دنیا کی کوئی حکومت اسٹیبلشمنٹ کے بغیر چل ہی نہیں سکتی، طارق فضل چوہدری
اشاعت کی تاریخ: 22nd, October 2025 GMT
وفاقی وزیر طارق فضل چوہدری نے کہا ہے کہ دنیا کی کوئی حکومت اسٹیبلشمنٹ کے بغیر چل ہی نہیں سکتی ہے۔
میڈیا سے گفتگو میں طارق فضل چوہدری نے کہا کہ پنجاب میں تعمیر و ترقی ہو یا جرائم کنٹرول، حکومت اور اسٹیبلشمنٹ مل کر کام کر رہے ہیں۔
وفاقی وزیر ڈاکٹر طارق فضل چوہدری نےخیبرپختونخوا میں وزیراعلیٰ کی تبدیلی کی وجہ بتادی۔
انہوں نے کہا کہ دنیا کی کوئی حکومت اسٹیبلشمنٹ کے بغیر چل ہی نہیں سکتی، کوئی سپر پاور ملک بتائیں، جس کے پیچھے اسٹیبلشمنٹ کھڑی نہ ہو اور وہ سپرپاور ہو۔
وفاقی وزیر نے مزید کہا کہ دنیا میں اس وقت جو عزت وزیراعظم اور فیلڈ مارشل کو مل رہی ہے تاریخ میں کبھی نہیں ملی۔
اُن کا کہنا تھا کہ پی ٹی آئی کے پاس صوبے کا مینڈیٹ ہے ہم اسے تسلیم کرتے ہیں، ہم خیبر پختونخوا کے عوام کےلیے بھی پورا کردار ادا کریں گے۔
طارق فضل چوہدری نے یہ بھی کہا کہ سی سی ڈی نے پنجاب میں جرائم کی روک تھام کےلیے جو اقدامات کیے اس کی تاریخ میں مثال نہیں ملتی۔
وفاقی وزیر نے کہا کہ سی سی ڈی نے پنجاب میں جرائم کی روک تھام کےلیے جو اقدامات کیے، اس کی تاریخ میں مثال نہیں ملتی، دہشت کی علامت سمجھے جانے والے گینگسٹر یا تو پولیس مقابلے میں ہلاک ہوئے یا صوبہ چھوڑ گئے۔ پنجاب میں اس وقت امن کی فضا نظر آتی ہے، جرائم میں نمایاں کمی ہے۔
.ذریعہ: Jang News
کلیدی لفظ: طارق فضل چوہدری نے نے کہا کہا کہ
پڑھیں:
وزیراعلیٰ بدلنے سے یہ جنگ نہیں رکے گی، طلال چوہدری
وزیر مملکت طلال چوہدری نے کہا ہے کہ خیبر پختونخوا میں ’سہیل بزدار‘ کو دانستہ لگایا گیا ہے، وزیراعلیٰ بدلنے سے یہ جنگ نہیں رکے گی۔
اسلام آباد میں نیوز کانفرنس کے دوران طلال چوہدری نے کہا کہ خیبر پختونخوا کو دی گئی 1 گاڑی کی قیمت 10 کروڑ روپے ہے۔
انہوں نے کہا کہ گاڑیاں واپس کرنے کی ایک وجہ یہ ہے کہ آپ دہشت گردی کے خلاف لڑنا ہی نہیں چاہتے، کے پی میں ’سہیل بزدار‘ کو دانستہ لگایا گیا ہے۔
وفاقی وزیر مملکت نے مزید کہا کہ اگر یہ گاڑیاں پسند نہیں تو وزیراعلیٰ اپنی بلٹ پروف گاڑی دے دیتے، دہشت گردی کے خلاف جنگ پورے پاکستان کی جنگ ہے۔
اُن کا کہنا تھا کہ ہمارے جوان شہادتیں دے رہے ہیں اور آپ سیاست کےلیے آلات واپس کر رہے ہیں، وزیراعلیٰ بدلتے رہیں ایکشن نہیں رکے گا۔
طلال چوہدری نے یہ بھی کہا کہ ان کا ایجنڈا کچھ اور ہے، خیبر پختونخوا کے نئے وزیراعلیٰ نے اب تک کوئی عوامی منصوبہ پیش نہیں کیا۔
انہوں نے کہا کہ گاڑیاں واپس کرکے پولیس کا اب جو نقصان ہوگا، اس کی ذمے دار صوبائی حکومت ہوگی، پنجاب اور سندھ کی طرح اگر کے پی نے خود گاڑیاں خریدی ہوتیں تو وفاق کو دینے کی ضرورت ہی نہ پڑتی۔
وفاقی وزیر مملکت نے کہا کہ خیبر پختونخوا پولیس کےلیے جدید گاڑیاں فراہم کی تھیں، صوبائی حکومت نے پولیس کےلیے گاڑیاں لینے سے انکار کیا۔
ان کا کہنا تھا کہ بلٹ پروف گاڑیاں پولیس کے اعلی افسران استعمال کرتے ہیں، خیبر پختونخوا میں پرانے ماڈل کی گاڑیاں امپورٹ کی جاتی ہیں۔
طلال چوہدری نے کہا کہ خیبر پختونخوا پولیس کےلیےجو گاڑیاں دی گئیں وہ عالمی معیار کے مطابق ہیں، وزیر اعظم شہباز شریف کی ہدایت پر خیبر پختونخوا پولیس کےلیے گاڑیاں دی گئیں۔
انہوں نے کہا کہ وفاقی حکومت نے مالی مشکلات کے باوجود خیبر پختونخوا پولیس کےلیے گاڑیاں فراہم کیں، کہا گیا یہ تضحیک ہے، یہ گاڑیاں قابل استعمال نہیں، اس سے قبل یہی گاڑیاں وزیر داخلہ اور وزیر اعلیٰ کے پی بھی استعمال کر چکے ہیں۔
وزیر مملکت نے کہا کہ وفاقی وزراء اور اعلیٰ افسران بھی یہی گاڑیاں استعمال کرتے ہیں، ایک گاڑی کی قیمت 10 کروڑ روپے ہے، گاڑیوں میں بلٹ اور بم پروف کے تمام لوازمات پورے ہیں۔
ان کا کہنا تھا کہ ٹی ایل پی آج تک غائب ہے، نہ کفن مل رہا ہے اور نہ کفن باندھنے والا۔
6 کروڑ ناظرین کے ساتھ ویمنز کرکٹ ورلڈ کپ کی تاریخ میں نیا ریکارڈ