چین میں ڈرونز کے ذریعے لائٹ شو کا نیا عالمی ریکارڈ قائم
اشاعت کی تاریخ: 19th, October 2025 GMT
چین نے ایک بار پھر ٹیکنالوجی اور تفریحی مظاہروں کی دنیا میں اپنی برتری ثابت کر دی، ہنان صوبے کے شہر لیوئیانگ میں 15 ہزار 947 ڈرونز کے ذریعے ایک شاندار لائٹ شو پیش کیا گیا، جو گنیز ورلڈ ریکارڈز کے مطابق دنیا کا سب سے بڑا ڈرون ڈسپلے قرار پایا۔
یہ دلکش شو 17ویں لیوئیانگ فائر ورکس کلچرل فیسٹیول کے موقع پر منعقد ہوا، جس میں ہزاروں ڈرونز نے آسمان کو رنگین روشنیوں سے مزین کردیا۔ شو میں قدرتی مناظر، پھولوں کے کھلنے کے دلکش انداز، مچھلیوں کی تیرتی تصاویر اور آتش بازی کی نقالی جیسے مناظر پیش کیے گئے۔
یہ بھی پڑھیں: چین میں ٹیکنالوجی کا جادو، آسمان میں 5 ہزار ڈرونز کا رقص
ایک متاثرکن لمحے میں ایک لڑکی کی شکل والے ڈرون فگر نے داندیلین کا پھول تھاما ہوا تھا، جس پر چینی شاعری کی دلکش سطریں روشن ہوئیں ’کاش ایسے سال ہوں جو واپس دیکھنے لائق ہوں، اور گزرتے لمحوں کو گہرے جذبے سے چوم لیں۔‘
یہ شو شینزین کی کمپنی ہائی گریٹ انوویشن نے ترتیب دیا، جس میں تمام ڈرونز کو ایک ہی کمپیوٹر سسٹم سے کنٹرول کیا گیا۔ اس سے قبل چین ہی کے شہر چانگچنگ میں 11 ہزار 787 ڈرونز کا لائٹ شو عالمی ریکارڈ رکھتا تھا، جو رواں سال ہی قائم ہوا تھا۔
یہ بھی پڑھیں: دنیا بھر میں چینی ہتھیاروں کی بڑھتی مانگ کا راز کیا ہے؟
ماہرین کے مطابق چین کے یہ ڈرون لائٹ شوز اب قومی فخر کی علامت بن چکے ہیں، جو ملک کی ٹیکنالوجی، آرٹ اور ثقافت کے حسین امتزاج کی عکاسی کرتے ہیں۔
تماشائیوں نے اس مظاہرے کو آسمانی آرٹ گیلری قرار دیا، جبکہ سوشل میڈیا پر اس کی ویڈیوز تیزی سے وائرل ہو گئیں۔ تجزیہ کاروں کا کہنا ہے کہ اس نوعیت کے تکنیکی شو آئندہ برسوں میں تفریحی اور تعلیمی پروگراموں میں بھی نمایاں کردار ادا کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایئرشو چین ڈرونز فائر ورکس کلچرل فیسٹیول گنیز ورلڈ ریکارڈز لائٹ شو.ذریعہ: WE News
کلیدی لفظ: ایئرشو چین گنیز ورلڈ ریکارڈز لائٹ شو لائٹ شو
پڑھیں:
2024 میں عالمی سطح پر اسلحے کی فروخت میں اضافہ ریکارڈ، بڑی کمپنیوں نے 679 ارب ڈالر کا کاروبار کیا
data-id="863a0a8" data-element_type="widget" data-widget_type="theme-post-content.default">
سال 2024 میں دنیا میں اسلحے کی فروخت میں اضافہ دیکھا گیا اور 100 بڑی اسلحہ ساز کمپنیوں نے 679 ارب ڈالر کا اسلحہ فروخت کیا۔
غیرملکی میڈیا میں اسٹاک ہوم انٹرنیشنل پیس ریسرچ انسٹی ٹیوٹ کی رپورٹ کے مطابق 2023 کے مقابلے میں اسلحے کی فروخت کی یہ شرح تقریباً 6 فیصد زیادہ رہی، اسلحے کی زیادہ فروخت امریکی اور یورپی کمپنیوں نے کی۔
رپورٹ کے مطابق غزہ اور یوکرین کی جنگوں کے ساتھ ساتھ عالمی اور علاقائی جغرافیائی کشیدگی اور مسلسل بڑھتے ہوئے فوجی بجٹ نے عسکری ساز و سامان کی فروخت میں نمایاں اضافہ کیا۔
رپورٹ میں کہا گیا ہے کہ اس عالمی اضافے کا زیادہ تر حصہ یورپ اور امریکا کی دفاعی کمپنیوں کے حصے میں آیا۔
رپورٹ کے مطابق اسلحے کی فروخت سے سب سے زیادہ ریونیو کمانے والی 10 کمپنیوں میں 6 امریکی، 2 چینی، ایک روسی اور ایک برطانوی کمپنی شامل ہے۔
رپورٹ میں بتایا گیا ہے کہ 2024 میں جاپانی اسلحہ ساز کمپنیوں کی فروخت میں سب سے زیادہ 40 فیصد اضافہ ہوا، جرمن کمپنیوں کی فروخت میں 36 اور جنوبی کوریا کی کمپنیوں کی فروخت میں 31 فیصد اضافہ ہوا جبکہ چینی کمپنیوں کی فروخت میں 10فیصد کمی دیکھنے میں آئی۔
رپورٹ کے مطابق 2023 کے مقابلے میں چیک ری پبلک کی کمپنی چیکو سلوواکیا گروپ کی فروخت میں سب سے زیادہ 192.7 فیصد اضافہ ہوا، دوسرے نمبر پر امریکی کمپنی اسپیس ایکس رہی جس کی فروخت میں 103.4 فیصد اضافہ ہوا جبکہ جاپانی کمپنی مٹسوبشی الیکڑک کی فروخت میں 86.9 فیصد اضافہ ہوا۔
وفاقی آئینی عدالت میں 27ویں ترمیم کو چیلنج کر دیا گیا،کالعدم قرار دینے کا مطالبہ