الخدمت کا گول مارکیٹ میں 72ویں واٹر فلٹریشن پلانٹ کا افتتاح
اشاعت کی تاریخ: 9th, December 2025 GMT
data-id="863a0a8" data-element_type="widget" data-widget_type="theme-post-content.default">
251209-08-12
کراچی(اسٹاف رپورٹر) الخدمت کے ’’واش ‘‘پروگرام کے تحت ناظم آباد گول مارکیٹ میں 72ویں واٹر فلٹریشن پلانٹ کا افتتاح کر دیا گیا ،واٹر فلٹریشن پلانٹ کا افتتاح چیف ایگز یکٹو الخدمت کراچی نوید علی بیگ نے ٹاؤن چیئرمین ناظم آبادمظفر خان کے ہمراہ کیا ۔ اس موقع پر قیم جماعت اسلامی ضلع وسطی سہیل زیدی، ڈائریکٹر واش پروگرام سید گوہر الاسلام اور یوسی چیئرمین شمسی بھی موجود تھے۔منصوبہ ٹاؤن میونسپل کارپوریشن ناظم آباد کے بھرپور تعاون سے تکمیل کو پہنچا ۔ اس موقع پر منیجر واش پروگرام سعد اکبر،معززین علاقہ ،تاجر برادری اور سماجی شخصیات بھی موجود تھیں۔افتتاحی تقریب سے خطاب کرتے ہوئے چیف ایگزیکٹو الخدمت کراچی نوید علی بیگ نے کہا کہ الخدمت کے ’’واش ‘‘پروگرام کے تحت شہر کے مختلف علاقوں میں واٹر فلٹریشن پلانٹس کا جال بچھایا جا رہا ہے، جہاں یکساں معیار کے ساتھ پینے کا صاف پانی فراہم کیا جارہا ہے۔ بجلی کے مسائل والے علاقوں میں سولر سبمرسیبل پمپس نصب کیے جا رہے ہیں جبکہ رین ہارویسٹنگ جیسے جدید اور ماحول دوست منصوبوں پر بھی عملی کام کا آغاز کر دیا گیا ہے۔نوید علی بیگ نے ’’بنو قابل‘‘ پروگرام کا بھی ذکر کیا گیااور کہا کہ’’ بنو قابل ‘‘پروگرام میں ملک بھر میں لاکھوں نوجوانوں نے رجسٹریشن کرائی ہے جبکہ اب تک 70 ہزار سے زاید نوجوان آئی ٹی کورسز مکمل کر کے گریجویشن کر چکے ہیں۔ اسکل ڈیولپمنٹ پروگرام کے ذریعے نوجوانوں کو عملی ہنر سے آراستہ کر کے ان کے مستقبل کے دروازے کھولے جا رہے ہیں۔پلانٹ سے فراہم کیا جانے والا صاف پانی فی لیٹر 2 روپے کے انتہائی مناسب نرخ پر دستیاب ہوگا، جس کی وصولی صرف انتظامی اخراجات تک محدود ہے۔ افتتاح کی خوشی میں3 دن تک شہری فی لیٹر ایک روپے میں پانی حاصل کر سکیں گے۔انہوں نے کہا کہ پلانٹ کی تنصیب کا مقصدعلاقہ مکینوں کو صاف، معیاری اور صحت بخش پینے کا پانی فراہم کرنا ہے۔ٹاؤن ناظم سید مظفر نے بتایا کے ناظم آباد کا یہ واٹر فلٹریشن پلانٹ گزشتہ کئی دہا ئیوں سے تباہ حالی اور انکروچمنٹ کا شکار تھا، تاہم ٹاؤن انتظامیہ نے الخدمت سے معاہدہ کیا اور اسے ازسرنو تعمیر کرکے جدید تقاضوں کے مطابق ایک نئے پلانٹ کی صورت میں بحال کیا جو اب باضابطہ طور پر عوام کے لیے کھول دیا گیا ہے۔گول مارکیٹ اور اس کے اطراف کی2 بڑی یوسیز کے سنگم پر واقع یہ مقام ایک گنجان آباد رہائشی آبادی رکھتا ہے، جہاں ہزاروں شہری صاف پانی کی سہولت سے براہ راست مستفید ہوں گے۔ ڈائریکٹر’’ واش‘‘ پروگرام سید گوہر الاسلام نے کہا کہ الخدمت محض پلانٹس لگانے تک محدود نہیں بلکہ ان کی باقاعدہ مینٹیننس، مانیٹرنگ اور کوالٹی کنٹرول کو اولین اہمیت دیتی ہے۔
ذریعہ
ذریعہ: Jasarat News
کلیدی لفظ: واٹر فلٹریشن پلانٹ کہا کہ
پڑھیں:
دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلا ب
لاہور(ڈیلی پاکستان آن لائن) دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلاب آ گیا ۔
فلڈ فور کاسٹنگ ڈویژن لاہور کے مطابق ہیڈ قادر آباد پر پانی کی آمد 2 لاکھ 36 ہزار کیو سک تک پہنچ گئی ہے۔
دریائے راوی میں ہیڈ بلوکی پر درمیانےدرجے کا سیلاب ہے ۔پانی کا بہاؤ بڑھ کر 73 ہزار 635 کیو سک تک پہنچ گیا ۔
اس کے علاوہ دریائے کابل میں نوشہرہ میں بدستور نچلے درجے کا سیلاب برقرار ہے جبکہ دریائے سندھ میں کالا باغ اور چشمہ بیراج پر نچلے درجے کے سیلاب ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بلوچستان میں سبی ڈویژن کے دریائے لہڑی میں ہیڈگوگی کے مقام پر اونچے درجے کا سیلاب ہے اور پانی کا بہاؤ 95 ہزار 913 کیو سک ریکارڈ کیا گیا ہے۔
دوسر ی جانب سیالکوٹ میں دریائے چناب میں پھنسے تمام 5 افراد کو ریسکیوکرلیا گیا ہے۔ ریسکیو حکام کے مطابق پانچوں افراد کام کے لیے گئے تھے واپسی پر کشتی خراب ہوگئی تھی۔
واضح رہے کہ مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔
بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی