خوش آئند بات ہوگی کہ آئندہ سال ریسکیو ٹیموں میں 30 سے 40 فیصد خواتین نظر آئیں: احسن اقبال
اشاعت کی تاریخ: 20th, October 2025 GMT
---فائل فوٹو
وفاقی وزیرِ منصوبہ بندی احسن اقبال نے کہا ہے کہ سیلاب میں 1122 کے جوانوں نے دن رات اپنے فرائض انجام دیے، قوم کی بیٹیوں نے بھی ثابت کر دیا ہے کہ وہ قوم کے بیٹوں سے کسی بھی طرح پیچھے نہیں، زیادہ خوشی اس پر ہوگی کہ آئندہ سال اسی طرح ٹیموں میں 30 سے 40 فیصد خواتین نظر آئیں۔
وفاقی وزیرِ منصوبہ نے نیشنل ریسکیو چیلنج کی افتتاحی تقریب سے خطاب کے دوران کہا کہ وزیرِ اعظم نے آج اہم میٹنگ بلائی ہے لیکن میں وہاں سے رخصت لے کر یہاں آیا ہوں، میرے ضلع کی طرف سے بھی مجھ پر قرض تھا کہ آج میں آ کر کہوں تھینک یو 1122۔
احسن اقبال کا کہنا تھا کہ سیلاب کے دوران ریسکیو 1122 کے جوانوں نے کشتیوں میں لوگوں کو ریسکیو کیا، مزید خواتین کو ریسکیو میں شامل کرنا چاہیے کہ آدھی آبادی خواتین پر مشتمل ہے، قوم کی بیٹیاں زیادہ تر شعبوں میں قوم کے بیٹوں سے آگے بڑھ کر کام کر رہی ہیں۔
انہوں نے مزید کہا کہ ریسکیو 1122 کا ادارہ سیلاب متاثرین کے لیے امید کی کرن بنا، ریسکیو 1122 کی خدمات کو فراموش نہیں کیا جا سکتا، ریسکیو 1122 مسلسل خوب سے خوب تر کی تلاش میں بلندیوں کو چھوتا چلا جاتا ہے، نارووال میں سیلاب کے دوران امدادی کارروائیوں کا خود مشاہدہ کیا، ریسکیو میں شامل خواتین اہلکاروں نے سیلاب میں اپنی صلاحیتوں کو بھرپور طریقے سے اُجاگر کیا۔
احسن اقبال کا کہنا تھا کہ ریسکیو 1122 کا ادارہ اپنے نظام کے تحت چلتا ہے، فنی یا فنکشنل خودمختاری کی وجہ سے ریسکیو 1122 کو پھلنے پھولنے کا موقع ملا ہے، ہمارا دین سکھاتا ہے کہ ایک جان کو بچانا پوری انسانیت کو بچانے کے برابر ہے، ہمارے ریسکیورز روز کئی جانوں کو بچا کر انسانیت کو بچاتے ہیں۔
اِن کا کہنا تھا کہ 2008ء میں مجھ پر قاتلانہ حملہ ہوا تو ریسکیو 1122 نے ہی مجھے اسپتال پہنچایا۔
احسن اقبال نے کہا کہ ایٹمی دھماکے کیے تو ڈاکٹر عبدالقدیر اہم منصوبے کے لیے میرے پاس آئے، میں نے ان سے پوچھا کہ ہم نے ایٹمی طاقت حاصل کی کوئی ملک ہمارے ساتھ نہیں تھا؟ کسی طرف سے بھی ہمیں کوئی امداد نہیں ملی کسی نے ہمیں سپورٹ نہیں کیا؟ میں نے پوچھا تو پھر آپ نے کیسے اکیلے تن تنہا یہ کامیابی حاصل کی؟ ڈاکٹرعبدالقدیرنے کامیابی کا جو فارمولا شیئر کیا وہی فارمولا مجھے ریسکیو کے ادارے میں نظر آتا ہے، فارمولہ یہ ہے کہ ادارے کا سیکیورٹی گارڈ، ڈرائیور تک لوگ اپنے آپ کو ایک مشن کا حصہ سمجھتا تھا۔
.
ذریعہ
ذریعہ: Jang News
کلیدی لفظ: احسن اقبال ریسکیو 1122 تھا کہ
پڑھیں:
مومنہ اقبال کے شوہر کون، تفصیلات سامنے آگئیں
پاکستانی اداکارہ مومنہ اقبال کے شوہر حمزہ حبیب کی تفصیلات سامنے آگئی ہیں۔ پاکستان کے مقبول ڈراموں میں اداکاری کے جوہر دکھانے والی مومنہ اقبال حال ہی میں رشتہ ازدواج میں منسلک ہوئی ہیں۔ لاہور میں ان کی دعائے خیر ، مہندی ، مایوں اور نکاح کی تقریبات منعقد ہو چکی ہیں جن کی تصاویر اور ویڈیوز سوشل میڈیا پر خوب وائرل ہیں۔ میڈیا رپورٹس کے مطابق مومنہ اقبال کے دلہا حمزہ حبیب کا تعلق لاہور سے ہے، وہ کامیاب اور مالی طور پر مستحکم کاروباری شخصیت ہیں تاہم وہ ہمیشہ میڈیا کی نظروں سے دور رہے۔ حالیہ دنوں میں مومنہ اقبال کو (ن ) لیگی ایم پی اے ثاقب چدھڑ کی جانب سے مبینہ ہراسانی اور دھمکیوں کے معاملے پر حمزہ حبیب اپنی اہلیہ کی حمایت میں سامنے آنے کے بعد خبروں کا مرکز بن گئے۔ حمزہ حبیب کے مطابق ان کی اور مومنہ اقبال کی منگنی خاندانوں کی باہمی رضامندی سے ہوئی جب کہ دونوں خاندانوں کے درمیان دیرینہ دوستانہ تعلقات بھی ہیں۔ جوڑے نے مئی 2026 کے آخر میں ایک نجی تقریب میں نکاح کیا تھا۔ اس سے قبل اداکارہ مومنہ اقبال نے اپنی سوشل میڈیا سٹوری کے ذریعے انکشاف کیا تھا کہ ایک بااثر سیاسی شخصیت کی جانب سے انہیں اور ان کی فیملی کو جان سے مارنے کی دھمکیاں دی جارہی ہیں۔ جس پر نیشنل سائبر کرائم انویسٹی گیشن ایجنسی اپنی تحقیقات کررہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ