سعد رضوی اور ان کے بھائی کے بہت قریب ہیں، جلد قانون کی گرفت ہوں گے: عظمیٰ بخاری
اشاعت کی تاریخ: 22nd, October 2025 GMT
وزیرِ اطلاعات پنجاب عظمیٰ بخاری نے کہا کہ کالعدم ٹی ایل پی کے سربراہ سعد رضوی اور ان کے بھائی کہاں موجود ہیں، معلوم ہے؛ ہم ان کے بہت قریب ہیں اور وہ جلد قانون کی گرفت میں ہوں گے۔
نجی ٹی وی پروگرام میں پوچھے گئے سوال کے جواب میں عظمیٰ بخاری نے کہا کہ چونکہ رضوی برادران کا ایک ٹریک ریکارڈ ہے لا اینڈ آرڈر کی صورتحال پیدا کرنے اور انسانی جانوں کو ڈھال بنانے کا، وہ ابھی بھی یہی کر رہے ہیں۔ میرے پاس کافی تفصیلات موجود ہیں مگر کچھ وجوہات کی بنا پر میں انہیں شیئر نہیں کر سکتی۔
یہ بھی پڑھیں:ٹی ایل پی سوشل میڈیا ٹیم کا رہنما گلگت سے گرفتار
عظمیٰ بخاری نے کہا کہ ہم رضوی برادران کے بہت قریب ہیں، وہ جگہیں بدل رہے ہیں مگر جلد قانون کی گرفت میں ہوں گے۔
ٹی ایل پی کے قبضے میں لی گئی زمینوں یا اثاثوں کی نیلامی کے حوالے سے انہوں نے کہا کہ ہم وفاقی حکومت کے فیصلے کے منتظر ہیں تاکہ وہ قانونی طور پر ٹی ایل پی پر پابندی لگائے۔ اس حوالے سے ایک طریقہ کار موجود ہے، پھر ہمارے پاس قانونی راستے ہوں گے۔ ہماری تیاری مکمل ہے؛ ان کے بینک اکاؤنٹس، ان کے نام پر پراپرٹی اور بے نامی پراپرٹی کی تفصیل ہمارے پاس موجود ہے۔
انہوں نے کہا کہ ٹی ایل پی ریاست کے اندر ایک ریاست بن چکی تھی۔ رضوی خاندان کا پہلے ایک چھوٹا سا گھر تھا، انہوں نے ارد گرد تمام پراپرٹی خرید لی یا شاید لوگ مجبوری میں انہیں بیچ گئے۔ ان کے پاس منظم طریقے کے ہتھیار تھے، اور اپنی سیکیورٹی کے لیے بھی لوگوں کے لیے جگہیں رکھی ہوئی تھیں۔
یہ بھی پڑھیں: ٹی ایل پی کو فنانس کرنے والے 3 ہزار 800 افراد کا سراغ لگا لیا، وزیر اطلاعات پنجاب عظمیٰ بخاری
ٹی ایل پی پر پابندی کے حوالے سے وفاق کے فیصلے میں تاخیر کی وجہ پوچھے جانے پر انہوں نے کہا کہ امید ہے وفاق کی جانب سے جلد فیصلہ آئے گا، کیوں کہ ٹی ایل پی کو بین نہ کرنے کی کوئی وجہ نہیں۔ کیا ہم ہر دو سال بعد اپنے پولیس والوں کی لاشیں گروائیں؟ ٹی ایل پی پر پابندی پوری قوم کی مانگ ہے؛ پوری سوسائٹی نے یک زبان ہو کر یہ فیصلہ کیا ہے۔ حالیہ احتجاج کی کال بھی بری طرح ناکام ہوئی۔ یہ کارروائی پاکستان میں لاشیں بکھیرنے والے ذہنیت کے خلاف ہے، اس کا کسی مذہبی جماعت یا فرقے سے تعلق نہیں۔
انہوں نے کہا کہ ملک کے تمام اسٹیک ہولڈرز نے مل کر فیصلہ کیا ہے کہ بہت ہو گیا؛ ٹی ایل پی جس طرح کام کر رہی تھی اس سے نہ مذہب کی خدمت ہو رہی ہے، نہ ملک کی اور نہ عوام کی۔ فلسطین یا غزہ کے نام پر وفاق پر حملے کی کوشش درست نہیں۔ جب مذاکرات کی بات آتی ہے تو مطالبات ایسے ہوتے ہیں کہ انہوں نے کہا میرا اتنا سونا پکڑا ہے، وہ واپس کریں، میرے 95 بینک اکاؤنٹس ہیں وہ بھی بند نہ کریں، فورتھ شیڈول میں شامل افراد اور جیلوں میں موجود سنگین مجرموں کو چھوڑ دیں۔ ان کے مطالبات میں غزہ اور فلسطین کا کوئی نام و نشان نہیں تھا۔
یہ بھی پڑھیں: قول و فعل میں تضاد: بینکنگ نظام پر تنقید کرنے والی ٹی ایل پی کا اکاؤنٹس سے منافع حاصل کرنے کا انکشاف
ان کا کہنا تھا کہ ریاست اور حکومت نے فیصلہ کیا ہے کہ اگر ہم آگے بڑھنا چاہتے ہیں تو ہمیں سخت فیصلے کرنے ہوں گے۔ یہ فیصلے پہلے ہو جانا چاہیے تھے مگر ابھی بھی دیر نہیں ہوئی۔
کیا ٹی ایل پی کے اثاثوں کے حوالے سے کوئی وائٹ پیپر جاری کیا جائے گا اور کیا یہ اکاؤنٹس اکیلے سعد رضوی چلا رہا تھا یا اور لوگ بھی ملوث تھے؟ اس سوال کے جواب میں انہوں نے کہا کہ اکیلا بندہ اتنا کچھ نہیں کر سکتا، نہ 95 بینک اکاؤنٹس بنا سکتا ہے؛ یہ ہمارے سسٹم پر ایک سوالیہ نشان ہے۔ دراصل یہ لوگ خوف کے ذریعے لوگوں کو ڈراتے رہے، دھمکیاں دیتے رہے اور خوف کے ذریعے ان کے منہ بند کراتے رہے۔
انہوں نے کہا کہ جیسے ہی وفاق کی جانب سے کوئی فیصلہ آئے گا، ٹی ایل پی کے اثاثوں کے حوالے سے پوری تفصیل میڈیا اور پاکستان کے عوام کے سامنے رکھی جائے گی۔ ہمارے پاس ان کے 3 ہزار 800 فنانسرز کی تفصیل ہے، جن میں پڑھے لکھے لوگ بھی شامل ہیں۔ جو لوگ انہیں سرمایہ فراہم کر رہے تھے، انہیں معلوم نہیں تھا کہ کیا ہو رہا تھا؟ یہ تو کوئی راز نہیں تھا کہ ان کا ٹریک ریکارڈ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ٹی ایل پی سعد رضوی عظمیٰ بخاری وزیراطلاعات پنجاب.ذریعہ: WE News
کلیدی لفظ: ٹی ایل پی سعد رضوی وزیراطلاعات پنجاب انہوں نے کہا کہ ٹی ایل پی کے کے حوالے سے سعد رضوی ہوں گے کیا ہے
پڑھیں:
بانی پی ٹی آئی اقتدار کیلیے بچوں کے قاتلوں بھارت، افغانستان سے مدد لے رہا ہے، عظمیٰ بخاری
وزیر اطلات و ثقافت پنجاب عظمٰی زاہد بخاری نے کہا ہے کہ ترجمان پاک فوج نے ذہنی مریض بانی تحریک انصاف کا ملک دشمن ایجنڈہ بے نقاب کر دیا-
تفصیلات کے مطابق عظمٰی زاہد بخاری نے کہا کہ بھارتی میڈیا کی گود میں بیٹھ کر پاکستان کے خلاف بیانیے کی چال چلنے والے ذہنی مریض کو قوم نے پہچان لیا ہے- ذہنی مفلوج بانی تحریک انصاف اقتدار میں آنے کے لیے ہمارے بچوں کے قاتل طالبان اور بھارت کی سپورٹ حاصل کر رہا ہے۔
انہوں نے مزید کہا کہ بنیان مرصوص کے سپہ سلار پر فضول گوئی دراصل بانی تحریک انصاف کے ذہنی و اخلاقی مفلوج ہونے کا ثبوت ہے- پاکستان کے خلاف کام کرنے والے یہ چند چہرے ریاستی استحکام کیلئے واضح خطرہ ہیں۔ دشمن ایجنڈے پر چلنے والوں کو جان لینا چاہیے کہ ریاست ان کی ہر سازش ناکام بنائے گی۔
انہوں نے مزید کہا کہ ریاستی اداروں پر حملہ، شہداء کی توہین اور افواج کے خلاف بیانیہ یہ سب دشمن کا ایجنڈا ہے جسے قوم نے روند دیا- پاکستان کی سلامتی کے خلاف ہر بیانیہ، ہر سازش، ہر کردار ریاست کے فولادی عزم کے سامنے ریت کی دیوار ثابت ہوگا۔
پیپلز پارٹی صرف سیاست نہیں بلکہ خون سے لکھی جدوجہد کا نام ہے، سید ناصر حسین شاہ