وزیراعلیٰ کا استعفیٰ منظور کرنے کیلئے آئین میں کوئی مدت درج نہیں،بیرسٹر گوہر
اشاعت کی تاریخ: 10th, October 2025 GMT
اسلام آباد(ڈیلی پاکستان آن لائن)چئیرمین پی ٹی آئی بیرسٹر گوہر نے کہا ہے وزیر اعلیٰ کا استعفیٰ منظور کرنے کی مدت کے حوالے سے آئین میں کوئی شق موجود نہیں۔ گورنر سے مطالبہ ہے وزیر اعلیٰ کا استعفیٰ فوری منظور کریں۔
نجی ٹی وی سما نیوز سے گفتگو میں بیرسٹر گوہر نے کہا کہ گورنر یا وفاقی حکومت کو رکاوٹ نہیں ڈالنی چائیے، ماضی میں سندھ اور پنجاب کے وزرائے اعلیٰ کی بھی ان ہاؤس تبدیلی ہوچکی۔ یہ جمہوری عمل ہے، جسے مکمل ہونا چاہئے۔ ہمارے ارکان اسمبلی متحد ہیں کوئی ان سے رابطہ نہیں کرے گا۔
دوسری جانب گورنر خیبرپختونخوا فیصل کریم کنڈی کا کہنا ہے کہ علی امین گنڈاپور کا استعفیٰ باضابطہ طور پر موصول نہیں ہوا۔ استعفیٰ آیا تو منظور کرنے میں وقت نہیں لگاؤنگا۔
پنجاب حکومت کا بڑا اقدام، شہر میں جگہ جگہ فری ملک ٹیسٹنگ کیمپ لگ گئے، جعلی دودھ پکڑے جانے پر کیا سزا؟ جانئے اس ویڈیو میں
گورنرخیبرپختونخوا فیصل کریم کنڈی کا کہنا تھا کہ سرکاری طور پر بھیجی جانے والی چیزیں گیٹ پر نہیں چھوڑی جاتیں۔ میرے لئے آنے والی ڈاک سیکرٹری، سی ایس او یا ایم ایس وصول کرتے ہیں ۔ ان میں سے کسی نے استعفیٰ وصول نہیں کیا۔ استعفیٰ آیا تو منظور کرنے میں وقت نہیں لگاؤنگا۔
ذریعہ: Daily Pakistan
کلیدی لفظ: کا استعفی
پڑھیں:
بانی کی ہدایات پر عمل ہو گا، علی امین گنڈاپور کل اپنا استعفیٰ گورنر کے پی کو بھجوائیں گے: بیرسٹر گوہر
—جیو نیوز گریبچیئرمین پی ٹی آئی بیرسٹر گوہر کا کہنا ہے کہ بانیٔ پی ٹی آئی کی ہدایات پر عمل ہو گا، علی امین گنڈاپور آدھے گھنٹے بعد پشاور روانہ ہوں گے، وہ کل اپنا استعفیٰ گورنر خیبر پختونخوا کو بھجوائیں گے۔
اسلام آباد میں میڈیا سے گفتگوکرتے ہوئے انہوں نے کہا کہ علی امین سمری کے ذریعے اپنا استعفیٰ گورنر کو بھجوائیں گے، تحریکِ انصاف میں کوئی فارورڈ بلاک نہیں، کپتان کی ذمے داری ہے کہ وہ اپنے کھلاڑیوں کو کب اور کیسے کھلاتا ہے۔
بیرسٹر گوہر نے کہا کہ ہمارے پاس ہدایات آئی ہیں کہ سہیل آفریدی ہی وزیرِ اعلیٰ ہوں گے، تحریکِ انصاف کی کوئی کمیٹی مجاز نہیں کہ بانیٔ پی ٹی آئی کی ہدایت رد کرے، تحریکِ انصاف کے تمام ارکانِ اسمبلی بانیٔ پی ٹی آئی سے وفادار ہیں۔
سیکریٹری جنرل پی ٹی آئی سلمان اکرم راجہ نے علی امین گنڈاپور کو خیبر پختونخوا کی وزارتِ اعلی سے ہٹانے کی تصدیق کر دی اور اس فیصلے کی وجہ بھی بتا دی۔
ان کا کہنا ہے کہ خیبر پختونخوا میں تحریکِ انصاف کی دو تہائی اکثریت برقرار رہے گی، بانیٔ پی ٹی آئی کے احکامات کے مطابق عمل درآمد کریں گے، علی امین نے کہا ہے کہ وہ بانیٔ پی ٹی آئی کے اعتماد تک وزیرِاعلیٰ ہیں۔
بیرسٹر گوہر کا کہنا ہے کہ بانیٔ پی ٹی آئی کے وژن کے مطابق صوبہ آگے بڑھے گا، خیبر پختونخوا میں صرف اور صرف تحریک انصاف کی حکومت ہو گی، بانیٔ پی ٹی آئی نے علی امین کو ہدایات کی ناکامی پر نہیں ہٹایا۔
انہوں نے کہا کہ علی امین گنڈاپور نے پارٹی اور حکومت کے لیے اچھا کردار ادا کیا ہے، پی ٹی آئی میں کوئی گروپ نہیں، اختلافِ رائے ہر جگہ ہوتا ہے، پی ٹی آئی اپنے بانی کی قیادت میں متحد ہے۔
اس سے قبل پاکستان تحریکِ انصاف کے ذرائع کی جانب سے دعویٰ سامنے آیا تھا کہ وزیرِ اعلیٰ خیبر پختونخوا علی امین گنڈاپور کو تبدیل کرنے کا فیصلہ کرلیا گیا ہے۔
پی ٹی آئی ذرائع نے یہ دعویٰ بھی کیا کہ سہیل آفریدی کو وزیراعلیٰ خیبر پختونخوا لگائے جانے کا امکان ہے۔
سیکریٹری جنرل پی ٹی آئی سلمان اکرم راجہ نے علی امین گنڈاپور کو خیبر پختونخوا کی وزارتِ اعلی سے ہٹانے کی تصدیق کر دی اور اس فیصلے کی وجہ بھی بتا دی ہے۔
وزیراعظم شہباز شریف دو روزہ سرکاری دورے پر ملائیشیا روانہ