پاک فوج، فیلڈ مارشل کے خلاف بات کرنیوالوں کی زبان نکال کر جوتے کی سول بنائی جائے گی، فیصل واوڈا
اشاعت کی تاریخ: 4th, December 2025 GMT
سینیٹر فیصل واوڈا نے کہا ہے کہ پاک فوج اور فیلڈ مارشل کے خلاف بات کرنے والوں کی زبان نکال کر جوتے کی سول بنائی جائے گی۔
نجی ٹی وی سے گفتگو کرتے ہوئے سینیٹر فیصل واوڈا نے کہا کہ کچھ لوگ جو ملک کے دشمن ہیں، ملکی افواج اور سپہ سالار کے دشمن ہیں، خواہ وہ ملک میں ہوں یا ملک سے باہر ہوں، بارڈر کے باہر ہوں یا اندر، ان کو جواب کل یا پرسوں ریاست خود دے گی۔
یہ بھی پڑھیں: گورنر راج حقیقت بن سکتا ہے، فیصل واوڈا نے سہیل آفریدی کو خبردار کردیا
فیصل واوڈا نے کہا کہ آج دشمنوں کے لیے ایک زبردست معرکہ ہوا ہے، اندرونی اور بیرونی دشمنوں کو پتہ چل گیا کہ جس نے جنگ جیتی، بشمول فیلڈ مارشل سید عاصم منیر، ایئرچیف و نیول چیف، اب اگر فوج یا سپہ سالار کے خلاف کوئی بات ہوگی تو زبان نکال کر جوتے کی سول بنائیں گے۔
انہوں نے کہا کہ چیف آف ڈیفنس فورسز کے حوالے سے جو بات انہوں نے کل کی تھی، اس کے مطابق خبر آ گئی ہے، جس پر پوری قوم کو مبارک ہو۔
ان کا کہنا تھا کہ میں نے جو دیگر باتیں کہی ہیں وہ بھی آگے سچ ثابت ہوں گی، چیفس آف ڈیفنس فورسز کے حوالے سے پروپیگنڈا کیا گیا، افغانستان سے لے کر انڈیا تک ڈھول بجایا جاتا رہا، اب ڈھول بجانے والوں کا ڈھول بجنے کا وقت شروع ہو گیا ہے۔
یہ بھی پڑھیں: 27ویں آئینی ترمیم پاس ہوچکی، 28ویں ترمیم کی بات کریں، سینیٹر فیصل واوڈا کا دعویٰ
انہوں نے مزید کہا کہ اب 9 مئی کے کیسز منطقی انجام تک پہنچیں گے، بھگوڑوں کو بھی پکڑا جائے گا، کے پی کے میں جو کیڑے مکوڑے ڈر کے چھپے بیٹھے ہیں، ان کو بھی باہر نکالا جائے گا، جو کل گاڑی چھاپ تھے آج کل انفارمیشن سیکریٹری بنے ہوئے ہیں۔
فیصل واوڈا نے کہا کہ میری خواہش ہے کہ خیبرپختونخوا حکومت جمہوری طریقے سے چلے اور وہاں گورنر راج نہ لگے۔ اگر گورنر راج لگے گا تو وہاں کچھ نہیں بچے گا۔ میں نے تو بتا دیا تھا کہ نااہلی ہونے والی ہے، وہ کیسز آج ہو گئے۔ میں نے کہا تھا کہ ملاقات نہیں ہوگی، وہ نہیں ہوئی۔ میں نے کہا تھا کہ بدمعاشی ہوگی تو حکومت رٹ قائم ہوگی۔ انہوں نے بدمعاشی نہیں کی اور وہاں سے چلے گئے۔
ان کا کہنا تھا کہ وہ وزیراعلیٰ خیبرپختونخوا سہیل آفریدی سے کہنا چاہیں گے کہ وہ اپنی نئی ٹیم کے ساتھ جمہوری راستے پر چلیں، ہر چیز کا جواب جمہوری راستے سے تلاش کریں۔ اگر انہوں نے ان لوگوں کو ساتھ رکھا جو عمران خان کو اس حالت میں لے گئے اور مزید آگے لے جائیں گے تو میں انہیں کہوں گا کہ ان لوگوں سے دور رہیں۔
یہ بھی پڑھیں: اسلام آباد میں احتجاج کیا تو پارٹی پر پابندی اور کے پی میں گورنر راج، فیصل واوڈا نے پی ٹی آئی کو خبردار کردیا
انہوں نے کہا کہ بانی پی ٹی آئی مزید مشکل میں جائیں گے۔ مجھے امید ہے کہ کے پی حکومت وہ غلطی نہ کر بیٹھے جس سے صوبے میں حکومت ہاتھ سے نکل جائے اور کچھ بھی نہ بچے۔ اگر کے پی کے عوام کو امان مل گئی، ڈیویلپمنٹ مل گئی اور 9 مئی کے بھگوڑوں کی پکڑ دھکڑ بھی شروع ہوگی تو یہ بیانیہ بھی ختم ہوجائے گا کہ خیبرپختونخوا میں پی ٹی آئی کا ہولڈ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاک فوج پاکستان سہیل آفریدی سینیٹر عاصم منیر عمران خان فیصل واوڈا فیلڈ مارشل.
ذریعہ
ذریعہ: WE News
کلیدی لفظ: پاک فوج پاکستان سہیل ا فریدی سینیٹر فیصل واوڈا فیلڈ مارشل فیصل واوڈا نے کہا فیلڈ مارشل گورنر راج نے کہا کہ انہوں نے تھا کہ یہ بھی
پڑھیں:
حکومت نے نیشنل امیگریشن اینڈ ویلفیئر پالیسی 2026 کا اجرا کر دیا
وفاقی وزیر اوورسیز پاکستانیز چوہدری سالک حسین نے نیشنل امیگریشن اینڈ ویلفیئر پالیسی 2026 کا اجرا کر دیا۔تقریب سے خطاب کرتے ہوئے انہوں نے کہا کہ آج کا دن پاکستان میں لیبر مائیگریشن کے نظم و نسق کو مضبوط بنانے کی جانب ایک اہم سنگ میل ہے۔ یہ پالیسی ہر اس پاکستانی سے کیے گئے قومی عزم کی عکاس ہے جو بہتر مواقع کی تلاش میں اپنا گھر چھوڑتا ہے۔انہوں نے کہا کہ محفوظ اور منظم نقل مکانی، مہارتوں کی ترقی، کارکنوں کا تحفظ، تارکینِ وطن کی شمولیت اور وطن واپس آنے والوں کی بحالی اس پالیسی کے بنیادی ستون ہیں۔ تکنیکی جدت، آبادیاتی تبدیلیاں اور لیبر مارکیٹ کے بدلتے ہوئے تقاضے دنیا بھر کی معیشتوں کو نئی شکل دے رہے ہیں. اس لیے پاکستان کو اپنی افرادی قوت کو آج اور مستقبل دونوں کے مواقع کے لیے تیار کرنا ہوگا۔ ان کا کہنا تھا کہ نیشنل امیگریشن اینڈ ویلفیئر پالیسی 2026 اس سمت میں ایک اہم قدم اور پاکستان کی افرادی قوت کو مستقبل کے تقاضوں سے ہم آہنگ کرنے میں سنگ میل ثابت ہوگی۔چوہدری سالک حسین نے کہا کہ ایک کروڑ 20 لاکھ پاکستانی دنیا بھر میں مقیم ہیں اور اپنی پیشہ ورانہ مہارت، دیانت داری اور محنت کی بدولت پاکستان کے سفیر بن چکے ہیں۔ گزشتہ مالی سال میں سمندر پار پاکستانیوں نے 41 ارب امریکی ڈالر سے زائد کی ترسیلاتِ زر وطن بھیجیں، جو ملکی تاریخ کی بلند ترین رقم ہے۔ انہوں نے کہا کہ بیرون ملک مقیم پاکستانیوں کی کامیابی پاکستان کی کامیابی ہے اور ان کی فلاح و بہبود ہماری قومی ذمہ داری ہے۔انہوں نے کہا کہ یہ پالیسی اداروں، تجربات اور شراکت داریوں کو ایک مشترکہ وژن کے تحت یکجا کرتی ہے تاکہ ہر پاکستانی کارکن نقل مکانی کے پورے سفر کے دوران بہتر طور پر تیار، محفوظ اور معاونت یافتہ ہو۔ اس پالیسی کا محور ہر اس پاکستانی کا سفر ہے جو مواقع کی تلاش میں اپنا گھر چھوڑتا ہے، جبکہ ذمہ داری روانگی سے پہلے ہی شروع ہو جاتی ہے، جہاں نوجوان کارکنوں کو متعلقہ مہارتیں، قابلِ اعتماد معلومات اور اخلاقی بھرتی تک رسائی فراہم کی جائے گی۔وفاقی وزیر نے کہا کہ اس پالیسی کی کامیابی وفاقی اور صوبائی حکومتوں، نفاذ کرنے والے اداروں، آجروں، تربیتی اداروں، ترقیاتی شراکت داروں، نجی شعبے اور سمندر پار پاکستانیوں کے باہمی تعاون سے مشروط ہے۔ انہوں نے صوبائی حکومتوں، آئی سی ایم پی ڈی (ICMPD)، دیگر ترقیاتی شراکت داروں اور تمام اسٹیک ہولڈرز کا مشاورتی عمل میں تعاون پر شکریہ ادا کیا، جبکہ اسپیشل انویسٹمنٹ فیسیلیٹیشن کونسل (SIFC) کی مسلسل معاونت کو بھی سراہا۔انہوں نے کہا کہ ہجرت یا نقل مکانی غیر یقینی کا سفر نہیں بلکہ مواقع، وقار اور قومی ترقی کا راستہ ہونا چاہیے۔ آئیں مل کر ایسا مستقبل بنائیں جہاں ہر پاکستانی اعتماد کے ساتھ بیرون ملک جائے، فخر کے ساتھ وطن واپس آئے اور ہمیشہ ایک ایسی قوم سے جڑا رہے جو اس کی خدمات کی قدر اور عزت کرتی ہو۔ انہوں نے دعا کی کہ اللہ تعالیٰ اس وژن کو عوام کے لیے بامعنی ترقی، پاکستان کے لیے دیرپا خوشحالی اور ہر سمندر پار پاکستانی اور اس کے خاندان کے روشن مستقبل کا ذریعہ بنائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار