ٹک ٹاک سے شروع ہونے والی بچوں کی لڑائی 2 زندگیاں نگل گئی، مگر کس کی؟
اشاعت کی تاریخ: 9th, October 2025 GMT
کراچی کے علاقے اتحاد ٹاؤن خیبر چوک کے قریب گزشتہ ہفتے بچوں کی لڑائی بڑوں کے درمیان فائرنگ میں تبدیل ہوئی جس کے نتیجے میں 2 افراد جان سے گئے جبکہ ایک زخمی ہوا۔
یہ بھی پڑھیں: ٹاک ٹاک کے جنون نے باپ بیٹے کی جان لے لی
مرنے والوں کی شناخت 30 سالہ حضرت خان ولد کتب دین اور 18 سالہ ابراہیم ولد عبدالحکیم کے ناموں سے ہوئی اور دونوں کا ہی اس جھگڑے سے کوئی تعلق نہیں تھا بلکہ وہ بدقسمتی سے اس ’میدان جنگ‘ کے پاس سے گزر رہے تھے۔
ایس ایس پی کیماڑی کیپٹن ( ر) فیضان علی نے بتایا کہ دونوں گروہوں میں بچوں کی لڑائی کے بعد مسلح تصادم ہوا۔
واقعے کی تفصیل کے مطابق بچوں نے 2 ٹک ٹاک گروپ 103 اور 113 کے نام سے بنائے ہوئے تھے۔ ابتدائی طور پر معلوم ہوا ہے کہ آفریدی قبیلے کے بچوں نے محسود قبیلے کے بچے پر تشدد کیا اور اس کی ویڈیو بھی بنائی جس پر ہفتے کو محسود اور آفریدی قبیلے کا جرگہ طلب کیا گیا تھا جس پر دونوں جانب سے پہلے پتھراؤ اورپھر فائرنگ شروع کردی گئی۔
اس فائرنگ کی زد میں آ کر چاول فروخت کرنے والا ایک شخص اور دوسرا راہگیر جاں بحق ہوا۔ پولیس کے مطابق مرنے والے دونوں افراد کا اس جھگڑے سے کوئی تعلق نہیں تھا۔
مزید پڑھیے: ٹک ٹاک ویڈیوز یا پھر موت کا جنون؟
ابتدائی طور پر ضلع کیماڑی پولیس نے محمد خان کالونی و ملحقہ علاقوں میں گرینڈ سرچ اینڈ کومبنگ اپریشن کے دوران دونوں گروپوں سے تعلق رکھنے والے 6 ملزمان کو گرفتار کیا۔
پولیس کے مطابق گرفتار ملزمان کے قبضے سے غیرقانونی اسلحہ بھی برآمد کیا گیا۔ گرفتار ملزمان کی شناخت عظمت اللہ خان، محمد سیف، محمد وصال خان، سید عالم شاہ، عامر اور عمر کے ناموں سے ہوئی۔
گرفتار ملزم محمد سیف کے قبضے سے ایک عدد ایس ایم جی رائفل اور گرفتار ملزم عظمت اللہ کے قبضے سے پستول برآمد ہوا۔ گرفتار ملزمان میں 4 ملزمان کا تعلق ٹک ٹاک 109 گروپ جبکہ 2 کا تعلق ٹک ٹاک 313 گروپ سے ہے جبکہ اسلحہ سمیت گرفتار ملزمان کے خلاف سندھ آرمز ایکٹ کی دفعات کے تحت بھی مقدمات درج کیے گئے مزید گرفتاریوں کے لیے ٹارگیٹڈ آپریشن جاری ہے۔
مزید پڑھیں: کراچی: بچوں کی لڑائی میں بڑے بھی کود پڑے، فائرنگ سے یوسی چیئرمین جاں بحق
پولیس کے مطابق اس معاملے میں اہم پیشرفت تب ہوئی جب فائرنگ میں ملوث ٹک ٹاک 109 گروپ کے اہم ملزم کو محمد خان کالونی سے گرفتار کر لیا گیا۔
ایس ایس پی کیماڑی کیپٹن (ر) فیضان علی کے مطابق گرفتار ملزم کی شناخت سعید علی ولد سائل خان آفریدی کے نام سے ہوئی ہے۔ ملزم کے قبضے سے بوقت گرفتاری غیرقانونی 30 بور پستول بمعہ ایمونیشن برآمد ہوا۔
یہ بھی پڑھیے: لیاری گینگ وار کی وہ فلمی لڑائی جو بچوں سے شروع ہو کر پورے خاندان کو ختم کر گئی
گرفتار ملزم نے واقع کے روز بڑے ہتھیار ایس ایم جی رائفل سے فائرنگ کی تھی، واقع میں استعمال ہونے والی ایس ایم جی رائفل پہلے ہی ملزم کے ساتھیوں سے برآمد کی جاچکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بچوں کی لڑائی ٹک ٹاک ٹک ٹاک جھگڑا ٹک ٹاک ہلاکتیں.
ذریعہ
ذریعہ: WE News
کلیدی لفظ: بچوں کی لڑائی ٹک ٹاک
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار