ایم ڈبلیو ایم جنوبی پنجاب کے صوبائی آرگنائزر علامہ قاضی نادر حسین علوی کاوفد کے ہمراہ سیلاب متاثرہ علاقوں کا دورہ
اشاعت کی تاریخ: 22nd, October 2025 GMT
مجلس وحدت مسلمین کے رہنماوں نے چیئرمین ہمدرد ڈیزاسٹر مینجمنٹ سیل سید فضل عباس نقوی ایڈووکیٹ سے ملاقات بھی کی۔ اس موقع پر علامہ غلام مصطفی انصاری، مولانا علمدار نقوی، علامہ غلام عباس یزدانی، مولانا سید فرخ شمسی، مولانا حسین مصطفی خمینی اور دیگر موجود تھے۔ اسلام ٹائمز۔ مجلس وحدت مسلمین جنوبی پنجاب کے صوبائی آرگنائزر علامہ قاضی نادر حسین علوی نے وفد کے ہمراہ سیلاب متاثرہ علاقوں علی پور اور سیت پور کا دورہ کیا، اور مقامی علما کرام میں خصوصی طور پر راشن بھی تقسیم کیا۔ مجلس وحدت مسلمین کے رہنماوں نے چیئرمین ہمدرد ڈیزاسٹر مینجمنٹ سیل سید فضل عباس نقوی ایڈووکیٹ سے ملاقات بھی کی۔ اس موقع پر علامہ غلام مصطفی انصاری، مولانا علمدار نقوی، علامہ غلام عباس یزدانی، مولانا سید فرخ شمسی، مولانا حسین مصطفی خمینی اور دیگر موجود تھے۔
.ذریعہ: Islam Times
کلیدی لفظ: علامہ غلام
پڑھیں:
کوئٹہ، ایم ڈبلیو ایم رہنماؤں کی گیس کمپنی کے ذمہ دار سے ملاقات، مسائل پر گفتگو
علامہ علی حسنین کی سربراہی میں وفد نے سردیوں میں گیس پریشر میں کمی اور دفتر کی بندش سے متعلق تحفظات کا اظہار کرتے ہوئے ان مسائل کو جلد از جلد حل کرنیکا مطالبہ کیا۔ اسلام ٹائمز۔ مجلس وحدت مسلمین پاکستان کے ایک اعلیٰ سطحی وفد نے مجلس وحدت مسلمین بلوچستان کے رہنماء علامہ علی حسنین حسینی کی سربراہی میں سوئی سدرن گیس کمپنی کے ڈپٹی جنرل مینجر محمد راحیل سے اہم ملاقات کی۔ ایم ڈبلیو ایم کے بیان کے مطابق یہ ملاقات شہریوں کو درپیش گیس سے متعلق عوامی مسائل کے حل کے سلسلے میں منعقد ہوئی، جس میں مختلف علاقوں میں عوام کو پیش آنے والی مشکلات پر تفصیلی تبادلۂ خیال کیا گیا۔ وفد نے بالخصوص مالی باغ آفس کی بندش کے بعد عوام کو درپیش مسائل اور شکایات کے ازالے کے لیے فوری اور مؤثر اقدامات اٹھانے پر زور دیا۔ علامہ علی حسنین حسینی نے اس بات پر گہری تشویش کا اظہار کیا کہ مالی باغ آفس کی بندش کے باعث شہریوں کو نہ صرف دفتری امور میں دشواریوں کا سامنا ہے، بلکہ شکایات کے بروقت حل میں بھی رکاؤٹیں پیدا ہو رہی ہیں۔
اس موقع پر موسم سرما کے پیش نظر مختلف علاقوں میں گیس پریشر میں کمی کے مسئلے پر بھی تفصیلی گفتگو کی گئی۔ علامہ علی حسنین حسینی نے کہا کہ سردیوں میں گیس پریشر کی کمی عام شہریوں کے لیے شدید مشکلات کا باعث بنتی ہے، لہٰذا اس مسئلے کا بروقت حل عوامی سہولت کے لئے نہایت ضروری ہے۔ ایم ڈبلیو ایم کے وفد نے سوئی سدرن گیس کمپنی کے حکام سے مطالبہ کیا کہ وہ عوامی مشکلات کو مدنظر رکھتے ہوئے فوری عملی اقدامات کریں، تاکہ سردیوں کے موسم میں شہریوں کو بلا تعطل گیس کی فراہمی یقینی بنائی جا سکے۔ سوئی سدرن گیس کمپنی کے حکام نے وفد کو یقین دہانی کرائی کہ عوامی سہولت کے پیش نظر تمام ممکنہ اقدامات کیے جائیں گے، اور شہریوں کے مسائل کے حل کے لئے ترجیحی بنیادوں پر اقدامات اٹھائے جائیں گے۔
وزیراعظم شہباز شریف سے مسلم ورلڈ لیگ کے سیکرٹری جنرل کی ملاقات، اسلام کے مثبت تشخص کے فروغ پر گفتگو