اٹلی کے قریب تارکین وطن کی دو کشتیاں ڈوب گئیں، پاکستانی شہری بھی سوار تھے
اشاعت کی تاریخ: 20th, October 2025 GMT
بحیرہ روم ایک بار پھر تارکین وطن کے لیے موت کا پیغام لے آیا—اٹلی کے ساحل کے قریب دو کشتیاں ڈوبنے کے واقعات میں متعدد جانیں ضائع ہوگئیں، جن میںپاکستانی شہری بھی شامل تھے۔
بین الاقوامی میڈیا رپورٹس کے مطابق ایک کشتی میں تقریباً 85 تارکین وطن سوار تھے جن کا تعلق پاکستان، اریٹیریا اور صومالیہ سے بتایا جا رہا ہے۔ کشتی حادثے میں اب تک 2 افراد کی ہلاکت کی تصدیق ہو چکی ہے، جبکہ11 افراد کو بچا لیا گیا ہے۔ درجنوں افراد تاحال لاپتہ ہیں اور ان کی تلاش کے لیے ریسکیو آپریشن جاری ہے۔
ایک اور کشتی، جس میں 35 افراد سوار تھے، وہ بھی حادثے کا شکار ہوئی۔ حکام کے مطابق اس حادثے میں 1 شخص ہلاک جبکہ 24 افراد لاپتہ ہو گئے ہیں۔
اقوام متحدہ کے جاری کردہ اعداد و شمار کے مطابق 2014 سے اب تک بحیرہ روم عبور کرنے کی کوشش میں32 ہزار سے زائد تارکین وطن اپنی جانوں سے ہاتھ دھو بیٹھے ہیں۔ صرف 2025 میں ہی 900 سے زیادہ افراد اس سمندری راستے میں لقمۂ اجل بن چکے ہیں۔
اس سے قبل بھی اسی طرح کا ایک دل دہلا دینے والا واقعہ پیش آیا تھا جب اٹلی کے جزیرے لامپیڈوسا کے قریب تارکین وطن کی ایک کشتی الٹ گئی تھی۔ اس کشتی میں تقریباً 100 افراد سوار تھے، جن میں سے 26 افراد ہلاک اورکئی لاپتہ ہو گئے تھے۔ اس واقعے میں زندہ بچنے والے افراد کو لامپیڈوسا کے پناہ گزین مرکز منتقل کیا گیا تھا۔
اٹلی میں اقوام متحدہ کے ادارہ برائے پناہ گزین (UNHCR) کے ترجمان فلیپو انگارو کے مطابق یہ واقعات ایک گہری انسانی المیہ کی عکاسی کرتے ہیں۔ انہوں نے کہا کہ اکثر تارکین وطن غیر محفوظ کشتیوں میں اپنی جان خطرے میں ڈال کر بہتر مستقبل کی تلاش میں نکلتے ہیں، لیکن ان میں سے بہت سے لوگ منزل تک پہنچنے سے پہلے ہی سمندر کی بے رحم موجوں کا شکار ہو جاتے ہیں۔
اطالوی کوسٹ گارڈز اور اقوام متحدہ کی ایجنسیاں دونوں واقعات کی نگرانی کر رہی ہیں، جبکہ ریسکیو ٹیمیں لاپتہ افراد کی تلاش میں مصروف ہیں۔ حکام کا کہنا ہے کہ ہلاکتوں کی تعداد میں اضافہ ہوسکتا ہے، کیونکہ یہ واضح نہیں کہ حادثے کے وقت تارکین وطن کتنے عرصے سے سمندر میں موجود تھے۔
ذریعہ
ذریعہ: Daily Mumtaz
کلیدی لفظ: تارکین وطن کے مطابق سوار تھے
پڑھیں:
عالمی منڈی میں تیل کی قیمتیں 100 ڈالر سے تجاوز کر گئیں
گزشتہ تین ہفتوں سے تیل کی قیمتوں میں مسلسل اضافہ دیکھنے میں آ رہا ہے، جبکہ آج کی ٹریڈنگ کے دوران برینٹ آئل کی قیمت میں اب تک تقریباً 6.5 فیصد اضافہ ریکارڈ کیا گیا۔ اسلام ٹائمز۔ عالمی منڈی میں خام تیل کی قیمتوں میں نمایاں اضافہ ریکارڈ کیا گیا ہے، جہاں برینٹ خام تیل کی قیمت 100 ڈالر فی بیرل کی سطح سے تجاوز کر گئی۔ عالمی ذرائع ابلاغ کی رپورٹوں کے مطابق گزشتہ تین ہفتوں سے تیل کی قیمتوں میں مسلسل اضافہ دیکھنے میں آ رہا ہے، جبکہ آج کی ٹریڈنگ کے دوران برینٹ آئل کی قیمت میں اب تک تقریباً 6.5 فیصد اضافہ ریکارڈ کیا گیا۔ رپورٹ کے مطابق ایران اور خطے کے خلاف امریکی فوجی کارروائیوں کے بعد آبنائے ہرمز اور باب المندب میں بحری نقل و حمل متاثر ہونے اور دوبارہ بندش کے خدشات نے عالمی منڈی میں تیل کی قیمتوں کو اوپر دھکیل دیا، جس کے باعث برینٹ خام تیل کی قیمت 100 ڈالر فی بیرل سے تجاوز کر گئی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی