بیوی کو قتل کرکے 75 لاکھ روپے انشورنس حاصل کرتے ہوئے قاتل پکڑا گیا
اشاعت کی تاریخ: 14th, October 2025 GMT
بھارتی ریاست جھارکھنڈ میں مکیش کمار مہتا نامی ایک شخص نے اپنی بیوی کو قتل کرکے، واردات کو حادثے کا روپ دے کر 75 لاکھ روپے انشورنس حاصل کرنے کا سازش بھی رچائی لیکن جلد ہی اس کا پول کھل گیا۔
پولیس کا کہنا ہے کہ جھارکھنڈ کے ضلع هزارہ باغ میں ایک شخص نے مبینہ طور پر اپنی بیوی کا قتل کیا اور پھر اسے موٹرسائیکل حادثے کا روپ دے کر 75 لاکھ روپے کی انشورنس رقم حاصل کرنے کی سازش کی۔
یہ بھی پڑھیے ٹک ٹاک انفلوئنسر پورے خاندان سمیت قتل
قانون نافذ کرنے والوں کے مطابق مقتولہ سِوانتی کماری عمر 27 سال تھی، اور اس کی شادی مکیش کمار مہتا نامی شخص سے یکم جون کو ہوئی تھی۔ حادثے سے تقریباً ایک مہینہ پہلے مکیش نے اپنی بیوی کے نام پر زندگی کی انشورنس پالیسی کروائی تھی۔
پولیس ذرائع کے مطابق مکیش کو پیر کے روز تفتیش کے دوران حراست میں لیا گیا، اور اس نے انشورنس رقم کے حصول کی نیت سے اپنی بیوی کا قتل کرنے کا اعتراف کیا۔
پولیس کی تحقیقات اور شواہدپولیس کا کہنا ہے کہ حادثے والی کہانی میں تضادات ملے۔ نہ موٹرسائیکل پر کوئی خراش تھی، نہ جسم پر عام حادثے کی نشانیاں تھیں۔
مکیش نے بیان دیا کہ اس نے رات کے اندھیرے میں سِوانتی کو بائیک سے اتارا اور اس کے سر پر چار-پانچ بار مارا، پھر لاش کو بائیک کے پاس رکھا اور خود بے ہوش ہونے کا بہانہ کیا تاکہ لوگ حادثہ سمجھیں۔
اس نے بعد میں ہیلمیٹ بھی پولیس کو واپس کروایا، جسے اس نے واقعے کے بعد چھپا دیا تھا۔
ایک ممکنہ دوسرا پہلو بھی تفتیش کا حصہ ہے کہ کیا مکیش کا دیگر لڑکیوں کے ساتھ ناجائز تعلقات بھی اس واقعے کا محرک ہو سکتے ہیں، اگرچہ موجودہ شواہد انشورنس کی رقم حاصل کرنے کی نیت کو ظاہر کرتے ہیں۔
یہ بھی پڑھیے بھارت: صحافی راجیو پرتاپ کی موت، حادثہ یا منصوبہ بندی کے تحت قتل؟
سوانتی کے والد مہاویر پرساد میہتا نے الزام عائد کیا ہے کہ شادی کے چند دن بعد ہی ان کی بیٹی کو شوہر مکیش اور اس کی بھابھی سُنيتا دیوی نے ہراسان کرنا شروع کر دیا تھا۔ والد کے مطابق، ان کی بیٹی کے ساتھ مسلسل ظلم و زیادتی کی جا رہی تھی۔
پولیس نے مقدمہ درج کر کے معاملے کی تفتیش شروع کر دی ہے۔ ابتدائی شواہد کے مطابق یہ ایک منصوبہ بند قتل معلوم ہوتا ہے جسے حادثے کی صورت میں ظاہر کر کے انشورنس رقم حاصل کرنے کی کوشش کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جرم و سزا جھارکھنڈ.
ذریعہ
ذریعہ: WE News
کلیدی لفظ: جھارکھنڈ اپنی بیوی کے مطابق اور اس
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ