غیر قانونی امیگریشن میں ملوث مافیا کے خلاف کریک ڈاؤن جاری ہے، وزیر داخلہ محسن نقوی
اشاعت کی تاریخ: 25th, October 2025 GMT
وفاقی وزیر داخلہ سینیٹر محسن نقوی نے کہا ہے کہ غیر قانونی امیگریشن پاکستان کے لیے ایک نہایت حساس معاملہ ہے۔
یہ بھی پڑھیں: انسانی اسمگلنگ روکنے اور امیگریشن آسان بنانے کے لیے ایف آئی اے نے اہم فیصلہ کرلیا
وزارت داخلہ اسلام آباد میں پولینڈ کے نائب وزیر داخلہ نے محسن نقوی سے ملاقات کی، جس میں وزیر مملکت طلال چوہدری اور پولینڈ میں پاکستان کے سفیر محمد سمیع بھی موجود تھے۔
ملاقات کے دوران دونوں ممالک کے درمیان دوطرفہ تعلقات اور باہمی دلچسپی کے مختلف امور پر تبادلہ خیال کیا گیا۔ وزرائے داخلہ نے باہمی تعاون کو مزید مضبوط بنانے کے لیے حکومتی سطح پر رابطوں میں اضافہ کرنے پر اتفاق کیا۔
اس موقع پر غیر قانونی امیگریشن، سرحدی تحفظ (بارڈر سیکیورٹی) اور قانونی معاونت (میوچل لیگل اسسٹنٹس) سمیت دیگر شعبوں میں تعاون بڑھانے کا فیصلہ بھی کیا گیا۔
یہ بھی پڑھیں: امریکی امیگریشن: درخواست گزاروں کی سوشل میڈیا سرگرمیوں کی سخت جانچ ہوگی، ٹرمپ انتظامیہ
وفاقی وزیر داخلہ نے کہا کہ غیر قانونی امیگریشن میں ملوث مافیا کے خلاف کریک ڈاؤن جاری ہے اور سمندری حدود کو محفوظ بنانے کے لیے کوسٹ گارڈز کو مزید مضبوط بنایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پولینڈ وزیر داخلہ غیرقانونی امیگریشن محسن نقوی وزیر داخلہ وی نیوز.ذریعہ: WE News
کلیدی لفظ: پولینڈ وزیر داخلہ غیرقانونی امیگریشن محسن نقوی وزیر داخلہ وی نیوز غیر قانونی امیگریشن وزیر داخلہ محسن نقوی کے لیے
پڑھیں:
لندن میں پی ایس ایل کا شاندار روڈ شو، محسن نقوی کا لیگ کو نمبر ون بنانے کا اعلان
تاریخ میں پہلی بار پاکستان سپر لیگ (پی ایس ایل) کا روڈ شو برطانیہ کے تاریخی لارڈز کرکٹ گراؤنڈ میں منعقد ہوا، جسے پاکستان کرکٹ کے لیے ایک سنگِ میل قرار دیا جا رہا ہے۔
تقریب سے خطاب کرتے ہوئے برطانیہ میں پاکستان کے ہائی کمشنر ڈاکٹر محمد فیصل نے کہاکہ لارڈز میں پی ایس ایل روڈ شو کا انعقاد ایک غیر معمولی کامیابی ہے، اور آج کرکٹ سفارتکاری کا اہم ذریعہ بن چکی ہے۔
پی ایس ایل کا لندن لارڈز کرکٹ گراؤنڈمیں تاریخی روڈشو،چیئرمین پی سی بی محسن نقوی ،رمیز راجہ اور وسیم اکرم کی شرکت pic.twitter.com/VUYDthVbG7
— WE News (@WENewsPk) December 8, 2025
چیئرمین پی سی بی محسن نقوی کا کہنا تھا کہ پی سی بی اور پی ایس ایل کی انتظامیہ مل کر ملکی کرکٹ کے لیے اصلاحات پر کام کر رہی ہیں۔ ان کے مطابق پی ایس ایل کو دنیا کی بہترین لیگ بنانا ہدف ہے، اور اس وژن کی بنیاد نجم سیٹھی نے رکھی تھی۔
انہوں نے مزید بتایا کہ قومی کھلاڑی بے پناہ قابلیت رکھتے ہیں اور ہائی پرفارمنس سینٹرز کو جدید خطوط پر ترقی دی جا رہی ہے، جبکہ کراچی میں بھی ایک نیا سینٹر تعمیر ہو رہا ہے۔
سوئنگ کے بادشاہ وسیم اکرم نے تقریب سے خطاب کرتے ہوئے اسے پاکستانی شائقین اور کرکٹرز کے لیے فخر کا لمحہ قرار دیا۔
ان کا کہنا تھا کہ پی ایس ایل نے پاکستان کرکٹ کو نئی زندگی دی ہے۔ انہوں نے ہنستے ہوئے نئے ٹیم مالکان کو مشورہ دیا کہ میچ ہارنے پر کوچز سے یہ سوال نہ کریں کہ ٹیم کیوں ہاری۔
پی ایس ایل کے چیف ایگزیکٹو سلمان نصیر نے تقریب کی کامیابی پر مسرت کا اظہار کرتے ہوئے کہاکہ پی ایس ایل پاکستان کا سب سے کامیاب برانڈ ہے۔
انہوں نے بتایا کہ پاکستان میں کرکٹ کے شائقین ہر میچ سے بھرپور لطف اندوز ہوتے ہیں اور لیگ کے ذریعے پاکستانی کرکٹ کو دنیا بھر میں فروغ مل رہا ہے۔
ان کے مطابق پی ایس ایل کی دو نئی ٹیموں کے لیے بولی کا عمل کھولا جا چکا ہے۔
سابق کپتان قومی کرکٹ ٹیم بابر اعظم نے بھی تقریب میں شرکت کی، اور گفتگو کرتے ہوئے کہاکہ پی ایس ایل کے ساتھ ان کا سفر ہمیشہ مثبت رہا۔
انہوں نے کہا کہ بڑے کھلاڑیوں کی رہنمائی نے انہیں آگے بڑھنے میں مدد دی اور لیگ نے پاکستان کرکٹ کو عالمی سطح پر ایک مضبوط شناخت دی ہے۔ بابر اعظم کے مطابق پی ایس ایل نوجوان کرکٹرز کے لیے بہترین پلیٹ فارم ثابت ہوا ہے۔
پاکستان سپرلیگ میں اپنے آئیڈیل اے بی ڈیویلیئرز سے ملاقات ہوئی، میرے لیے اے بی ڈیویلیئرز سے ملنا فین مومنٹ تھا، اپنے پہلے پی ایس ایل میں بڑے کھلاڑیوں کے ساتھ ڈریسنگ روم شیئر کیا جن میں کرس گیل، سنگاکارا، آندرے رسل، جایاوردنے وغیرہ شامل تھے، بابراعظم pic.twitter.com/vnmicITtBm
— WE News (@WENewsPk) December 8, 2025
تقریب میں بابر اعظم، صاحبزادہ فرحان، حارث رؤف، وسیم اکرم اور رمیز راجا سمیت کئی معروف شخصیات شریک ہوئیں، جبکہ علی ظفر نے پی ایس ایل کے مقبول گیت پر شاندار پرفارمنس پیش کرکے محفل کو چار چاند لگا دیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان سپر لیگ پی ایس ایل چیئرمین پی سی بی روڈ شو لارڈز کرکٹ گراؤنڈ محسن نقوی وی نیوز
پنجاب میں وکلا کے بیہمانہ قتل پر وکلا کی ہڑتال چوتھے روز میں داخل