کاروباری طبقہ ملکی معیشت کی ریڑھ کی ہڈی ہے، مسائل کے فوری حل کیلئے اقدامات جاری ہیں، وفاقی محتسب اعجاز احمد قریشی
اشاعت کی تاریخ: 9th, October 2025 GMT
اسلام آباد (اُردو پوائنٹ اخبارتازہ ترین - اے پی پی۔ 09 اکتوبر2025ء) وفاقی محتسب اعجاز احمد قریشی نے کہا ہے کہ کاروباری حضرات اور صنعتکار پاکستانی معیشت کا اہم ستون ہیں جو لوگوں کو روزگار فراہم کر کے ملکی معیشت کا پہیہ چلانے میں کلیدی کردار ادا کر رہے ہیں۔ترجمان کے مطابق انہوں نے کہا کہ پاکستان کی معاشی ترقی میں صنعت و تجارت کے نمایاں کردار کے پیش نظر کاروباری برادری کے مسائل کے فوری حل پرخصوصی توجہ دی جا رہی ہے۔
وہ گزشتہ روز گوجرانوالہ چیمبر آف کامرس کے دورے کے موقع پر ایک تقریب سے بطور مہمان خصوصی خطاب کر رہے تھے۔ تقریب میں صنعت و تجارت سے وابستہ شخصیات کی بڑی تعداد نے شرکت کی۔وفاقی محتسب نے کہا کہ وفاقی حکومت کے تقریباً 200 سے زائد ادارے ان کے دائرہ اختیار میں آتے ہیں جن کے خلاف گزشتہ سال دو لاکھ 23 ہزار سے زیادہ شکایات نمٹائی گئیں۔(جاری ہے)
انہوں نے کہا کہ کاروباری برادری کی وفاقی اداروں کی بدانتظامی سے متعلق شکایات کے ازالے کے لیے ان کے دروازے چوبیس گھنٹے کھلے ہیں۔
چیمبر آف کامرس کے عہدیداران نے وفاقی محتسب کو بجلی اور گیس کی بڑھتی ہوئی قیمتوں اور برآمدات میں کمی جیسے مسائل سے آگاہ کیا۔ انہوں نے کہا کہ اگر بزنس کمیونٹی کے مسائل حل ہو جائیں تو ملک کی معیشت میں نمایاں بہتری آ سکتی ہے۔وفاقی محتسب اعجاز احمد قریشی نے صنعت و تجارت کے مسائل کے حل کے لیے بھرپور تعاون اور موثر کردار ادا کرنے کی یقین دہانی کرائی۔انہوں نے بتایا کہ وفاقی محتسب کے دفتر میں آن لائن شکایت درج کرانے کی سہولت بھی موجود ہے جبکہ عوامی شکایات کے ازالے کے لیے 25 علاقائی دفاتر اور شکایات مراکز کام کر رہے ہیں جن سے عوام بھرپور استفادہ کر رہے ہیں۔انہوں نے کہا کہ وفاقی محتسب کے پاس آنے والے 99 فیصد شکایت کنندگان غریب طبقے سے تعلق رکھتے ہیں جو وکیلوں کے اخراجات برداشت نہیں کر سکتے، لیکن یہ ادارہ ان کے مسائل مفت اور جلد از جلد حل کرتا ہے۔وفاقی محتسب نے وفد کو یقین دلایا کہ ان کی انفرادی شکایات پر قانون کے مطابق کارروائی کی جائے گی۔قبل ازیں انہوں نے گوجرانوالہ کے علاقائی دفتر کے دورے کے دوران اجلاس کی صدارت کی اور میڈیا نمائندگان کو بتایا کہ رواں سال اب تک دو لاکھ سے زائد شکایات موصول ہو چکی ہیں جبکہ امکان ہے کہ سال کے اختتام تک یہ تعداد اڑھائی لاکھ سے تجاوز کر جائے گی۔.
ذریعہ
ذریعہ: UrduPoint
کلیدی لفظ: تلاش کیجئے انہوں نے کہا کہ وفاقی محتسب کے مسائل کر رہے
پڑھیں:
پاکستان اور کویت جاری سفارتی کوششوں کے مثبت نتائج کیلئے پرامید
وزیر خارجہ اسحاق ڈار نے کویت کے وزیر خارجہ شیخ جراح جابر الاحمد الصباح سے رابطہ کیا، دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
ترجمان دفتر خارجہ کا کہنا ہے کہ کویتی وزیر خارجہ نے امریکا اور ایران کے درمیان رابطوں میں پاکستان کے کردار کو سراہا، کویتی وزیر خارجہ نے علاقائی امن و استحکام کیلئے پاکستان کی کوششوں کی تعریف کی۔
اسحاق ڈار نے خطے میں پائیدار امن کیلئے سفارتکاری اور مذاکرات کی حمایت کا اعادہ کیا، پاکستان نے مسائل کے حل کیلئے مسلسل سفارتی روابط کو ترجیحی راستہ قرار دیا۔
دفتر خارجہ کا کہنا ہے کہ دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
اس موقع پر پاکستان اور کویت کے درمیان برادرانہ تعلقات مزید مضبوط بنانے اور مستقبل میں قریبی رابطے برقرار رکھنے پر اتفاق کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ