پہلا پاکستانی جس نے سعودی ٹورزم انڈسٹری میں کمرشل رجسٹریشن حاصل کی
اشاعت کی تاریخ: 20th, October 2025 GMT
سعودی عرب میں پاکستانی شہری کاشان سید نے تاریخ رقم کر دی ہے۔ انہوں نے پہلی بار مملکت کی ٹورزم انڈسٹری کے تحت کمرشل رجسٹریشن حاصل کر کے نہ صرف اپنی ذاتی کامیابی کا جھنڈا گاڑا بلکہ پاکستان کا نام بھی روشن کر دیا۔
کاشان سید گزشتہ 20 سالوں سے سعودی عرب میں آف روڈنگ، ایڈونچر ٹورز اور نئے سیاحتی مقامات کی تلاش کے شوق کو پیشہ ورانہ انداز میں آگے بڑھا رہے ہیں۔
یہ بھی پڑھیے: سعودی عرب میں روبوٹکس اور مصنوعی ذہانت کی جانب بڑا قدم، جدید لیبارٹری کا افتتاح
وہ مختلف قومیتوں برطانوی، امریکی، پاکستانی، بنگلہ دیشی اور دیگر کو گروپوں کی صورت میں مملکت کے پوشیدہ قدرتی حسن اور صحرائی راستوں کی سیر کرواتے رہے۔
اب انہوں نے اپنے اسی شوق کو باضابطہ شکل دیتے ہوئے سعودی ٹورزم، ڈیر ٹو ڈسکور کے نام سے کمپنی رجسٹرڈ کرائی ہے۔
یہ اقدام سعودی وژن 2030 کے سیاحتی اہداف کے عین مطابق ہے اور پاکستانیوں کے لیے سعودی عرب میں ٹورزم کے شعبے میں نئے امکانات اور مواقع پیدا کرنے کا ذریعہ بن رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب سیاحت کمرشل کمپنی.ذریعہ: WE News
کلیدی لفظ: سیاحت
پڑھیں:
نادرا میں ازدواجی حیثیت اپ ڈیٹ کرنا کیوں ضروری ہے؟
نادرا میں ازدواجی حیثیت اپ ڈیٹ کرنا ضروری ہے، اس حوالے سے نیشنل ڈیٹا بیس رجسٹریشن اتھارٹی نے تفصیلات جاری کی ہیں۔
شہریوں کو ہدایت کی گئی ہے کہ یونین کونسل سے کمپیوٹرائزڈ میرج سرٹیفکیٹ بنوانے کے بعد نادرا میں ازدواجی حیثیت لازماً تبدیل کرائیں تاکہ نادرا میں خاندان کی تشکیل کا درست ریکارڈ اپ ڈیٹ ہو جائے۔
نادرا میں ازدواجی حیثیت تبدیل کروانے کے بعد شادی شدہ جوڑے بچوں کے ب فارم اور شناختی کارڈ بنواتے وقت پریشانی سے بچ جائیں گے۔
اسکے علاوہ ازدواجی حیثیت کے مطابق پاسپورٹ حاصل کرنے میں آسانی ہوگی جبکہ ضرورت پڑنے پر شہری فیملی رجسٹریشن سرٹیفکیٹ اور جانشینی سرٹیفکیٹ بنوا سکیں گے۔
نادار نے شہریوں سے کہا ہے کہ ازدواجی حیثیت تبدیل کرانے کے لئے وہ نادرا دفتر تشریف لاسکتے ہیں پاک آئی ڈی موبائل ایپ کا استعمال کرسکتے ہیں۔
نیپرا نے بجلی 8 پیسے فی یونٹ مہنگی کردی، عوام پر اضافی بوجھ ڈالنے کی منظوری