شاہ محمود قریشی پر اسلام آباد میں کتنے مقدمات درج ہیں؟ رپورٹ عدالت میں پیش
اشاعت کی تاریخ: 13th, October 2025 GMT
سابق وزیر خارجہ اور تحریک انصاف کے مرکزی رہنما شاہ محمود قریشی کے خلاف درج مقدمات کی تفصیل سامنے آگئی۔
عدالت عالیہ اسلام آباد میں جسٹس محمد اعظم خان نے سابق وزیر خارجہ کی صاحبزادی مہر بانو قریشی کی درخواست پر سماعت کی۔
دوران سماعت عدالت میں شاہ محمود قریشی درج مقدمات کی تفصیل فراہم کی گئی، جس میں بتایا گیا کہ پی ٹی آئی رہنما کے خلاف اسلام آباد میں 17 مقدمات درج ہیں۔
وفاقی پولیس کے ڈی ایس پی لیگل ساجد چیمہ عدالت میں رپورٹ کے ساتھ پیش ہوئے جبکہ درخواست گزار کی جانب سے کوئی بھی پیش نہ ہوسکا۔
رپورٹ میں بتایا گیا کہ شاہ محمودقریشی کے خلاف اسلام آباد کے مختلف تھانوں میں17 مقدمات مختلف دفعات کے تحت درج ہیں۔
عدالت عالیہ اسلام آباد کو بتایا گیا کہ شاہ محمود قریشی کے خلاف تھانہ سی ٹی ڈی میں دہشت گردی دفعات کے تحت درج مقدمہ بھی رپورٹ کا حصہ ہے۔
عدالت نے درخواست گزار کے وکیل کی عدم دستیابی کے باعث سماعت ملتوی کردی۔
.ذریعہ: Jang News
کلیدی لفظ: شاہ محمود قریشی اسلام ا باد کے خلاف
پڑھیں:
کراچی؛ ڈکیتی اور غیر قانونی اسلحہ کے مقدمات میں ملزم کو 14 سال قید کی سزا
کراچی:ایڈیشنل ڈسٹرکٹ اینڈ سیشن جج شرقی نے جمشید روڈ پر شہری سے ڈکیتی اور غیر قانونی اسلحہ کے مقدمات میں ملزم کو 14 سال قید کی سزا سنادی۔
عدالت نے ملزم عبید کو مجموعی طور پر 14 سال قید کی سزا سنادی۔ عدالت نے فیصلے میں کہا کہ استغاثہ جرم ثابت کرنے میں کامیاب رہا۔ ملزم نے اپنی بے گناہی ثابت کرنے کے لیے کوئی ثبوت یا شواہد پیش نہیں کیے۔
استغاثہ کے مطابق ڈکیتی کا واقعہ دسمبر 2023 کو پیش آیا تھا، جس میں موٹر سائیکل پر سوار 2 ملزمان نے مدعی کو روکا۔ ملزمان نے گن پوائنٹ پر موبائل لیا اور فرار ہونے لگے۔
اسی اثنا میں پولیس وہاں پہنچ گئی اورملزم عبید کو گرفتار کرلیا۔ ملزم کا ساتھی فرار ہونے میں کامیاب ہوگیا۔ ملزمان کیخلاف تھانہ جمشید ٹاؤن میں مقدمہ درج کیا گیا تھا۔
اسلام آباد سے مانچسٹر کی پہلی پرواز کب اڑان بھرے گی۔۔۔؟ پی آئی اے نے اعلان کردیا۔