وفاقی وزراء کی اہم پریس کانفرنس ، جیل کو توڑا تو ریاست پھر ردعمل دے گی
اشاعت کی تاریخ: 4th, December 2025 GMT
وفاقی وزیر قانون اعظم نذیر تارڑ نےکہا ہے کہ بانی پی ٹی آئی سزا یافتہ مجرم ہیں، ان کی ملاقاتیں جیل مینوئل کے تحت ہی ہوسکتی ہیں، اگر کسی نے جیل توڑنےکی کوشش کا سوچا بھی تو ریاست بھرپور ردعمل دےگی۔ اسلام آباد میں پریس کانفرنس کرتے ہوئے وزیر قانون اعظم نذیر تارڑ نےکہا کہ قیدی کو سیاسی گفتگو کرنے یا ملاقات کرنے والے کو ملاقات میں ہوئی بات پبلک میں کرنے کی اجازت نہیں، جیل میں ملاقات نگرانی کے بغیر نہیں ہوسکتی، قانون کے مطابق بانی پی ٹی آئی ہفتے میں ایک خط اور ایک ملاقات کرسکتے ہیں، اگر سپرنٹنڈنٹ جیل کو ملاقات سے نقض امن یا انتشار کا خدشہ ہو تو وہ ملاقات روک سکتا ہے۔ایک سوال کےجواب میں اعظم نذیر تارڑ کا کہنا تھا کہ اگر کسی نے جیل توڑنےکی کوشش کا سوچا بھی تو ریاست بھرپور ردعمل دےگی، اس حوالے سے ریاست کے پاس لیگل مکینزم بھی ہے اور ریاست کے پاس طاقت بھی ہوتی ہے، قانون کے مطابق کارروائی ہوگی۔ وفاقی وزیر قانون کا کہنا تھا کہ سپریم کورٹ کا حکم ہے سزا یافتہ قیدی پارٹی سربراہ نہیں رہ سکتا، آج جو قانون ہے یہ وہی ہے جو دہائیوں سے رائج الوقت ہے، نوازشریف، شہبازشریف اور مریم نواز کو ایک جیل میں رکھا گیا لیکن آپس میں ملاقات کی اجازت نہ تھی، وزیراعلیٰ کے پی کا یہ بیانیہ کہ ملاقات کرکے کابینہ بنانی ہے، یہ غیر قانونی ہے، رولز کےمطابق ملاقات میں سیاسی امور پر بات نہیں ہوسکتی، وکیل اور کلائنٹ کی ملاقات قانونی طور پر ضروری ہوتی ہے۔ان کا کہنا تھا کہ ایک طرف کہتے ہیں انصاف چاہیے، پارٹی کا نام تحریک انصاف رکھا ہوا ہے، اور خود ہی اس سے باہر جاتے ہیں، عدالتی فیصلے قانون کے مطابق ہوتے ہیں، سہیل آفریدی کہتے ہیں ایک سزا یافتہ سے مشاورت کرکےکابینہ بنانی ہے، یہ قانون سے مذاق ہوگا کہ جو بادشاہ نہیں بن سکتا وہ بادشاہ بنائے۔اعظم نذیر تارڑ کا مزید کہنا تھا کہ سات کمروں پر مشتمل پورا کمپلیکس ہے جو بانی پی ٹی آئی کو ملا ہوا ہے، بانی پی ٹی آئی کوان کی پسندکا کھانا دیا جاتا ہے، چیا سیڈز بھی مینو میں ہیں، باہر سے بھی کھانا آتا ہے۔
.ذریعہ: Nawaiwaqt
کلیدی لفظ: اعظم نذیر تارڑ کہنا تھا کہ بانی پی ٹی
پڑھیں:
حریت وفد کی تنویر الیاس سے ملاقات
ذرائع کے مطابق وفد نے سابق وزیراعظم کو مقبوضہ جموں و کشمیر کی سنگین اور بگڑتی ہوئی صورتحال پر تفصیلی بریفنگ دی اور انہیں انسانی حقوق کی بدترین خلاف ورزیوں اور مظلوم کشمیریوں کو درپیش مشکلات سے آگاہ کیا۔ اسلام ٹائمز۔ کل جماعتی حریت کانفرنس کی آزاد جموں و کشمیرشاخ کے ایک وفد نے کنونیر غلام محمد صفی کی قیادت میں آج اسلام آباد میں سابق وزیرِاعظم آزاد جموں و کشمیر سردار تنویر الیاس خان سے ان کے دفتر میں ملاقات کی۔ ذرائع کے مطابق وفد نے سابق وزیراعظم کو مقبوضہ جموں و کشمیر کی سنگین اور بگڑتی ہوئی صورتحال پر تفصیلی بریفنگ دی اور انہیں انسانی حقوق کی بدترین خلاف ورزیوں اور مظلوم کشمیریوں کو درپیش مشکلات سے آگاہ کیا۔ وفد نے انہیں درخواست کی کہ وہ تنازعہ کشمیر کے حل کے لئے قومی اور عالمی سطح پر اپنا کردار جاری رکھیں تاکہ اقوامِ متحدہ کی قراردادوں پر عملدرآمد کو یقینی بنایا جا سکے۔ حریت وفد نے کشمیر کاز کے لیے سردار تنویر الیاس کی قابلِ قدر خدمات اور مہاجرین کشمیر کی فلاح و بہبود کے لیے ان کی مسلسل کاوشوں کو سراہا۔ وفد نے انہیں 10 دسمبر 2025ء کو کوٹلی آزاد کشمیر میں احتجاجی مظاہرے میں خصوصی شرکت کی دعوت دی۔ سردار تنویر الیاس کو اسلام آباد اور مظفرآباد میں حریت کانفرنس کے ہیڈکوارٹرز کے دورے کی بھی دعوت دی گئی۔
سردار تنویر الیاس نے اس موقع پر کہا کہ کشمیر میری رگوں میں دوڑتا ہے۔ انہوں نے یقین دہانی کروائی کہ وہ کشمیر کاز کے لیے حریت کانفرنس کے شانہ بشانہ بھرپور کردار ادا کرتے رہیں گے۔ انہوں نے بہادر کشمیریوں کی لازوال قربانیوں کو خراجِ تحسین پیش کرتے ہوئے کہا کہ وہ بھارتی تسلط سے کشمیر کی آزادی تک کوئی کسر اٹھا نہ رکھیں گے۔
دریں اثناء یونائیٹڈ کشمیر جرنلسٹ ایسوسی ایشن کے ایک وفد نے آج اسلام آباد میں کل جماعتی حریت کانفرنس کی آزادکشمیر شاخ کے دفتر میں حریت قیادت سے ملاقات کی۔ ملاقات میں کنوینر غلام محمد صفی، جنرل سیکرٹری ایڈووکیٹ پرویز احمد، سیکریٹری اطلاعات مشتاق احمد بٹ اور دیگر رہنما شامل تھے۔ حریت قیادت نے وفد کو دفتر آمد پر خوش آمدید کہتے ہوئے کہا کہ آپ کشمیر کاز کو جس ذمہ داری اور موثر انداز میں اجاگر کر رہے ہیں وہ قابلِ تحسین ہے۔ انہوں نے کہا کہ کل جماعتی حریت کانفرنس اور یونائیٹڈ کشمیر جرنلسٹ ایسوسی ایشن کے درمیان قریبی ہم آہنگی وقت کی ضرورت ہے، کیونکہ آپ بھی ہماری طرح تحریک کے اہم اسٹیک ہولڈر ہیں۔ یونائیٹڈ کشمیر جرنلسٹ ایسوسی ایشن کے صدر ڈاکٹر اشرف وانی، جنرل سیکریٹری نعیم الاسد اور دیگر نمائندگان نے موجودہ صورتحال پر کل جماعتی حریت کانفرنس کو تفصیلی بریفنگ دی۔ انہوں نے کہا کشمیری صحافیوں کے ساتھ ساتھ دیگر قومی و بین الاقوامی میڈیا ہائوسز کے ساتھ روابط استوار کرنا ناگزیر ہے۔ انہوں نے کہا کل جماعتی حریت کانفرنس کو اپنا مضبوط میڈیا ونگ قائم کرنا چاہیے۔
کنوینر غلام محمد صفی نے وفد کا شکریہ ادا کرتے ہوئے کہا کہ کل جماعتی حریت کانفرنس محض ایک فورم ہے، لیکن ہمارا اصل مقصد تحریکِ آزادیِ کشمیر کو تقویت پہنچانا اور اسے عالمی سطح پر اجاگر کرنا ہے۔ انہوں نے کہا کہ ہم یونیورسٹیز، کالجز اور عوامی اجتماعات میں جا کر لوگوں کو مسئلہ کشمیر کی حقیقی صورتحال سے آگاہ کرتے رہتے ہیں۔ ہم مسئلہ کشمیر کا جامع اور پائیدار حل چاہتے ہیں۔ ہم قسطوں میں تقسیم شدہ حل کے قائل نہیں۔ ہمارا موقف سہ فریقی مذاکرات ہے، دوطرفہ مذاکرات مسئلے کا حل نہیں۔ ہم اس ملک کی ثالثی قبول نہیں کریں گے جو بھارت کا قریبی شراکت دار ہو۔ ثالثی صرف وہ ملک کرے جو غیر جانبدار ہو۔ انہوں نے کہا کہ ہم ترقیاتی پیکجز نہیں چاہتے، ہمیں صرف حقِ خودارادیت چاہیے۔
امریکا سے مزید 39 بنگلہ دیشی واپس، ہر فرد نے 30 سے 35 لاکھ ٹکا خرچ کیے