خیبرپختونخوا پولیس کو دی گئیں بلٹ پروف گاڑیوں کی اندرونی کہانی سامنے آگئی
اشاعت کی تاریخ: 22nd, October 2025 GMT
خیبرپختونخوا پولیس کو دی گئیں بلٹ پروف گاڑیوں کی اندرونی کہانی سامنے آگئی۔
ذرائع کے مطابق پولیس کو بلٹ پروف گاڑیاں دینے کا فیصلہ وفاقی وزیر داخلہ محسن نقوی کی زیر صدارت اجلاس میں ہوا تھا۔ فیڈرل کانسٹیبلری اور پولیس حکام نے وزیر داخلہ کو صوبے میں افسران کو درپیش خطرات سے آگاہ کیا تھا۔
اس حوالے سے ذرائع کا کہنا ہے کہ فیڈرل کانسٹیبلری اور پولیس نے وفاقی وزیر داخلہ سے بلٹ پروف گاڑیوں کا مطالبہ کیا تھا۔
وزیراعلیٰ بلوچستان سرفراز بگٹی نے بلٹ پروف گاڑیاں بلوچستان کو دینے کی درخواست کی تھی۔
ذرائع کے مطابق فیڈرل کانسٹیبلری کو جنوبی اضلاع کے لیے 10 بلٹ پروف گاڑیاں درکار ہیں، وفاقی وزیر داخلہ محسن نقوی نے فیڈرل کانسٹیبلری اور پولیس کو گاڑیاں دینے کی یقین دہانی کرائی تھی۔
ذرائع کا کہنا ہے کہ کے پی پولیس کو 3 بلٹ پروف گاڑیاں جبکہ فیڈرل کانسٹیبلری کو 2 گاڑیاں ملنی تھیں، فیڈرل کانسٹیبلری کو 10 ماہ قبل بھی3 بلٹ پروف گاڑیاں مل چکی ہیں۔
واضح رہے کہ وفاقی وزیر داخلہ محسن نقوی نےچند روز قبل کے پی پولیس کو 3 بلٹ پروف گاڑیاں دی تھیں۔
وزیراعلیٰ خیبر پختونخوا سہیل آفریدی نے وفاقی وزیر داخلہ کی جانب سے پولیس کو دی گئیں بلٹ پروف گاڑیاں واپس کرنے کی ہدایت کردی تھی۔
.ذریعہ: Jang News
کلیدی لفظ: وزیر داخلہ محسن نقوی فیڈرل کانسٹیبلری وفاقی وزیر داخلہ بلٹ پروف گاڑیاں گئیں بلٹ پروف پولیس کو
پڑھیں:
طلال چوہدری نے کے پی حکومت کی جانب سے بلٹ پروف گاڑیاں واپس کرنے کا فیصلہ بچگانہ قرار دیدیا
وفاقی وزیر مملکت برائے داخلہ سینیٹر طلال چوہدری نے خیبرپختونخوا حکومت کے بلٹ پروف گاڑیاں واپس کرنے کے فیصلے کو غیر سنجیدہ اور بچگانہ اقدام قرار دیتے ہوئے کہا ہے کہ نابالغ سوچ نے پولیس افسران اور جوانوں کی جانوں کو غیر ضروری خطرات سے دوچار کر دیا ہے۔
اپنے ایک ویڈیو پیغام میں سینیٹر طلال چوہدری نے کہاکہ وفاقی حکومت اور وزارت داخلہ خیبرپختونخوا حکومت کو دہشتگردی کے مکمل خاتمے کے لیے تمام تر وسائل فراہم کر رہی ہے، اور یہ صرف دعویٰ نہیں بلکہ عملی اقدامات کے ذریعے ثابت بھی کیا جا رہا ہے۔
انہوں نے کہاکہ ایسے وزیراعلیٰ جو اس نوعیت کے فیصلے کریں، ان سے نہ صرف پولیس افسران اور اہلکار بلکہ عوام کو بھی سوال کرنا چاہیے کہ جب دہشتگرد جدید اسلحے سے لیس ہیں تو پولیس کے لیے بلٹ پروف گاڑیاں نہ لینا غفلت اور نااہلی کی علامت نہیں تو اور کیا ہے۔
سینیٹر طلال چوہدری کے مطابق یہ فیصلہ محض بچگانہ نہیں بلکہ انتہائی غیر دانشمندانہ اور افسوسناک ہے، جس کے باعث پولیس افسران اور جوانوں کے لیے خطرات میں اضافہ ہو گیا ہے۔
انہوں نے کہاکہ دہشتگردی کے خلاف جنگ بہرحال جاری رہے گی، اور وفاق خیبرپختونخوا پولیس سمیت تمام اداروں کو ہر ممکن سہولت اور مدد فراہم کرے گا تاکہ دہشتگردوں کا مکمل خاتمہ یقینی بنایا جا سکے۔
وزیرِ مملکت نے مزید دعویٰ کیا کہ وفاقی حکومت اب تک خیبرپختونخوا کو 600 ارب روپے سے زیادہ رقم دے چکی ہے، لیکن صوبائی حکومت اس رقم کا حساب پیش کرنے میں ناکام رہی ہے۔
ان کے بقول، خیبرپختونخوا پولیس کو عالمی معیار کی بلٹ پروف گاڑیاں دہشتگردی کے خلاف آپریشنز میں استعمال کے لیے فراہم کی گئی تھیں، جن کا مقصد پولیس اہلکاروں کا تحفظ یقینی بنانا تھا۔
طلال چوہدری نے افسوس کا اظہار کرتے ہوئے کہا کہ وزیراعلیٰ سہیل آفریدی نے وفاقی حکومت کی جانب سے دی گئی بلٹ پروف گاڑیاں واپس کرنے کا فیصلہ کر کے پولیس اہلکاروں کو دہشتگردوں کے رحم و کرم پر چھوڑ دیا ہے۔
یاد رہے کہ اس سے قبل وزیراعلیٰ خیبرپختونخوا سہیل آفریدی نے وفاقی وزیرِ داخلہ محسن نقوی کی جانب سے صوبائی پولیس کو فراہم کی گئی بلٹ پروف گاڑیاں واپس کرنے کا حکم دیا تھا۔
ان کا مؤقف تھا کہ وفاق کی جانب سے دی گئی یہ گاڑیاں ناقص اور پرانی ہیں، جو خیبرپختونخوا پولیس کی توہین کے مترادف ہے، اس لیے انہیں فوراً وفاق کو واپس کر دیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلٹ پروف گاڑیوں کی واپسی سہیل آفریدی طلال چوہدری فیصلہ بچگانہ وزیر مملکت داخلہ وزیراعلیٰ خیبرپختونخوا وی نیوز
پاکستان ریلوے نے ٹرینوں کے اوقات تبدیل کردیے