وزیرداخلہ کی علماسے ملاقات ، وفاق ،کا مساجد مدارس خلت نہ کرنے کا فیصلہ
اشاعت کی تاریخ: 22nd, October 2025 GMT
اسلام آباد+ لاہور (اپنے سٹاف رپورٹر سے+ خصوصی نامہ نگار+نیوز رپورٹر) وفاقی وزیر داخلہ محسن نقوی نے مفتی اعظم پاکستان مفتی منیب الرحمن کی رہائش گاہ پر مفتی اعظم منیب الرحمن کی سربراہی میں ممتاز علماء اہلسنت سے ملاقات کی۔ سندھ کے سینئر وزیر شرجیل انعام میمن اور صوبائی وزیر سید ناصر حسین شاہ بھی وزیرداخلہ کے ہمراہ تھے۔ ملاقات میں ماضی قریب میں رونما ہونے والے واقعات پر تفصیلی گفتگو ہوئی اور علمائے کرام نے مختلف مسائل کے بارے میں اپنا موقف پیش کیا۔ محسن نقوی نے تمام جائز مسائل حل کرنے کی یقین دہانی کرائی۔ ملاقات میں بہت جلد اسلام آباد میں تفصیلی نشست کے اہتمام پر اتفاق ہوا۔ ملاقات میں اتفاق ہوا کہ تمام جائز مسائل کو ترجیحی بنیادوں پر حل کیا جائے گا۔ وزیر داخلہ محسن نقوی نے کہا کہ مدارس و مساجد کے امور میں حکومت کوئی دخل نہیں دے گی۔ ایک فوکل پرسن فریقین کے درمیان رابطے کے لیے ہر وقت موجود ہو گا۔ علمائے کرام میں علامہ سید مظفر شاہ، مفتی عابد مبارک، علامہ لیاقت حسین اظہری، علامہ ریحان اظہر نعمانی، مفتی رفیع الرحمن نورانی، علامہ اشرف گورمانی اور علامہ احمد ربانی شامل تھے۔ علاوہ ازیں تنظیمات اہل سنت پاکستان اور اعلیٰ سطحی حکومتی وفد کے درمیان ہونے والے اہم مذاکرات میں پاکستان بھر میں سیل کی گئی تمام مساجد فوری کھولنے اور آئندہ کوئی مسجد سیل نہ کرنے کا فیصلہ کیا گیا ہے۔ مذاکرات میں ڈی جی آر ای سے رجسٹرڈ مدارس فوری کھولنے اور بیگناہ کارکنان کوفوری رہا کرنے پر بھی اتفاق ہوا ہے۔ طے پایا ہے کہ تنظیمات اہلسنت بیگناہ افراد کی فہرست مہیا کرے گی۔ مذاکرات میں مذہبی اور قومی مسائل پر باہمی مشاورت جاری رکھنے کا بھی فیصلہ کیا گیا ہے۔ ترجمان نے بتایا کہ تنظیمات اہل سنت کے وفد کی قیادت پیر زادہ محمد امین قادری نے کی۔ وفد میں ڈاکٹر ابو الخیر زبیر، پیر عبدالخالق قادری، میر آصف اکبر اور مفتی کریم خان شامل تھے۔ جبکہ حکومت کی طرف سے اعلیٰ سطحی وفد موجود تھا۔ دریں اثناء محسن نقوی اور گورنر سندھ کامران ٹیسوری کی ملاقات ہوئی۔ گورنر سندھ نے کہا کہ خوارج کیخلاف بہت بڑا آپریشن ہو رہا ہے۔ اب پورا بھارت ٹرافی کے پیچھے بھاگ رہا ہے۔ اب آپ پاکستانی ٹیم کو بھی بتائیں کہ آپ وزیر داخلہ بھی ہیں تو ٹیم اچھا پرفارم کرے گی۔ نام بھی اللہ نے محسن دیا ہے اور بہت سے لوگوں کے یہ محسن بھی ہیں۔ محس نقوی نے کہا کہ کہیں بھی میری ضرورت ہوئی میں حاضر ہوں۔ کوئی جتھہ ہتھیاروں کے ساتھ ہوگا تو اس کیخلاف ضرور ایکشن ہوگا۔ ہم سب ملکر بھنور سے نکل سکتے ہیں۔ ڈاکوؤں کے معاملے کو صوبائی حکومت ہینڈل کر رہی ہے۔
.ذریعہ: Nawaiwaqt
پڑھیں:
وزیر داخلہ محسن نقوی برطانیہ پہنچ گئے، پاکستانیوں کی حوالگی پر بات چیت متوقع
وفاقی وزیر داخلہ محسن نقوی برطانیہ پہنچ گئے ہیں، جہاں وہ چند پاکستانی شہریوں کی حوالگی کے معاملے پر برطانوی وزارت خارجہ کے حکام سے بات چیت کریں گے۔ ذرائع کے مطابق وزیر داخلہ تین دن برطانیہ میں قیام کریں گے اور اسی دوران وہ چیئرمین پی سی بی کی حیثیت سے پی ایس ایل کے آئندہ سیزن کی لانچ تقریب میں بھی شرکت کریں گے، جو اتوار کو لارڈز کرکٹ گراؤنڈ میں ہوگی۔
ذرائع نے بتایا کہ محسن نقوی برطانوی فارن آفس کے حکام سے ملاقات میں پاکستانی شہریوں کی حوالگی سے متعلق شواہد پیش کریں گے۔ پاکستانی حکام پہلے ہی اس سلسلے میں ضروری دستاویزات برطانوی ہائی کمشنر کو فراہم کر چکے ہیں، تاہم برطانوی فارن آفس کے مطابق یہ ڈوزیئر ابھی تک برطانیہ نہیں پہنچا۔
خیال رہے کہ چند روز قبل اسلام آباد میں وزیر داخلہ محسن نقوی اور برطانوی ہائی کمشنر جین میریٹ کے درمیان ملاقات ہوئی تھی، جس میں پاک برطانیہ تعلقات، سکیورٹی تعاون اور غیر قانونی طور پر برطانیہ میں مقیم پاکستانیوں کی وطن واپسی کے امور پر تفصیلی گفتگو کی گئی۔ اس دوران وزیر داخلہ نے شہزاد اکبر اور عادل راجہ کی حوالگی کے کاغذات برطانوی ہائی کمشنر کے سپرد کیے اور زور دیا کہ دونوں افراد فوری طور پر پاکستان کے سپرد کیے جائیں۔
محسن نقوی نے کہا کہ پاکستان میں آزادی اظہار کا حق یقینی بنایا گیا ہے، لیکن فیک نیوز اور پروپیگنڈا کے خلاف ٹھوس اقدامات ضروری ہیں۔
خیبر پختونخوا میں خواجہ سرا افراد کی رجسٹریشن کے لیے نیا فارم متعارف