پنجاب بلدیاتی انتخابات: الیکشن کمیشن نے حلقہ بندیوں کا شیڈول جاری کردیا
اشاعت کی تاریخ: 9th, October 2025 GMT
---فائل فوٹو
الیکشن کمیشن نے پنجاب میں بلدیاتی انتخابات کے سلسلے میں حلقہ بندیوں کا شیڈول جاری کردیا ہے۔
الیکشن کمیشن کے مطابق 12 اکتوبر تک تمام انتظامی تیاریاں مکمل کی جائیں گی، ڈی لمیٹیشن کمیٹیاں 13سے31 اکتوبر تک حلقہ بندیوں کی ابتدائی فہرست تیار کریں گی جبکہ حلقہ بندیوں کی ابتدائی فہرست یکم نومبر کو شائع کی جائے گی۔
الیکشن کمیشن کا کہنا ہے کہ ووٹرز 2 سے 16 نومبر تک ابتدائی حلقہ بندیوں پر اعتراضات دائر کرسکیں گے جبکہ ڈی لمیٹیشن اتھارٹیز یکم دسمبر تک اعتراضات نمٹائیں گی۔
الیکشن کمیشن کے مطابق اسی طرح حلقہ بندیوں کی حتمی فہرست 8 دسمبر کو شائع کی جائے گی۔
.ذریعہ: Jang News
کلیدی لفظ: الیکشن کمیشن حلقہ بندیوں
پڑھیں:
لاہور کے حلقہ این اے 129 میں انتخابی میدان سج گیا، حلقے میں کس برداری کا ووٹ بینک زیادہ ہے؟
پنجاب میں قومی اسمبلی کی 6 اور صوبائی اسمبلی کی 7 نشستوں پر ضمنی انتخابات کی پولنگ جاری ہے۔
قومی اسمبلی کے حلقہ این اے 129 لاہور میں سابق وفاقی وزیر حماد اظہر کے والد میاں محمد اظہر کی وفات سے خالی ہونے والی نشست پر بھی آج ضمنی انتخاب ہو رہا ہے۔ پولنگ صبح 8 بجے شروع ہو کر شام 5 بجے تک بغیر کسی وقفے کے جاری رہے گی۔
اس اہم حلقے میں کل رجسٹرڈ ووٹرز کی تعداد 5 لاکھ 58 ہزار 364 ہے جن میں 2 لاکھ 89 ہزار 339 مرد اور 2 لاکھ 69 ہزار 25 خواتین ووٹرز شامل ہیں۔ الیکشن کمیشن آف پاکستان نے حلقے میں 334 پولنگ اسٹیشنز اور 1,045 پولنگ بوتھز قائم کیے ہیں جن میں 133 مردوں، 131 خواتین اور 70 مشترکہ پولنگ اسٹیشنز شامل ہیں۔
یہ بھی پڑھیے: ضمنی انتخابات: قومی اسمبلی کی 6 اور پنجاب اسمبلی کی 7 نشستوں پر پولنگ جاری
برادریوں کے ووٹ بینک کے لحاظ سے این اے 129 میں آرائیں، جٹ، راجپوت، کشمیری، شیخ اور سید برادریوں کا بڑا ووٹ بینک موجود ہے، جن میں خاص طور پر آرائیں، کشمیری اور راجپوت برادریوں کو فیصلہ کن سمجھا جا رہا ہے۔
انتخابی میدان میں حکومتی اتحاد کی حمایت یافتہ امیدوار حافظ میاں نعمان اور پاکستان تحریک انصاف کی حمایت یافتہ آزاد امیدوار ارسلان احمد کے درمیان سخت مقابلے کی توقع ہے۔
حافظ میاں نعمان کے حامیوں کا دعویٰ ہے کہ حلقے میں حکومتی ترقیاتی منصوبوں کی وجہ سے عوام کی بڑی تعداد ان کی طرف مائل ہو رہی ہے، جبکہ تحریک انصاف کی طرف سے الزام عائد کیا جا رہا ہے کہ حکومت نے انتخاب سے قبل ترقیاتی کاموں کے ذریعے دھاندلی کی اور ان کی مہم کو بینرز اتارنے سمیت مختلف طریقوں سے روکا گیا۔
یہ بھی پڑھیے: پنجاب ضمنی انتخابات پر اثر انداز ہونے کا خدشہ، الیکشن کمیشن کا اظہار تشویش
اس حلقے میں 4 صوبائی نشستیں بھی شامل ہیں، جس کی وجہ سے یہ انتخاب سیاسی اور برادریوں کے ووٹ بینک کے لحاظ سے انتہائی اہمیت کا حامل سمجھا جا رہا ہے۔
نتائج کا حتمی فیصلہ تو ووٹوں کی گنتی کے بعد ہی ہوگا، تاہم پولنگ کے دوران ووٹرز کی بڑی تعداد پولنگ اسٹیشنز پر موجود ہے اور پرامن ماحول میں ووٹنگ جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن پولنگ ضمنی انتخابات لاہور کے حلقہ این اے 129 ووٹنگ
خودکش بمبار نے اسلام آباد کچہری سے قبل ایک اور مقام پر حملے کی کوشش کی‘ تحقیقات میں انکشاف