نیویارک کے میئر زہران مَمدانی کرائے کے گھر سے گریسی مینشن کیوں منتقل ہوں گے؟
اشاعت کی تاریخ: 10th, December 2025 GMT
نیویارک کے میئر منتخب زہران ممدانی نے اعلان کیا ہے کہ وہ اپنی اہلیہ کے ہمراہ جنوری میں عہدہ سنبھالنے کے بعد مین ہیٹن میں واقع میئر کی سرکاری رہائش گاہ، گریسی مینشن، منتقل ہونے کے لیے تیار ہیں۔
ان کا کہنا ہے کہ یہ فیصلہ خاندان کی حفاظت اور نیویارک کے عوام کے لیے اپنی ’افورڈیبلٹی ایجنڈا‘ پر مکمل توجہ دینے کے پیشِ نظر کیا گیا ہے۔
یہ بھی پڑھیں:
انسٹا گرام پر جاری کردہ ایک بیان کے مطابق زہران مَمدانی نے جنوری میں گریسی مینشن منتقل ہونے کا اعلان کیا، تاہم انہوں نے اپنی موجودہ رہائش، اسٹوریا، کو خاص قرار دیتے ہوئے کہا کہ یہ محلہ ہمیشہ ان کے دل اور کام کا حصہ رہے گا۔
From 1-BHK to $100m mansion: Zohran Mamdani relocates to Gracie Mansion – here’s why it matters
Zohran Mamdani moves into Gracie Mansion, citing family safety and focus on city agendahttps://t.
— Gulf News (@gulf_news) December 9, 2025
’یہ فیصلہ دراصل ہمارے خاندان کی حفاظت اور اس بات کی اہمیت کے پیشِ نظر کیا گیا کہ میں اپنی تمام تر توجہ اس افورڈیبلٹی ایجنڈے پر مرکوز رکھ سکوں جس کے لیے نیویارکرز نے ووٹ دیا۔‘
ان کا کہنا تھا وہ بہت سی چیزوں کو یاد کریں گے۔ ’۔۔۔عدنی چائے کی خوشبو، ہسپانوی اور عربی سمیت مختلف زبانوں میں ہونے والی گفتگو۔۔۔ سمندری غذا اور شاورما کی مہک جو ہر طرف پھیلی رہتی تھی۔‘
افورڈیبلٹی اور رہائشی استحکام کے ایجنڈے پر انتخابی مہم چلانے والے زہران ممدانی نے گزشتہ ماہ بڑے مارجن سے میئر کا انتخاب جیتا تھا۔
مزید پڑھیں:
وہ گزشتہ 100 سال میں نیویارک کے سب سے کم عمر میئر ہوں گے۔
34 سالہ ڈیموکریٹک سوشلسٹ کو اس بات پر تنقید کا سامنا بھی رہا کہ وہ سبسڈی والے گھر میں رہتے ہیں۔
View this post on Instagram
A post shared by Zohran Kwame Mamdani (@zohrankmamdani)
فی الحال وہ اسٹوریا میں ایک بیڈروم کے اپارٹمنٹ کے لیے تقریباً 2,300 ڈالر کرایہ ادا کرتے ہیں۔
سابق گورنر اینڈریو کومو نے ان پر تنقید کرتے ہوئے کہا تھا کہ وہ سالانہ 1,42,000 ڈالر کمانے کے باوجود سبسڈی والے کرایہ کے فلیٹ میں رہ رہے ہیں۔
زہران مَمدانی کا موجودہ 800 اسکوائر فٹ کا اپارٹمنٹ نیویارک قانون کے مطابق حرارت اور گرم پانی فراہم کرتا ہے۔
مزید پڑھیں:
اگرچہ اپارٹمنٹ میں واشر یا ڈرائر نہیں، مگر عمارت میں مشترکہ لانڈری روم موجود ہے۔
1929 میں تعمیر ہونے والی اس عمارت میں لفٹ بھی موجود ہے، جو آسٹوریا میں ایک نایاب سہولت ہے۔
دوسری جانب، گریسی مینشن میں ورانڈے سے ایسٹ ریور کا دلکش منظر نظر آتا ہے۔
مزید پڑھیں:
یہاں ایک شاندار فائر پلیس کے ساتھ استقبالیہ کمرہ، اور پیرس کے باغات کی منظرکشی والے وال پیپر کے ساتھ خصوصی ڈائننگ اور بیٹھک کمرے موجود ہیں، جہاں میئرز سرکاری شیف کے تیار کردہ کھانے کھاتے ہیں۔
اسٹوریا ایک نسبتاً سستا اور نوجوان خاندانوں کا پسندیدہ محلہ ہے، جب کہ اپر ایسٹ سائیڈ دنیا کے مشہور عجائب گھروں اور بارز کا مرکز ہے۔
نیویارک ٹائمز کے مطابق یہی سخت سیکیورٹی اور سرکاری تقریبات کی سہولت وہ عوامل ہیں جن کی وجہ سے تقریباً تمام میئرز بالآخر گریسی مینشن ہی کو منتخب کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افورڈیبلٹی ایجنڈا ڈیموکریٹک سوشلسٹ زہران ممدانی شاورما کم عمر گریسی مینشن میئر نیویارکذریعہ: WE News
کلیدی لفظ: ڈیموکریٹک سوشلسٹ شاورما نیویارک نیویارک کے کے لیے
پڑھیں:
مداحوں نے ریکھا کو ’جیا بچن 2.0‘ کیوں قرار دیا؟
بالی ووڈ کی معروف اداکارہ ریکھا کو مداحوں نے ’جیا بچن 2.0‘ قرار دے دیا۔
سوشل میڈیا پر ریکھا کی ایئرپورٹ سے ایک ویڈیو سوشل میڈیا پر وائرل ہو رہی ہے جس میں دیکھا جا سکتا ہے کہ جب اداکارہ ایئرپورٹ سے باہر نکل رہی ہوتی ہیں تو ایک خاتون مداح انتہائی خوشی اسلوبی سے ان کے ساتھ سیلفی لینے کی درخواست کرتی ہیں۔
A post shared by Viral Bhayani (@viralbhayani)
ریکھا خاتون مداح کے ساتھ سیلفی لینے سے انکار کرتے ہوئے اپنی منزل کی جانب آگے بڑھ جاتی ہیں۔
اداکارہ کا مداح کے ساتھ یہ نامناسب رویہ سوشل میڈیا صارفین کو بالکل پسند نہیں آیا اور اُنہوں نے اداکارہ کو ’جیا بچن 2.0‘ قرار دے دیا۔
ایک صارف نے لکھا کہ مجھے مداح کے لیے برا محسوس ہو رہا ہے، ایک مداح کے ساتھ چند سیکنڈ گزارنے میں آخر مسئلہ کیا تھا؟
ایک اور صارف نے لکھا کہ اگر ان کا بھی ایسا رویہ ہے تو جیا اور ریکھا میں کیا فرق ہے؟
پاکستان کسٹمز انفورسمنٹ کی انسداد اسمگلنگ مہم کے تحت کارروائی، 564 اسمگل شدہ موبائل برآمد