پاکستان کی جیو سائنس ایڈوانسڈ ریسرچ لیبارٹری جدید طرز پر اپ گریڈ
اشاعت کی تاریخ: 24th, October 2025 GMT
جیولوجیکل سروے آف پاکستان کے تحت جیو سائنس ایڈوانسڈ ریسرچ لیبارٹری کی عالمی میعار کے مطابق تجدید و ترقی میں مزید پیشرفت سامنے آئی ہے۔
ملکی معیشت کے استحکام کیلئے معدنیات و کان کنی کے شعبہ میں ایس آئی ایف سی کلیدی کردار ادا کر رہی ہے جس کے تحت معدنی شعبے کی ترقی کیلئے جیو سائنس ایڈوانسڈ ریسرچ لیبارٹری جدید طرز پر اپ گریڈ کر دی گئی ہے۔
اس سہولت سے مقامی اور بین الاقوامی کمپنیاں معیاری معدنی تجزیاتی ڈیٹا سے مستفید ہو سکیں گی۔ اس موقع پر ڈائریکٹر جنرل جیولوجیکل سروے آف پاکستان عدنان عالم اعوان کا کہنا تھا کہ اس میں کوئی شک نہیں کہ ایڈوانسڈ ریسرچ لیبارٹری عالمی معیار کے مطابق جدید ترین لیبارٹری ہے۔
ماریہ اعوان، اسسٹنٹ ڈائریکٹر کا کہنا تھا کہ ایکس آر ڈی لیبارٹری ایکس آر ڈی مشین اور سافٹ ویئر مشین سے حاصل شدہ ڈیٹا کا تجزیہ کرتی ہے۔ لیبارٹری میں موجود سافٹ ویئر میں ایک لاکھ سے زائد معدنیات کا ڈیٹا موجود ہے۔
دوسری جانب ڈائریکٹر جیولوجیکل سروے آف پاکستان، نغمہ حیدر کا کہنا تھا کہ سکیننگ الیکٹران مائیکروسکوپ جیسے جدید آلات کی دستیابی ہمارے تحقیقی ادارے کے لیے نہایت اہم ہیں۔ ریموٹ سینسنگ کے ذریعے ہم زمینی سطح کا تجزیہ کر کے قیمتی معدنیات کے مقامات کی نشاندہی کرسکتے ہیں۔
جیولوجسٹ نوید منور کا کہنا تھا کہ 1991 سے قائم شدہ میوزیم میں ملکی و غیر ملکی مختلف چٹانوں میں پائے جانے والے پتھر، معدنیات اور فوسلز موجود ہیں۔ تحقیق اور جدت کا تسلسل معدنی شعبے کی ترقی سمیت ملکی معیشت کے استحکام کا ضامن ہے۔
.
ذریعہ
ذریعہ: Express News
کلیدی لفظ: ایڈوانسڈ ریسرچ لیبارٹری کا کہنا تھا
پڑھیں:
پائیدارمعاشی ترقی کیلئے صنعت وپیداوار اور بیرونی سرمایہ کاری میں اضافہ ناگزیر ہے، وزیر اعظم
اسلام آباد، وزیراعظم شہباز شریف(shahbaz shrif) نے ملکی معیشت کی پائیدارترقی کیلئے صنعت وپیداوار کا فروغ اور بیرونی سرمایہ کاری میں اضافہ ناگزیر قرار دیا ہے۔ کہا برآمدات بڑھانے کے لیے مؤثر پالیسی اقدامات حکومت پالیسی ترجیحات کا حصہ ہیں۔
وزیراعظم شہباز شریف نے اسلام آباد میں ملکی معیشت پر اہم اجلاس کی صدارت کرتے ہوئے کہا کہ تمام اصلاحات اور اقدامات میں انتظامی شفافیت اوربہترین کارکردگی حکومت کی اولین ترجیح ہے۔
صنعت و تجارت اور معیشت کے مختلف شعبہ جات میں اصلاحات طویل المدتی معاشی افادیت اور عوامی فلاح پر مرکوز ہونا چاہیے۔
وزیراعظم نے کہا توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔
مزید پڑھیں:مئی ، 3161 نئی کمپنیاں رجسٹرڈ، مجموعی تعداد 297,239 ہو گئی، ایس ای سی پی
وزیراعظم نے مختلف شعبوں میں جدید ٹیکنالوجی کی شمولیت کے لئے تمام وزارتوں اور ماہرین کو بامعنی مشاورت یقینی بنانے کی ہدایت بھی کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ