کاظم میثم کی شاندار انٹری اور ایم ڈبلیو ایم کو درپیش چیلنجز، ویڈیو رپورٹ
اشاعت کی تاریخ: 30th, November 2025 GMT
اسلام ٹائمز: عوامی مقبولیت کے باؤجود ایم ڈبلیو ایم کو سکردو حلقہ دو کی سیٹ کو بچانا اہم چیلنج ہوگا۔ وفاق میں نون لیگ کی حکومت ہے، جس کو پیپلز پارٹی کی سپورٹ حاصل ہے۔ ایسے میں وفاقی حکومت کا نفسیاتی دباؤ اور پھر تحریک انصاف کی اتحادی ہونے کے ناطے ایم ڈبلیو ایم کو دوہرے امتحان کا سامنا ہوگا۔ متعلقہ فائیلیںرپورٹ: لیاقت علی انجم
گلگت بلتستان اسمبلی کی مدت پوری ہونے کے بعد واپس اپنے حلقے پہنچنے پر ایم ڈبلیو ایم کے سابق رکن اسمبلی و اپوزیشن لیڈر کاظم میثم کے شاندار استقبال نے سکردو کی سیاست میں ہلچل مچا دی۔ کاظم میثم اور ان کے رفقاء گلگت سے سکردو پہنچے تو جگہ جگہ ان کا والہانہ استقبال کیا گیا۔ روندو سے لے کر سکردو پھر اپنے حلقے تک عوام کی اچھی خاصی تعداد نے کاظم میثم اور دیگر ممبران کو خوش آمدید کہا اور پھولوں کے ہار پہنائے۔ گمبہ سکردو میں مالک اشتر چوک پر بڑا جلسہ بھی ہوا۔ بعد ازاں سکردو میں استقبالیہ تقریب بھی منعقد ہوئی، جہاں ایم ڈبلیو ایم کے سابق اراکین اسمبلی نے اپنی کارکردگی اور اپنے آئندہ کے لائحہ عمل کے بارے میں آگاہ کیا۔ یہ استقبال کاظم میثم کا غیر متوقع پاور شو تھا۔ روندو سے لے کر سکردو میں اپنے حلقہ پہنچنے تک جگہ جگہ پر ان کے والہانہ استقبال کے بعد سکردو کی پیچیدہ سیاست میں نیا موڑ آگیا ہے اور گلگت بلتستان کے آئندہ انتخابات مزید دلچسپ ہوگئے ہیں۔ مزید تفصیلات آپ اس ویڈیو رپورٹ میں جان سکیں گے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ
ذریعہ: Islam Times
کلیدی لفظ: ایم ڈبلیو ایم کاظم میثم
پڑھیں:
صدر زرداری کی اٹلی کے صدر ور عوام کو یومِ جمہوریہ پر مبارکباد
اسلام آباد (اُردو پوائنٹ اخبارتازہ ترین - این این آئی۔ 02 جون2026ء) صدر مملکت آصف علی زرداری نے اٹلی کے صدر سرجیو میتاریلا اور اٹلی کے عوام کو یومِ جمہوریہ پر مبارکباد دیتے ہوئے اس یقین کا اظہار کیا ہے کہ آنے والے برسوں میں پاکستان اور اٹلی کے درمیان دوطرفہ تعلقات مزید فروغ پائیں گے۔(جاری ہے)
منگل کو ایوانِ صدر کے پریس ونگ کے مطابق صدر مملکت نے اپنے تہنیتی پیغام میں کہا کہ پاکستان اٹلی کے ساتھ اپنے دیرینہ دوستانہ تعلقات کو انتہائی قدر کی نگاہ سے دیکھتا ہے جو کہ باہمی اعتماد، تعاون اور امن و خوشحالی کے لیے مشترکہ عزم پر مبنی ہیں۔
انہوں نے اس یقین کا اظہار کیا کہ آنے والے برسوں میں یہ دوطرفہ تعلقات مزید فروغ پائیں گے۔ صدر آصف علی زرداری نے کہا کہ پاکستان یورپی یونین کے ساتھ اپنے روابط کو بہت اہمیت دیتا ہے اور بین الاقوامی تعاون، مذاکرات اور امن و استحکام کے فروغ کے لیے یورپی یونین میں اٹلی کے تعمیری کردار کو انتہائی سراہتا ہے۔ انہوں نے باہمی دلچسپی کے شعبوں میں پاکستان اور یورپی یونین کے تعلقات کو مزید مستحکم کرنے کے لیے پاکستان کے عزم کا اعادہ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ