لیاقت پور، مجلس وحدت مسلمین جنوبی پنجاب کے زیراہتمام سیلاب متاثرین میں خیمے تقسیم
اشاعت کی تاریخ: 22nd, October 2025 GMT
ایم ڈبلیو ایم کے رہنما سید علی رضا زیدی نے کہا کہ مجلس وحدت مسلمین بلاتفریق سیلاب متاثرین کی امداد کے لیے کوشاں ہے، مصیبت کی اس گھڑی میں بے سہارا لوگوں کو تنہا نہیں چھوڑیں گے۔ اسلام ٹائمز۔ مجلس وحدت مسلمین جنوبی پنجاب کے زیراہتمام رحیمیار خان کی تحصیل لیاقت پور میں سیلاب متاثرین میں امدادی سرگرمیاں جاری ہیں، سیلاب کے باعث بے گھر ہونے والے 30خاندانوں میں خیمے تقسیم کیے گئے، اس موقع پر ممبر صوبائی ورکنگ کمیٹی مجلس وحدت مسلمین جنوبی پنجاب سید علی رضا زیدی اور دیگر موجود تھے۔ ایم ڈبلیو ایم کے رہنما سید علی رضا زیدی نے کہا کہ مجلس وحدت مسلمین بلاتفریق سیلاب متاثرین کی امداد کے لیے کوشاں ہے، مصیبت کی اس گھڑی میں بے سہارا لوگوں کو تنہا نہیں چھوڑیں گے۔
.ذریعہ: Islam Times
پڑھیں:
آزاد کشمیر حکومت کا بڑا فیصلہ: منگلا ڈیم متاثرین کے بجلی کے تمام بقایا جات معاف
آزاد کشمیر حکومت نے منگلا ڈیم توسیعی منصوبے کے متاثرین کے لیے ایک بڑا اور دیرینہ مطالبہ پورا کرتے ہوئے ان کے بجلی کے تمام بقایا جات معاف کر دیے ہیں۔
محکمہ توانائی و آبی وسائل آزاد کشمیر کی جانب سے جاری نوٹیفکیشن کے مطابق اس فیصلے سے مجموعی طور پر 2,376 متاثرہ گھرانے مستفید ہوں گے، جنہیں کئی برسوں سے جمع شدہ بجلی کے بلوں کا بوجھ اٹھانا پڑ رہا تھا۔
یہ بھی پڑھیں: ہیلتھ کارڈ کا اجرا، طلبہ یونین کی بحالی، آزاد کشمیر کابینہ نے اہم فیصلوں کی منظوری دے دی
نوٹیفکیشن میں بتایا گیا ہے کہ بقایا بلات کی معافی کی مجموعی رقم 13 کروڑ 91 لاکھ 70 ہزار روپے بنتی ہے، جو متاثرین کے لیے معاشی ریلیف کا بڑا ذریعہ ثابت ہوگی۔
حکومت نے متعلقہ محکموں کو ہدایت کی ہے کہ معافی کے اس فیصلے پر فوری طور پر عمل درآمد یقینی بنایا جائے، اور متاثرین کے بجلی میٹرز پر موجود تمام پرانے بقایا جات کو صفر کر دیا جائے۔
مزید پڑھیں: شہباز شریف کا آزاد کشمیر کی ترقی کے لیے مکمل تعاون کے عزم کا اظہار
منگلا ڈیم کی توسیع اور بلندی میں اضافے کے منصوبوں کے باعث ہزاروں خاندانوں کو برسوں قبل نقل مکانی کرنا پڑی تھی۔
متاثرین کئی دہائیوں سے بجلی کے بلوں میں رعایت اور بقایا جات کی معافی کا مطالبہ کر رہے تھے، جسے بالآخر حکومتِ آزاد کشمیر نے منظور کرلیا۔
حکومتی ذرائع کے مطابق اس اقدام کا مقصد اُن خاندانوں کی مالی مشکلات کم کرنا ہے جو ڈیم منصوبوں کے اثرات سے سب سے زیادہ متاثر ہوئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد کشمیر بجلی بقایاجات رعایت ریلیف متاثرین منگلا ڈیم میٹر نقل مکانی
کراچی، منشیات کی بھاری مقدار برآمد،14 ملزمان گرفتار