بھارتی ڈرامے ’کیونکہ ساس بھی کبھی بہو تھی‘ میں بل گیٹس کی اینٹری، مہمان اداکاری یا باقائدہ کردار؟
اشاعت کی تاریخ: 23rd, October 2025 GMT
دنیا کے معروف ارب پتی اور سماجی خدمت گزار بل گیٹس نے بھارتی ٹی وی ڈرامے ’کیونکہ ساس بھی کبھی بہو تھی 2‘ میں اینٹری دے دی۔
یہ بھی پڑھیں: کونسے اہم کردار اب ’ساس بھی کبھی بہو تھی‘ ڈرامے میں نظر نہیں آئیں گے؟
اس ہفتے جاری ہونے والے نئے پرومو میں بل گیٹس ویڈیو کال کے ذریعے ڈرامے کی مین کیریکٹر تلسی ویرانی (اصل نام سمرتی ایرانی ) سے بات کرتے دکھائی دیے۔
ویڈیو کا آغاز بل گیٹس کے خوشگوار انداز میں ہیلو کرتے ہیں جس پر تلسی اپنی مخصوص نرمی اور مسکراہٹ کے ساتھ جواب دیتی ہیں۔
تلسی نے کہتی ہیں کہ بہت اچھا لگا یہ جان کر کہ آپ سیدھے امریکا سے میرے خاندان سے جڑ رہے ہیں، ہم سب بے صبری سے آپ کا انتظار کر رہے ہیں‘۔
بل گیٹس مسکراتے ہوئے سادہ سا جواب دیتے ہیں ’تھینک یو، تلسی جی۔
اس طرح ونڈوز بنانے والی شخصیت اب بھارت کے معروف ترین ڈراموں میں سے ایک کا حصہ بن چکا گئی۔
ڈرامے کے پرومو کیپشن سے ظاہر ہوتا ہے کہ بل گیٹس ڈرامے کے محض ایک مہمان اداکار نہیں بلکہ ایک شراکت دار بھی ہیں جس کا مقصد صحت، ہمدردی اور مثبت تبدیلی کو اجاگر کرنا ہے۔
مزید پڑھی: سمرتی ایرانی کی ’کیونکہ ساس بھی کبھی بہو تھی‘ میں واپسی، ڈرامہ کب نشر ہو گا؟
کیپشن میں لکھا ہے کہ اس بار کیونکہ ساس بھی کبھی بہو تھی کی کہانی کے بیچ ایک نیا رشتہ جڑ رہا ہے جو صحت، ہمدردی اور تبدیلی کا ہے۔ اس میں مزید کہا گیا کہ ’اس کہانی میں دنیا کے سب سے بڑے چینج میکر بل گیٹس شامل ہیں اس سوچ کے ساتھ کہ ’ہر ماں اور ہر بچہ محفوظ اور صحت مند رہے‘۔
یعنی یہ اشتراک گیٹس فاؤنڈیشن کے طویل المدتی منصوبوں خصوصاً جنوبی ایشیا میں ماں اور بچے کی صحت کے فروغ سے ہم آہنگ ہے۔
یہ واضح نہیں کہ بل گیٹس صرف ایک پروموشنل جھلک میں نظر آئیں گے یا ڈرامے میں ان کا کردار آگے بھی بڑھے گا۔
مزید پڑھیں: پاکستان میں بھی مقبول بھارتی کامیڈی شو ’تارک مہتا کا الٹا چشمہ‘ کے تاریک پہلو
لیکن ایک بات طے ہے کہ ’کیونکہ ساس بھی کبھی بہو تھی‘ نے وہ کر دکھایا جو کوئی ٹیک کانفرنس نہیں کر سکی یعنی بل گیٹس سے ہندی میں بات کروانا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بل گیٹس بھارتی ڈرامے میں کیونکہ ساس بھی کبھی بہو تھی 2 کیونکہ ساس بھی کبھی بہو تھی میں بل گیٹس.
ذریعہ
ذریعہ: WE News
کلیدی لفظ: بل گیٹس بھارتی ڈرامے میں کیونکہ ساس بھی کبھی بہو تھی 2 کیونکہ ساس بھی کبھی بہو تھی بل گیٹس
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
پاکستان نے ورلڈ کپ 2028 کیلیے براہ راست کوالیفائی کر لیا