پرویز الٰہی کی منی لانڈرنگ مقدمے میں بریت کی درخواست پر فیصلہ محفوظ
اشاعت کی تاریخ: 15th, October 2025 GMT
لاہور:
پرویز الٰہی کی منی لانڈرنگ کے کیس میں بریت کی درخواست پر فیصلہ محفوظ کرلیا گیا۔
اسپیشل سینٹرل عدالت لاہور میں ایف آئی اے منی لانڈرنگ کے کیس کی سماعت ہوئی، جس میں عدالت نے پرویز الٰہی کی بریت کی درخواست پر فیصلہ محفوظ کرلیا، جو 25 اکتوبر کو سنایا جائے گا۔
عدالت کے جج محمد عارف خان نیازی نے تحریری حکم میں کہا کہ پرویز الہی کی بریت کی درخواست پر مکمل دلائل سن لیے ہیں۔ چوہدری پرویز الہی کی ایک روزہ حاضری معافی کی درخواست دائر ہوئی ، اسپیشل پراسیکیوٹر نے اعتراض کیا کہ گزشتہ سماعت پر حاضری معافی مکمل نہیں تھی اور حاضری معافی کی درخواست کے ساتھ میڈیکل ادویات کا نسخہ موجود نہیں تھا۔
عبوری حکم کے مطابق موجودہ حاضری معافی کی درخواست میں سروسز اسپتال کے ڈاکٹر سے چیک اپ اور اس کا باقاعدہ تصدیق شدہ نسخہ موجود ہے۔ پرویز الہی کی حاضری معافی کی درخواست مکمل ہے ، جس میں ڈاکٹر نے آرام کا مشورہ دیا ہے، لہٰذا عدالت پرویز الہی کی ایک روزہ حاضری معافی کی درخواست منظور کرتی ہے۔
.ذریعہ: Express News
کلیدی لفظ: حاضری معافی کی درخواست بریت کی درخواست پر پرویز الہی کی
پڑھیں:
کے پی میں غیر قانونی مائنگ سکینڈل: ٹھیکیدار کے اثاثے منجمند کر دیے گئے
خیبر پختونخوا میں غیر قانونی مائنگ سکینڈل میں ملوث ایک ٹھیکیدار کے کروڑوں روپے کے اثاثے منجمد کر دیے گئے ہیں۔
احتساب عدالت میں اینٹی منی لانڈرنگ ایکٹ کے تحت دائر درخواست کی سماعت احتساب جج حامد مغل نے کی، جس دوران نیب کے سینئر پراسیکیوٹر حبیب اللہ بیگ عدالت میں پیش ہوئے۔ عدالت نے ٹھیکیدار کے تمام اثاثے منجمد کرنے کا حکم جاری کر دیا۔
نیب پراسیکیوٹر کے مطابق ملزم زرگل خان دیگر ساتھیوں کے ساتھ مل کر کاکول کے گزارہ جنگلات میں غیر قانونی مائنگ کا مرکزی کردار رہا ہے۔ تحقیقات میں سامنے آیا کہ 2010 سے جولائی 2025 تک ملزم نے ایک لاکھ 41 ہزار 869 میٹرک ٹن فاسفیٹ نکالا، جس سے قومی خزانے کو تقریباً 643.7 ملین روپے کا نقصان پہنچا۔ مزید شواہد ملے کہ ملزم منی لانڈرنگ میں بھی ملوث رہا۔
ملزم کے نام ایبٹ آباد میں آٹھ مختلف پلاٹس اور تین قیمتی گاڑیاں رجسٹرڈ ہیں۔ عدالت نے درخواست پر عمل کرتے ہوئے زرگل خان کے اثاثے اینٹی منی لانڈرنگ ایکٹ 2010 اور نیب آرڈیننس کے تحت منجمد کرنے کا حکم دے دیا۔
فیلڈ مارشل سے سعودی چیف آف جنرل سٹاف کی ملاقات، باہمی دلچسپی کے امور پرتبادلہ خیال