کیا اس سال پاکستان میں غیر معمولی سردی ہوگی؟ محکمہ موسمیات کا اہم بیان آگیا
اشاعت کی تاریخ: 17th, October 2025 GMT
محکمہ موسمیات نے ملک میں غیر معمولی یا ریکارڈ توڑ سردی کی سوشل میڈیا پر گردش کرتی خبروں کو مسترد کر دیا ہے۔ محکمہ کا کہنا ہے کہ سائنسی اعداد و شمار اور موسمیاتی رجحانات ایسی کسی پیش گوئی کی تائید نہیں کرتے۔
ترجمان کے مطابق، سمندری سطح کے درجہ حرارت اور لا نینا (La Niña) کے اثرات کا تجزیہ ظاہر کرتا ہے کہ ملک بھر، بشمول سندھ، میں موسمِ سرما کی شدت اعتدال پسند رہے گی۔
مزید پڑھیں: دھند، بارش اور برفباری، سردی نے ملک میں ڈیرے جما لیے
محکمہ موسمیات نے واضح کیا کہ دسمبر سے فروری تک کے موسمِ سرما کی پیش گوئیاں عالمی موسمیاتی تنظیم (WMO) کے تعاون سے تیار کردہ سسٹمز کے ذریعے کی جاتی ہیں۔
تازہ ترین جائزوں کے مطابق، اس دوران ملک کے بیشتر حصوں میں درجہ حرارت معمول سے قدرے زیادہ اور بارشیں معمول سے کچھ زیادہ رہنے کا امکان ہے۔
بیان میں کہا گیا کہ بحرالکاہل کے خطے میں کمزور سے درمیانے درجے کی لا نینا موجود ہے، جو عام طور پر جنوبی ایشیا اور پاکستان میں سردی کے نظاموں کی شدت کو کم کرتی ہے۔ نتیجتاً، مغربی ہوائیں ملک کے شمالی اور مغربی پہاڑی علاقوں تک مکمل طور پر نہیں پہنچ پائیں گی، جس سے ان علاقوں میں برفباری اور بارش میں کمی جبکہ پنجاب اور سندھ کے میدانوں میں ہلکی تبدیلی متوقع ہے۔
مزید پڑھیں: ملک کے مختلف علاقوں میں بارش اور برفباری، سردی کی شدت میں اضافہ
محکمہ موسمیات نے شہریوں کو ہدایت کی ہے کہ وہ صرف محکمہ موسمیات کی ویب سائٹ اور تصدیق شدہ ذرائع سے ہی موسمی معلومات حاصل کریں۔ محکمہ نے خبردار کیا کہ غیر مصدقہ موسمی دعوے پھیلانے سے عوام میں بلاوجہ خوف اور غلط فہمی پیدا ہوسکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان سردی بارش غیر معمولی سردی محکمہ موسمیات.ذریعہ: WE News
کلیدی لفظ: پاکستان غیر معمولی سردی محکمہ موسمیات محکمہ موسمیات
پڑھیں:
امریکا برفانی طوفان کی زد میں، ہزاروں پروازیں منسوخ اور تاخیر کا شکار
data-id="863a0a8" data-element_type="widget" data-widget_type="theme-post-content.default">
امریکا کی متعدد ریاستیں شدید برفانی طوفان کی لپیٹ میں آ گئی ہیں، جہاں عمارتیں، گھروں کی چھتیں اور سڑکیں دو فٹ سے زائد برف تلے دب گئی ہیں۔
ملک کے مختلف حصوں میں برفباری جاری ہے۔ نیویارک، الینوائے اور مشی گن میں ہر طرف سفیدی چھا گئی جبکہ الاسکا میں شدید برفباری کے بعد درجہ حرارت نقطۂ انجماد سے بھی نیچے چلا گیا۔ خراب موسم کے باعث ملک بھر میں ہزاروں پروازیں منسوخ یا شدید تاخیر کا شکار ہوئیں۔
امریکی میڈیا کے مطابق شکاگو میں نومبر کے مہینے میں برفباری کا نیا ریکارڈ قائم ہوگیا ہے۔ شکاگو کے ایئرپورٹ پر اب تک 8.4 انچ برف ریکارڈ کی جا چکی ہے، جس کی وجہ سے سیکڑوں پروازیں منسوخ یا تاخیر سے چلیں۔
امریکی محکمۂ موسمیات نے آج سے ملک کے وسیع علاقوں میں مزید بارشوں، یخ بستہ ہواؤں اور برفباری کے نتیجے میں سردی کی شدت بڑھنے کی پیشگوئی کی ہے۔ کینساس، نیبرسکا اور مشرقی ساحلی ریاستوں میں برفانی طوفان کا خطرہ موجود ہے، جبکہ پینسلوینیا اور نیوجرسی میں بھی بھاری برفباری کی پیشگوئی کی گئی ہے۔ ان علاقوں میں 6 انچ یا اس سے زیادہ برف پڑنے کا امکان ہے۔
ادھر برطانیہ میں آئندہ ہفتے شدید برفباری کی وارننگ جاری کر دی گئی ہے۔ برطانوی میڈیا کے مطابق 9 اور 10 دسمبر کو انگلینڈ اور اسکاٹ لینڈ کے مختلف حصوں میں برفباری ہوسکتی ہے۔
کراچی چڑیا گھر میں شیرنی نے تین بچوں کو جنم دیا