اترپردیش میں حلال مصنوعات کی فروخت پر پابندی، آر ایس ایس کی صد سالہ تقریت میں اعلان
اشاعت کی تاریخ: 22nd, October 2025 GMT
وزیراعلٰی نے کہا کہ جب اپوزیشن پارٹیوں نے مندر کی تعمیر پر سوال اٹھایا تو آر ایس ایس کے رضاکار لاٹھی چارج اور گولیوں کا سامنا کرنے کے بعد بھی پُرعزم رہے، آر ایس ایس کی محنت کا نتیجہ ہے کہ آج ایودھیا میں ایک شاندار رام مندر کھڑا ہے۔ اسلام ٹائمز۔ اترپردیش کے وزیراعلٰی یوگی آدتیہ ناتھ نے گورکھپور میں منعقدہ آر ایس ایس کی صد سالہ تقریبات میں بڑا بیان دیا۔ انہوں نے لوگوں سے اپیل کی کہ وہ حلال سے تصدیق شدہ مصنوعات نہ خریدیں۔ یوگی نے واضح طور پر کہا کہ اترپردیش کی بی جے پی حکومت نے اس طرح کی مصنوعات کی فروخت پر پابندی لگا دی ہے کیونکہ بقول انکے اس سے حاصل ہونے والی رقم کا استعمال دہشت گردی، جبری تبدیلی مذہب اور لو جہاد جیسی سرگرمیوں کے لیے کیا جا رہا ہے۔ اس تناظر میں یوگی نے کہا کہ جب بھی آپ کوئی چیز خریدیں، اس بات کو یقینی بنائیں کہ اس میں حلال سرٹیفیکیشن نہ ہو۔ یوگی نے دعویٰ کیا کہ صابن، کپڑوں اور ماچس جیسی اشیاء کو بھی اب حلال کا لیبل لگایا جا رہا ہے، جس سے سالانہ 25,000 کروڑ کی آمدنی ہوتی ہے، حالانکہ اس سرٹیفیکیشن کی کوئی سرکاری شناخت نہیں ہے۔
اسی تقریب میں انہوں نے "سیاسی اسلام" کو ملک کے لئے ایک بڑا نظریاتی خطرہ بھی قرار دیا۔ یوگی نے کہا کہ تاریخ میں برطانوی اور فرانسیسی نو آبادیاتی نظام پر تو چرچا ہوتی ہے، لیکن سیاسی اسلام کو نظرانداز کیا گیا ہے، جبکہ اس نے سناتن دھرم کو بہت زیادہ نقصان پہنچایا ہے۔ انہوں نے چھترپتی شیواجی مہاراج، گرو گوبند سنگھ، مہارانا پرتاپ، اور مہارانہ سانگا جیسے جنگجوؤں کا حوالہ دیتے ہوئے کہا کہ ان سب نے سیاسی اسلام کے خلاف جنگیں لڑی، لیکن تاریخ میں اس پہلو کو بہت کم جگہ دی گئی ہے۔ یوگی نے رام مندر کی تعمیر میں آر ایس ایس کے رول کی بھی تعریف کی۔ انہوں نے کہا کہ جب اپوزیشن پارٹیوں نے مندر کی تعمیر پر سوال اٹھایا تو آر ایس ایس کے رضاکار لاٹھی چارج اور گولیوں کا سامنا کرنے کے بعد بھی پُرعزم رہے۔ انہوں نے کہا کہ آر ایس ایس کی محنت کا نتیجہ ہے کہ آج ایودھیا میں ایک شاندار رام مندر کھڑا ہے۔
ذریعہ
ذریعہ: Islam Times
کلیدی لفظ: آر ایس ایس کی نے کہا کہ انہوں نے یوگی نے
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی