہ جوڑی بھی شوبز کی ان مختصر مدت چلنے والی شادیوں کی فہرست میں شامل نہ ہو جائے۔
یاد رہے کہ آئمہ بیگ کی اس سے قبل گلوکارہ آئمہ بیگ کی ساتھی گلوکار افضل شگری کے ساتھ 2021 میں منگنی ہوئی تھی جو ایک سال بعد ختم ہوگئی تھی۔
.
ذریعہ: Express News
کلیدی لفظ: ئمہ بیگ کی ا ئمہ بیگ کے ساتھ
پڑھیں:
شہزادہ ولیم کے بچوں پر اسمارٹ فونز رکھنے کی پابندی، حیران کن انکشافات
data-id="863a0a8" data-element_type="widget" data-widget_type="theme-post-content.default">
لندن: موجودہ دور میں والدین اکثر بچوں کو مصروف رکھنے کے لیے اسمارٹ فون یا ٹیبلیٹ تھما دیتے ہیں، مگر برطانوی تخت کے ولی عہد شہزادہ ولیم نے اپنے بچوں کے حوالے سے بالکل مختلف رویہ اپنایا ہے۔
ایپل ٹی وی پلس کی ایک سیریز میں گفتگو کے دوران شہزادہ ولیم نے انکشاف کیا کہ ان کے تینوں بچے 12 سالہ شہزادہ جارج، 10 سالہ شہزادی شیرو لیٹ اور 7 سالہ شہزادہ لوئس کو اسمارٹ فون رکھنے کی اجازت نہیں۔
انہوں نے بتایا کہ ’’ہم سب اکٹھے بیٹھ کر کھانا کھاتے ہیں اور بات چیت کرتے ہیں، ہمارے کسی بچے کے پاس فون نہیں، ہم اس معاملے میں بہت سخت ہیں‘‘۔
سیریز کے میزبان کے پوچھنے پر کہ بچے پھر وقت کیسے گزارتے ہیں، شہزادہ ولیم نے بتایا کہ لوئس کو ٹریمپولین پسند ہے، شیرو لیٹ نیٹ بال کھیلتی اور رقص کرتی ہے جبکہ جارج کو فٹبال اور ہاکی سے دلچسپی ہے۔
ان کا کہنا تھا کہ بچوں کو بیرونی سرگرمیوں میں مصروف رکھنا اور کھیلوں سے جوڑے رکھنا ضروری ہے۔ انہوں نے مزید بتایا کہ وہ اپنے بچوں کو گریجویشن سے پہلے فون رکھنے کی اجازت نہیں دیں گے۔
شہزادہ ولیم نے ونڈسر کیسل کے ٹور کے موقع پر بتایا کہ وہ بچوں کو اکثر سینٹ جارج ہال لے جاتے ہیں، جہاں وہ گھنٹوں دوڑتے ہیں اور کھیلتے ہیں۔
انہوں نے کہا کہ ’’میرے بچوں کو اندازہ نہیں کہ وہ کتنے خوش قسمت ہیں، وہ ایک بڑے پرانے قالین پر دوڑ سکتے ہیں، لکڑی کے ٹکڑوں کی فکر نہیں، ہم اکثر ایک دوسرے کے پیچھے بھاگتے ہیں۔‘‘
ولی عہد نے یہ بھی کہا کہ خاندان ان کی زندگی کا سب سے اہم حصہ ہے، اور برطانوی شاہی حیثیت کے باوجود وہ بچوں کو اسکول چھوڑنے اور لینے خود جاتے ہیں۔
آخر میں شہزادہ ولیم نے کہا:
’’کام اور خاندان میں توازن زندگی کے لیے بہت ضروری ہے، میری زندگی کا مرکز میرا خاندان ہے، اور سب کچھ بچوں کے خوش، صحت مند اور مستحکم مستقبل کے لیے ہے۔‘‘
شارلٹس ول اوپن اسکواش: نور زمان کی سیمی فائنل میں رسائی