وزیرِاعظم شہباز شریف کو سری لنکن صدر کا فون
اشاعت کی تاریخ: 2nd, December 2025 GMT
وزیرِ اعظم شہباز شریف اور سری لنکن صدر انورا کمارا ڈسانائیکے—فائل فوٹو
وزیرِاعظم شہباز شریف کو سری لنکا کے صدر انورا کمارا ڈسانائیکے نے ٹیلی فون کیا ہے۔
اس حوالے سے وزیرِ اعظم شہباز شریف کا کہنا ہے کہ میرے عزیز دوست صدر انورا کمارا ڈسانائیکے نے آج شام مجھے فون کیا۔
انہوں نے بتایا کہ میں نے سری لنکن صدر سے سری لنکا میں سمندری طوفان سے تباہی، جان و مال کے نقصان پر گہرے دکھ کا اظہار کیا۔
وزیرِ اعظم شہباز شریف کی سری لنکا کے صدر انورا کمارا ڈسانائیکے سے نیویارک میں ملاقات ہوئی ہے۔
وزیرِ اعظم شہباز شریف نے بتایا ہے کہ گفتگو میں متاثرہ خاندانوں سے دلی تعزیت کی، مشکل حالات میں سری لنکن حکام کی کاوشوں کو سراہا۔
ان کا کہنا ہے کہ پاکستان ہمیشہ سری لنکا کے ساتھ بالخصوص غم کے لمحات میں مکمل یکجہتی کے ساتھ کھڑا رہا۔
وزیرِ اعظم نے مزید کہا کہ سری لنکن بھائیوں، بہنوں کی مدد کے لیے ہنگامی نوعیت کی انسانی امداد فوری روانہ کر رہے ہیں۔
شہباز شریف کا یہ بھی کہنا ہے کہ سری لنکا کی اس آفت سے بحالی تک ہر ممکن تعاون جاری رکھیں گے۔
.ذریعہ: Jang News
کلیدی لفظ: انورا کمارا ڈسانائیکے اعظم شہباز شریف سری لنکا
پڑھیں:
وزیراعظم شہباز شریف کا بنگلہ دیش کی سابقہ وزیراعظم کے نام خط، صحت یابی کی دعا
ویب ڈیسک: پاکستان کے وزیراعظم شہباز شریف نے بنگلہ دیش نیشنلسٹ پارٹی (بی این پی) کی چیئرپرسن اور سابق وزیراعظم بیگم خالدہ ضیا کی خراب صحت پر گہری تشویش کا اظہار کرتے ہوئے ان کی جلد صحت یابی کے لیے دعاؤں پر مبنی ایک خط ارسال کیا ہے۔
80 سالہ خالدہ ضیا کافی عرصے سے متعدد سنگین بیماریوں میں مبتلا ہیں، جن میں دل کے امراض، ذیابیطس، گٹھیا، جگر کی خرابی (لِور سیروسِس) اور گردوں کے مسائل شامل ہیں۔
پیٹرولیم مصنوعات کی قیمتوں میں 6 روپے 35 پیسے تک کمی کا امکان
گزشتہ اتوار انہیں سانس لینے میں شدید دشواری کے بعد فوری طور پر ڈھاکا کے ایور کیئر اسپتال منتقل کیا گیا، جہاں وہ مقامی اور غیر ملکی ماہرین کی زیر نگرانی کورونری کیئر یونٹ میں زیر علاج ہیں۔
اسپتال کے ذرائع کے مطابق ہفتہ کے روز ان کی حالت میں معمولی بہتری دیکھی گئی، تاہم مجموعی طور پر ان کی صحت اب بھی نازک بتائی جا رہی ہے، جبکہ گردوں کے انتہائی کمزور کام کرنے کی وجہ سے انہیں 4 دن مسلسل ڈائیلاسز کرنا پڑا۔
بالی وو ڈ فلم کا ٹریلر ریلیز، چودھری اسلم شہید کی اہلیہ کی کڑی تنقید
وزیراعظم شہباز شریف نے اپنے خط میں خالدہ ضیا کی شدید علالت پر گہری تشویش کا اظہار کیا اور پاکستان کی حکومت و عوام کی جانب سے ان کی صحت یابی کے لیے نیک خواہشات اور دعائیں بھیجیں۔
انہوں نے خالدہ ضیا کی بنگلہ دیش کی ترقی میں خدمات کا اعتراف کرتے ہوئے پاکستان اور بنگلہ دیش کے درمیان قریبی اور برادرانہ تعلقات کو مضبوط بنانے میں ان کے کردار کی بھی تعریف کی۔ وزیراعظم نے ان کی قوت و ہمت کے لیے دعا کی تاکہ وہ اپنی جماعت اور قوم کی رہنمائی کا سلسلہ جاری رکھ سکیں۔
ڈکی بھائی کی رہائی کے بعد پہلی مرتبہ میڈیا کے سامنے آگئے
ترقی کی چابی صرف ن لیگ کے پاس ہے ،سازشیں کرنے والے تاریخ کی کتاب میں بند ہو گئے، مریم نواز