فرانسیسی عدلیہ نے بشارالاسد کیخلاف تیسرا وارنٹ جاری کردیا
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
پیرس (انٹرنیشنل ڈیسک) فرانسیسی عدالت نے شام کے سابق صدر بشار الاسد کے خلاف 2013 ء میں مہلک کیمیائی حملوں کے الزام میں نیا بین الاقوامی گرفتاری وارنٹ جاری کر دیا ۔ فرانس کی عدالتیں اس سے پہلے بشار کے خلاف 2وارنٹ جاری کر چکی ہیں۔ پیرس کے ججوں نے وارنٹ 29 جولائی کو جاری کیاتھا جس میں بشارالاسد پر انسانیت کے خلاف جرائم اور جنگی جرائم میں ملوث ہونے کے الزامات شامل ہیں۔ یہ اقدام اس وقت سامنے آیا جب فرانسیسی عدالت نے اسی مقدمے سے متعلق پہلا وارنٹ منسوخ کر دیا تھا۔ اسی روز قومی استغاثہ برائے انسدادِ دہشت گردی نے نیا وارنٹ جاری کرنے کی درخواست دی تھی۔ پہلا وارنٹ نومبر 2023 ء میں جاری ہوا تھا تاہم 25 جولائی کو عدالت عالیہ نے اسے اس بنیاد پر کالعدم قرار دے دیا کہ بشار الاسد اْس وقت منصب صدارت پر فائز تھے اور انہیں مکمل سفارتی استثنا حاصل تھا۔ تاہم عدالت نے وضاحت کی کہ چونکہ بشار الاسد کو 8 دسمبر 2024 ء کو اقتدار سے ہٹایا جا چکا ہے، اس لیے اب ان کے خلاف نئے وارنٹ جاری کیے جا سکتے ہیں۔ بشار الاسد پر عائد الزامات کے مطابق کیمیائی حملے 5 اگست 2013 ء کو شام کے 2علاقوں عدرا اور دوما میں کیے گئے تھے، جن میں 450 افراد زخمی ہوئے۔ بعد ازاں 21 اگست کو مشرقی غوطہ میں ہونے والے حملے میں امریکی انٹیلی جنس کے مطابق اعصاب شکن گیس سارین کے باعث ایک ہزار سے زائد افراد ہلاک ہوئے تھے۔ بشار الاسد کے فرار کے بعد پہلا وارنٹ رواں برس 20 جنوری کو جنوبی شام کے شہر درعا میں 2017 کے فضائی حملے کے الزام میں جاری ہوا تھا، جس میں عام شہری ہلاک ہوئے تھے۔ دوسرا وارنٹ 19 اگست کو 2012 ء میں شہر حمص میں صحافیوں کے مرکز پر بم باری کے الزام میں جاری کیا گیا تھا، جس میں امریکی صحافی میری کولون اور فرانسیسی فوٹوگرافر ریمی اوشلیک مارے گئے تھے۔ ستمبرکے آخر میں شام کی اپنی عدلیہ نے بھی بشار الاسد کے خلاف عدم حاضری میں گرفتاری کا وارنٹ جاری کیا تھا تاکہ اس معاملے کو بین الاقوامی پولیس ادارے انٹرپول کے ذریعے آگے بڑھایا جا سکے۔
ذریعہ
ذریعہ: Jasarat News
کلیدی لفظ: بشار الاسد وارنٹ جاری جاری کی کے خلاف
پڑھیں:
کیا آپ بھی رات دیر تک جاگتے ہیں؟ ماہرین نے سنگین خطرات سے خبردار کردیا
رات گئے تک جاگنے کی عادت آپ کی دماغی صحت کے لیے خطرہ بن سکتی ہے۔
جدید طرزِ زندگی میں نیند کے اوقات میں بے ترتیبی عام ہوتی جا رہی ہے خاص طور پر نوجوانوں میں رات گئے تک جاگنا ایک معمول بنتا جا رہا ہے تاہم ماہرین صحت نے خبردار کیا ہے کہ یہ عادت دماغی صحت پر منفی اثرات ڈال سکتی ہے۔
امریکا میں ہونے والی مختلف طبی تحقیقات سے معلوم ہوا ہے کہ جو افراد رات دیر تک جاگتے اور صبح دیر سے اٹھتے ہیں، ان میں ذہنی مسائل جیسے ڈپریشن، انزائٹی اور تنہائی کے احساس کا خطرہ زیادہ ہوتا ہے۔ ایک تحقیق میں 400 سے زائد افراد کا جائزہ لیا گیا جس میں ان کی نیند کی عادات اور ذہنی کیفیت کا تجزیہ کیا گیا۔
نتائج کے مطابق رات گئے تک جاگنے والے افراد نہ صرف زیادہ بے چینی کا شکار ہوتے ہیں بلکہ وہ سماجی طور پر بھی کم متحرک ہوتے ہیں جس کے باعث تنہائی کا احساس بڑھ جاتا ہے۔ ماہرین کا کہنا ہے کہ رات کے اوقات میں منفی خیالات زیادہ حاوی ہوتے ہیں جو ذہنی دباؤ میں اضافے کا سبب بنتے ہیں۔
اسی طرح دیگر تحقیقات سے یہ بھی سامنے آیا کہ دیر سے سونے والے افراد میں ڈپریشن کا خطرہ 20 سے 40 فیصد تک زیادہ ہو سکتا ہے۔ اس کی ایک وجہ ناقص نیند کا معیار، غیر صحت بخش خوراک اور اسمارٹ فون یا اسکرین کا زیادہ استعمال بھی ہو سکتا ہے۔
ماہرین کے مطابق انسانی جسم کا قدرتی نظام (سرکیڈین ردھم) دن میں سرگرمی اور رات میں آرام کے لیے بنایا گیا ہے۔ اس نظام میں خلل ذہنی اور جسمانی صحت دونوں کو متاثر کرتا ہے۔
تحقیق سے یہ بھی واضح ہوا ہے کہ اگرچہ نیند کا دورانیہ مکمل ہو، لیکن سونے کا غلط وقت بھی صحت کے لیے نقصان دہ ثابت ہو سکتا ہے۔ اس لیے بہتر دماغی صحت کے لیے جلد سونے اور جلد جاگنے کی عادت اپنانا ضروری ہے۔
ماہرین مشورہ دیتے ہیں کہ رات کے وقت اسکرین کا استعمال کم کیا جائے، سونے کا باقاعدہ وقت مقرر کیا جائے اور دن کے اوقات میں سماجی سرگرمیوں میں حصہ لیا جائے تاکہ ذہنی صحت بہتر رہ سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ