شاہ محمود قریشی کی بریت لاہور ہائیکورٹ میں چیلنج
اشاعت کی تاریخ: 15th, October 2025 GMT
9 مئی کے واقعات سے متعلق مقدمے میں شاہ محمود قریشی کی بریت کو لاہور ہائیکورٹ میں چیلنج کر دیا گیا ہے۔
نجی چینل کے مطابق، پراسیکیوشن نے ٹرائل کورٹ کے فیصلے کے خلاف اپیل دائر کی ہے، جس میں مؤقف اختیار کیا گیا ہے کہ شاہ محمود قریشی کو شواہد اور حقائق کے برعکس بری کیا گیا۔ اپیل میں استدعا کی گئی ہے کہ ٹرائل کورٹ کا فیصلہ کالعدم قرار دیا جائے اور مقدمے کی دوبارہ سماعت کی جائے۔
درخواست میں یہ بھی کہا گیا ہے کہ انسداد دہشتگردی عدالت نے کیس کے اہم پہلوؤں کو نظر انداز کیا اور شفاف انداز میں حقائق کا جائزہ نہیں لیا۔
واضح رہے کہ انسداد دہشتگردی کی خصوصی عدالت نے اگست 2025 میں شاہ محمود قریشی کو 9 مئی کے واقعات سے متعلق مقدمے میں الزامات سے بری کر دیا تھا۔
ذریعہ
ذریعہ: Daily Mumtaz
کلیدی لفظ: شاہ محمود قریشی
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار